រាជធានីភ្នំពេញ ៖ រថយន្តម៉ាកឡិចស៊ីស មួយគ្រឿង បើកបរក្នុងល្បឿនលឿន បុករះរថយន្តជាបន្តបន្ទាប់ចំនួន ២គ្រឿង ដែលកំពុងឈប់ស្តុបបណ្ដាលឱ្យរងការខូចខាតទាំងធ្ងន់ធ្ងរ ។ ហេតុការណ៍គ្រោះថ្នាក់នេះ…
រាជធានីភ្នំពេញ ៖ រថយន្តម៉ាកឡិចស៊ីស មួយគ្រឿង បើកបរក្នុងល្បឿនលឿន បុករះរថយន្តជាបន្តបន្ទាប់ចំនួន ២គ្រឿង ដែលកំពុងឈប់ស្តុបបណ្ដាលឱ្យរងការខូចខាតទាំងធ្ងន់ធ្ងរ ។
ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង០១និង២០នាទីរសៀលថ្ងៃទី០៥ ខែសីហា ឆ្នាំ២០២៥ ស្ថិតនៅតាមបណ្តោយផ្លូវបុរីអង្គរ ក្នុងសង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ ។
រថយន្តដែលបង្កគ្រោះថ្នាក់ ត្រូវបាននគរបាលឲ្យដឹងថា ម៉ាកឡិចស៉ីស RX300 ពណ៌ទឹកមាស ពាក់ស្លាកលេខ ភ្នំពេញ 2Q-9728 បើកបរដោយបុរសម្នាក់ពុំស្គាល់អត្តសញ្ញាណឡើយ ។
តាមសាក្សីបានឱ្យដឹងថា នៅមុនពេលកើតហេតុគេឃើញរថយន្តម៉ាក់ឡិចស៊ីសខាងលើ ធ្វើដំណើរដោយល្បឿនលឿន ក្នុងទិសដៅពីត្បូងទៅជើង។ នៅពេលធ្វើដំណើរមកដល់កន្លែងកើតហេតុ ដែលជាចំណុចស្តុប ក៏បានបុករថយន្ត ម៉ាក់ XPander Cross ពណ៌ស ពាក់ស្លាកលេខ ភ្នំពេញ 2BU-2669 ពីក្រោយយ៉ាងពេញទំហឹង រួចរថយន្តបង្កបានរេចង្កូត ជ្រុលទៅបុកជាមួយរថយន្តម៉ាក MG ពណ៌ខ្មៅ ពាក់ស្លាកលេខ ភ្នំពេញ 2BM-6288 មួយគ្រឿងទៀត បណ្ដាលឱ្យរងការខូចខាត ។
ទោះបីជាយ៉ាងណា នៅក្នុងហេតុការណ៍នោះ ពុំបណ្ដាឲ្យមនុស្សរងរបួសឡើយ ។ បន្ទាប់ពីកើតមានគ្រោះថ្នាក់នគរបាលមូលដ្ឋាន ក៏បានចុះទៅកន្លែងកើតហេតុហើយភាគីរថយន្តបង្កក៏បានសម្រួលសងការខូចខាតរថយន្តទាំង២គ្រឿង ៕
ចែករំលែកព័តមាននេះ