ការផឹកទឹកតិចជាងតម្រូវការរបស់រាងកាយ មិនត្រឹមតែបណ្តាលឱ្យខ្សោះជាតិទឹកធម្មតានោះទេ តែអាចបង្កជាជំងឺធ្ងន់ធ្ងរដល់សុខភាព។ ជំងឺវង្វេង: នៅពេលរាងកាយខ្វះជាតិទឹក ឈាមនឹងកកកាន់តែក្រាស់។ នេះធ្វើឱ្យបេះដូងពិបាកបូមឈាមទៅកាន់ខួរក្បាល ដែលអាចបណ្តាលឱ្យកើតជំងឺវង្វេង។ រោគសញ្ញាដំបូងរួមមាន អារម្មណ៍មិនស្រស់ស្រាយ…
ការផឹកទឹកតិចជាងតម្រូវការរបស់រាងកាយ មិនត្រឹមតែបណ្តាលឱ្យខ្សោះជាតិទឹកធម្មតានោះទេ តែអាចបង្កជាជំងឺធ្ងន់ធ្ងរដល់សុខភាព។
ជំងឺវង្វេង: នៅពេលរាងកាយខ្វះជាតិទឹក ឈាមនឹងកកកាន់តែក្រាស់។ នេះធ្វើឱ្យបេះដូងពិបាកបូមឈាមទៅកាន់ខួរក្បាល ដែលអាចបណ្តាលឱ្យកើតជំងឺវង្វេង។ រោគសញ្ញាដំបូងរួមមាន អារម្មណ៍មិនស្រស់ស្រាយ ងងុយគេង គិតយឺត និងវិលមុខ។
ជំងឺឫសដូងបាត: ការផឹកទឹកមិនគ្រប់គ្រាន់ធ្វើឱ្យពោះវៀនស្ងួត ពិបាករំលាយអាហារ ហើយលាមកក៏ស្ងួត និងរឹង។ នេះបណ្តាលឱ្យទល់លាមក ហើយចុងក្រោយអាចបង្កជាជំងឺឫសដូងបាត។
ឈឺសន្លាក់: ឆ្អឹងខ្ចីនៅតាមសន្លាក់ និងឌីសឆ្អឹងខ្នងមានជាតិទឹកដល់ទៅ ៨០%។ ប្រសិនបើកន្លែងទាំងនេះខ្វះជាតិទឹក ពួកវាបាត់បង់ភាពយឺត និងមិនអាចស្រូបយកភាពតក់ស្លុតបានល្អ នាំឱ្យងាយរងរបួស ឬរលាកនៅពេលធ្វើចលនា។
ការឆ្លងមេរោគលើផ្លូវបង្ហូរទឹកនោម/រលាកប្លោកនោម: នៅពេលដែលផឹកទឹកតិច ការបញ្ចេញទឹកនោមក៏តិចដែរ ធ្វើឱ្យបាក់តេរីងាយកកើតឡើង ហើយបណ្តាលឱ្យមានការឆ្លងមេរោគ ឬរលាកប្លោកនោម។
ធាត់: ការផឹកទឹកតិចពេកអាចធ្វើឱ្យអ្នកងាយធាត់។ ការផឹកទឹកមុនពេលបាយជួយឱ្យឆ្អែតលឿន និងកាត់បន្ថយបរិមាណអាហារដែលញ៉ាំ។ ផ្ទុយទៅវិញ ការញ៉ាំដោយមិនផឹកទឹកអាចនាំឱ្យញ៉ាំលើសចំណុះ និងឡើងទម្ងន់។
រដូវមិនទៀងទាត់: ចំពោះស្ត្រី ជាតិទឹកមិនគ្រប់គ្រាន់អាចប៉ះពាល់ដល់ការបង្កើតឈាមរដូវ។ នេះអាចបណ្តាលឱ្យរដូវមកមិនទៀងទាត់ មកតិច ឬច្រើនពេក ឈាមរដូវមានពណ៌ខ្មៅ ឬកក។
ចំណុចសម្គាល់
ដើម្បីថែរក្សាសុខភាពឱ្យបានល្អ និងចៀសផុតពីជំងឺទាំងនេះ ត្រូវប្រាកដថាផឹកទឹកឱ្យបានគ្រប់គ្រាន់ជារៀងរាល់ថ្ងៃ៕
ចែករំលែកព័តមាននេះ