រាជធានីភ្នំពេញ ៖ កម្ពុជាបានអះអាងជាថ្មីម្តងទៀត ក្នុងការដោះស្រាយរាល់បញ្ហាទាំងអស់ តាមរយៈមធ្យោបាយដោយសន្តិវិធី តាមច្បាប់អន្តរជាតិ និងអនុសារណៈយោគយល់ឆ្នាំ២០០០ និងកិច្ចព្រមព្រៀងបទឈប់បាញ់គ្នា ។ ការលើកឡើងនេះបន្ទាប់ពីសភាពការណ៍ព្រំដែនកម្ពុជា-ថៃកើតឡើងពីភាគីថៃ…
រាជធានីភ្នំពេញ ៖ កម្ពុជាបានអះអាងជាថ្មីម្តងទៀត ក្នុងការដោះស្រាយរាល់បញ្ហាទាំងអស់ តាមរយៈមធ្យោបាយដោយសន្តិវិធី តាមច្បាប់អន្តរជាតិ និងអនុសារណៈយោគយល់ឆ្នាំ២០០០ និងកិច្ចព្រមព្រៀងបទឈប់បាញ់គ្នា ។
ការលើកឡើងនេះបន្ទាប់ពីសភាពការណ៍ព្រំដែនកម្ពុជា-ថៃកើតឡើងពីភាគីថៃ ព្រោះបានចង់រំលោ ភបំពានលើទឹកដីកម្ពុជា ចំណែកកម្ពុជាគ្រាន់តែការពារខ្លួន និងចង់រក្សាដែនអធិបតេយ្យខ្លួនតែប៉ុណ្ណោះ ។
ឯកឧត្តម ជុំ សុន្ទរី អ្នកនាំពាក្យក្រសួងការបរទេសបានលើកឡើងក្នុងសន្និសីទសារព័ត៌មាន នាព្រឹកថ្ងៃទី០៥ ខែសីហា ឆ្នាំ២០២៥ថា ក្រសួងការបរទេស និងសហប្រតិបត្តិការអន្តរជាតិ សូមធ្វើការបដិសេធយ៉ាងដាច់អង្ហាការ ចំពោះការចោទប្រកាន់ គ្មានមូលដ្ឋានពីសំណាក់ក្រសួងការបរទេសថៃ និងសូមបំភ្លឺថា កម្ពុជាពុំមែនជាអ្នកចាប់ផ្តើមឲ្យមានទំនាស់មកដល់ពេលបច្ចុប្បន្ននោះទេ។ ផ្ទុយទៅវិញ កម្ពុជាបានប្រកាន់ភ្ជាប់ជានិច្ច នូវភាពអត់ធ្មត់យ៉ាងអតិប្បរមា ទោះបីយោធាថៃបានធ្វើចំពោះមុខយ៉ាងណាក្តី ។
ឯកឧត្តមអ្នកនាំពាក្យបានបញ្ជាក់ថា «សភាពការណ៍នៅពេលនេះ គឺកើតចេញអំពីការទន្ទ្រានចូលជាបន្តបន្ទាប់របស់ថៃមកលើដែនអធិបតេយ្យកម្ពុជា ដែលជាការរំលោភបំពានលើកិច្ចព្រមព្រៀងដែលមានពិសេសនោះ អនុសារណៈឆ្នាំ២០០០ និងច្បាប់អន្តរជាតិផ្សេងទៀត» ។
ជាមួយគ្នានោះដែរ ឯកឧត្តមអ្នកនាំពាក្យបន្ថែមថា ការលើកឡើងរបស់ភាគីថៃអំពីសិទ្ធិស្វ័យការពារ គឺពុំមានសំអាងច្បាស់លាស់នោះឡើយ។ កងកំលាំងរបស់កម្ពុជាបានធ្វើការឆ្លើយតបនឹងថៃ ដោយសមស្រប ដើម្បីការពារនូវអធិបតេយ្យភាព និងប្រជាពលរដ្ឋស៊ីវិលរបស់ខ្លួន បន្ទាប់ពីមាន ការទន្ទ្រានចូលហើយការបាញ់ផ្លោងដោយគ្មានហេតុផលដោយភាគីថៃ។
លើសពីនេះឯកឧត្តម ជុំ សុន្ទរី បានគូសបញ្ជាក់ប្រាប់ភាគីថៃថា កម្ពុជាធ្វើការផ្សាយព័ត៌មានមិនពិតនោះ គឺជាការប៉ុនប៉ងដើម្បីបង្វែងកំហុស និងការទទួលខុសត្រូវ សម្រាប់ការរំលោភ បំពាននូវបទឈប់បាញ់របស់ខ្លួនតែប៉ុណ្ណោះ ។ ការប្រព្រឹត្តិរបស់កម្ពុជា គឺធ្វើស្របនឹងច្បាប់ អន្តរជាតិ និងគោលការណ៍មនុស្សធម៌អន្តរជាតិ។
ឯកឧត្តមបានបន្ថែមថា កងកំលាំងប្រដាប់អាវុធកម្ពុជាពុំដែលយកប្រជាជនធ្វើជាគោលដៅ របស់ ខ្លួនដូចដែលថៃលើកឡើងខុសពីការពិតនោះទេ។ កម្ពុជាតែងតែតាំងចិត្តនិងគោរព នូវបទឈប់ បាញ់ដែលសម្រេចបាននៅក្នុងកិច្ចប្រជុំពិសេស កាលពីថ្ងៃទី២៨កក្កដា ឆ្នាំ២០២៥ នៅប្រ ទេសម៉ាឡេស៊ី ហើយកម្ពុជា និងបន្តចូលរួមយ៉ាងសុទ្ធចិត្តក្នុងការអនុវត្ត ដ៏ពេញលេញ នូវកិច្ចព្រមព្រៀងនេះតាមរយៈយន្តការអាស៊ាន។
ឯកឧត្តមបានបញ្ជាក់ថា៖ «ក្រសួងការបរទេសសូមថ្កោលទោសយ៉ាងខ្លាំងក្លាចំពោះការបង្ករឿង ដោយភាគីថៃ ហើយទាមទារឲ្យភាគីថៃគោរពដ៏ពេញលេញនូវអធិបតេយ្យភាព និងបូរណភាព ទឹកដីរបស់កម្ពុជា ស្របតាមធម្មនុញ្ញអង្កការសហប្រជាតិ ធម្មនុញ្ញអាស៊ាន និងច្បាប់អន្តរជាតិ សូមឲ្យឈប់ជាបន្ទាន់ នូវការបង្ករឿងផ្នែកយោធា ហើយសកម្មភាពជាឯកតោភាគីដែ លធ្វើឲ្យគ្រោះ ថ្នាក់ដល់សន្តិសុខជនស៊ីវិល និងភាពតានតឹងថែមទៀត»។
ឯកឧត្តមបានគូសបញ្ជាក់បន្ថែមទៀតថា៖ «សូមឲ្យមានភាពស៊ីគ្នា រវៀងការប្រកាសជាសាធារណៈ និងការតាំងចិត្តរបស់ខ្លួនចំពោះសន្តិភាព ជាមួយនិងសកម្មភាពជាក់ស្តែង តាមរយៈការអនុវត្តដោយសុចរឹតនូវកិច្ចព្រមព្រៀងឈប់បាញ់គ្នា។ សូមឲ្យជៀសវាងធ្វើឲ្យមា នភាពតានតឹងកើនឡើងថែមទៀត និងផ្សាយព័ត៌មានមិនពិតដែលគំរា មកំហែងនូវសន្តិុសុខ ដ៏ផុយស្រួយ និងស្ថេរភាពនៅតាមព្រំដែននៃប្រទេសទាំងពីរ»។
ឯកឧត្តមលើកឡើងទៀតថាកម្ពុជាសូម អះអាងជាថ្មីម្តងទៀតក្នុងការដោះស្រាយរាល់បញ្ហា ទាំងអស់តាមរយៈមធ្យោបាយដោយសន្តិវិធី តាមច្បាប់អន្តរជាតិ និងអនុសារណៈ យោគយល់ឆ្នាំ២០០០ និងកិច្ចព្រមព្រៀងនូវបទឈប់បាញ់គ្នា៕
ចែករំលែកព័តមាននេះ