ខេត្តសៀមរាប ៖ តំបន់អង្គរ ក្រៅតែពីមានភាពល្បីល្បាញផ្នែកវប្បធម៌ ប្រវត្តិសាស្ត្រ ហើយបានក្លាយជាសម្បត្តិបេតិកភណ្ឌ ធ្វើឱ្យពិភពលោកទទួលស្គាល់ និងចង់ឃើញ គឺពលរដ្ឋខ្មែរក៏បានចាត់ទុកទីនោះ ជាកន្លែងសក្ការបូជាលើអំណាចបារមីស័ក្តិសិទ្ធិរបស់ព្រះអទិទេពនានាទាំងពួង…
ខេត្តសៀមរាប ៖ តំបន់អង្គរ ក្រៅតែពីមានភាពល្បីល្បាញផ្នែកវប្បធម៌ ប្រវត្តិសាស្ត្រ ហើយបានក្លាយជាសម្បត្តិបេតិកភណ្ឌ ធ្វើឱ្យពិភពលោកទទួលស្គាល់ និងចង់ឃើញ គឺពលរដ្ឋខ្មែរក៏បានចាត់ទុកទីនោះ ជាកន្លែងសក្ការបូជាលើអំណាចបារមីស័ក្តិសិទ្ធិរបស់ព្រះអទិទេពនានាទាំងពួង ។ នេះបើតាម អាជ្ញាធរជាតិអប្សរាបានផ្សព្វផ្សាយនាព្រឹកថ្ងៃទី០៥ ខែសីហានេះ ។
អាជ្ញាធរជាតិអប្សរា បានបន្តថា ជារៀងរាល់ថ្ងៃ ពលរដ្ឋខ្មែរជាច្រើនមិនថា អ្នកនៅខេត្តសៀមរាប ឬអ្នកមកពីទីឆ្ងាយៗ ព្រមទាំងមានជាតិសាសន៍ដទៃទៀតផង តែងនាំយកគ្រឿងសក្ការបូជាមាន ទៀន ធូប ផ្កា ព្រមទាំងផ្លែឈើជាដើម ទៅថ្វាយ និងធ្វើគារវៈកិច្ចគោរពបូជា បន់ស្រន់ ដើម្បីសុំសេចក្តីសុខ សុំពរជ័យដល់កងទ័ពជួរមុខកម្ពុជាឈ្នះគ្រប់សមរភូមិ ក្នុងសង្គ្រាមឈ្លានពានទឹកដីពីសំណាក់ទាហានសៀម សូមឱ្យបារមីនៅអង្គរជួយចម្លង និងការពារពួកគាត់ឱ្យផុតពីគ្រោះភ័យ ហើយឱ្យជួបតែសេចក្តីសុខ និងចម្រុងចម្រើន ។
ជាពិសេស សូមឱ្យប្រទេសជាតិកម្ពុជារួចផុតពីសង្គ្រាម ពីជំងឺផ្សេងៗ និងសម្បូរសប្បាយជានិច្ចនិរន្ត ៕
ចែករំលែកព័តមាននេះ