រាជធានីភ្នំពេញ ៖ បុរសម្នាក់បានជិះម៉ូតូ ១គ្រឿង ចេញពីផ្ទះទៅធ្វើការរោងចក្រ ដោយជិះឆ្លងផ្លូវ ក៏ជ្រុលទៅបុកចំ កាងចំហៀងកន្ទុយរ៉ឺម៉ករថយន្ត ធុនយក្សដឹកស្រូវ១គ្រឿង ហើយត្រូវរថយន្តនោះ…
រាជធានីភ្នំពេញ ៖ បុរសម្នាក់បានជិះម៉ូតូ ១គ្រឿង ចេញពីផ្ទះទៅធ្វើការរោងចក្រ ដោយជិះឆ្លងផ្លូវ ក៏ជ្រុលទៅបុកចំ កាងចំហៀងកន្ទុយរ៉ឺម៉ករថយន្ត ធុនយក្សដឹកស្រូវ១គ្រឿង ហើយត្រូវរថយន្តនោះ កិនអូសចម្ងាយជាង៣០ម៉ែត្រ ទើបរបូសចេញ បណ្ដាលឲ្យរងរបួសធ្ងន់បាក់ជើងម្ខាងសន្លប់ស្ដូកស្ដឹង បន្ទាប់មកអ្នកបើកបររថយន្តខាងលើបានចុះបិទទ្វាររថយន្ត និងចាក់សោជាប់ រួចរត់គេចខ្លួនបាត់ស្រមោល ។
ឧប្បត្តិហេតុនោះ បានកើតឡើងកាលពីវេលាម៉ោង៥និង១៥នាទីព្រឹកថ្ងៃទី៦ ខែសីហា ឆ្នាំ២០២៥ នៅតាមមហាវិថីស៊ីជីនពីង ហៅផ្លូវក្រវាត់ក្រុងទី៣ ត្រង់ចំណុចមុខផ្សាររាត្រី ស្ថិតនៅក្នុងភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
បុរសរងគ្រោះ រូបនោះឈ្មោះ សុខ ស៊ីណយ អាយុជាង៣០ឆ្នាំ មុរបរកម្មកររោងផលិតស្រាបៀរហនុមាន មានទីលំនៅក្នុងបរីពិភពថ្មីគម្រោងទី៣ ភូមិព្រៃកីសង្កាត់ភ្លើងឆេះរទេះ ខណ្ឌកំបូល រងរបួសបាក់ជើង។ គាត់ជិះម៉ូតូ ១គ្រឿង ម៉ាកហុងដាឌ្រីមសេ១២៥ ពណ៍ខ្មៅ ពាក់ស្លាកលេខកណ្ដាល 1AH-4855 ហើយម៉ូតូនេះខូចខាតខ្ទេចទាំងស្រុង។ ដោយឡែក រថយន្តដឹកស្រូវ ម៉ាកFUSO ពណ៍ស ក្បាលពាក់ស្លាកលេខចង្កូតស្ដាំ KCH-0056 និងកន្ទុយរ៉ឺម៉ក ពាក់ស្លាកលេខកំពង់ចាម 4A-1308 បើកបរដោយបុរសមិនស្គាល់អត្តសញ្ញាណម្នាក់រងការខូចខាតបាក់កាងចំហៀងខាងឆ្វេង ។
ប្រជាពលរដ្ឋ បាននិយាយថា នៅមុនពេលកើតហេតុបុរសរងគ្រោះ បានជិះម៉ូតូ១គ្រឿងខាងលើ តាមផ្លូវបេតុង ចេញពីផ្ទះទៅធ្វើការ ដោយធ្វើដំណើរ ក្នុងទិសដៅពីកើតទៅលិច ចំណែករថយន្តដឹកស្រូវបើកបរតាមមហាវិថីស៊ីជីនពីង ក្នុងទិសដៅពីជើងទៅត្បូង។ លុះពេលទៅដល់ត្រង់ចំណុចកើតហេតុ បុរសរងគ្រោះ បានជិះម៉ូតូឆ្លងមហាវិថីស៊ី ជីនពីង ហើយក៏ជ្រុលទៅបុកកាងចំហៀងខាងឆ្វេងកន្ទុយរ៉ឺម៉ករថយន្តខាងលើ ក៏ត្រូវរថយន្តនេះ កិនអូសជាង៣០ម៉ែត្រទើបរបូតចេញ បណ្ដាលឲ្យរងរបួសបាក់ជើង និងសន្លប់ស្ដូកស្ដឹង ។
ប្រជាពលរដ្ឋ បាននិយាយបន្តទៀតថា បន្ទាប់មករថយន្តដឹកស្រូវនេះ បានបើកបន្តទៅមុខបានចម្ងាយជាង៥០ម៉ែត្រទៀត ទើបឈប់ស្ងៀមហើយអ្នកបើកបរក៏បានចុះរួចបិទទ្វារចាក់សោ ហើយរត់គេចខ្លួនបាត់ចោលរថយន្ត ចំណែកម៉ូតូជនរងគ្រោះបានខូចខាតខ្ទេចទាំងស្រុងប្រើការលែងកើតតែម្ដង។ ក្រោយពេលកើតហេតុក្រុមសង្គ្រោះអង្គភាព៧១១ បានដឹកបុរសរងគ្រោះបញ្ជូនទៅកាន់មន្ទីរពេទ្យព្រះកុសុមៈ ដើម្បីសង្គ្រោះបន្ទាន់ ។ ចំណែករថយន្ត និងម៉ូតូត្រូវបាននគរបាលខណ្ឌកំបូល នាំយកទៅរក្សាទុករង់ចាំការដោះស្រាយគ្នានៅពេលក្រោយ ៕
ចែករំលែកព័តមាននេះ