ទីក្រុងម៉ូស្គូ៖ នៅទីបំផុត លោកពូទីនត្រៀមទទួលស្វាគមន៍ដៃ២ដើម្បីជួបគ្នាដោយផ្ទាល់ជាមួយប្រធានាធិបតីអ៊ុយក្រែន លោកហ្សេឡិនស្គី នៅក្នុងពេលវេលាដ៏សមគួរណាមួយ។ ប៉ុន្តែលោកដាក់លក្ខខណ្ឌមួយ។ គម្រោងជួបគ្នាត្រូវតែរៀបចំឡើងនៅក្នុងកម្រិតជំនាញ។ ដំណឹងស្ដីពីលោកពូទីនយល់ព្រមជួបគ្នានេះត្រូវបានប្រកាសឱ្យដឹងដោយអ្នកនាំពាក្យវិមានក្រឹមឡាំង លោកប៉េស្កូស (Peskov)។…
ទីក្រុងម៉ូស្គូ៖ នៅទីបំផុត លោកពូទីនត្រៀមទទួលស្វាគមន៍ដៃ២ដើម្បីជួបគ្នាដោយផ្ទាល់ជាមួយប្រធានាធិបតីអ៊ុយក្រែន លោកហ្សេឡិនស្គី នៅក្នុងពេលវេលាដ៏សមគួរណាមួយ។ ប៉ុន្តែលោកដាក់លក្ខខណ្ឌមួយ។ គម្រោងជួបគ្នាត្រូវតែរៀបចំឡើងនៅក្នុងកម្រិតជំនាញ។ ដំណឹងស្ដីពីលោកពូទីនយល់ព្រមជួបគ្នានេះត្រូវបានប្រកាសឱ្យដឹងដោយអ្នកនាំពាក្យវិមានក្រឹមឡាំង លោកប៉េស្កូស (Peskov)។
អ្នកនាំពាក្យរូបនេះកត់សម្គាល់ថារហូតមកទល់នឹងពេលនេះក្រុមការងារប្រទេសទាំង២មិនទាន់ចាប់ផ្ដើមរៀបចំគម្រោងជួបគ្នាកម្រិតកំពូលរវាងលោកពូទីន និងលោកហ្សេឡិនស្គីនៅឡើយទេ។ ចំណុចមួយទៀត លោកប៉េស្កូសមិនបដិសេធទេនូវលទ្ធភាពនៃការជួបគ្នានៅសប្ដាហ៍នេះរវាងលោកពូទីនជាមួយប្រេសិតពិសេសរបស់លោកត្រាំគឺលោកស្ទីវវីតខូស (Steve Witkoff)។
សូមរំលឹកថាកាលពីមុននេះបន្តិច លោកពូទីនអះអាងថាលោកគាំទ្រផែនការធ្វើឱ្យមានសន្តិភាពយូរអង្វែងនៅអ៊ុយក្រែន។ លោកនិយាយដោយប្រយោលសំដៅទៅលោកត្រាំ។ លោកថាអ្នកខ្លះមានចិត្តខឹងសម្បារនឹងលទ្ធផលនៃការចរចាគ្នាព្រោះពួកគេរំពឹងខ្ពស់ពេក។ ជាថ្មីម្ដងទៀត លោកពូទីនបញ្ជាក់ថារុស្ស៊ីនៅតែប្រកាន់ជំហរដដែលជាថ្នូរនឹងការបញ្ចប់សង្គ្រាម។ មានន័យថាបើមិនទាន់សម្រេចគោលដៅរបស់ខ្លួនទេ រុស្ស៊ីមិនបញ្ចប់សង្គ្រាមជាដាច់ខាត។ ដូច្នេះចរចាគ្នាចេះតែចរចាទៅ។ ប៉ុន្តែគ្មានដំណោះស្រាយជាស្ថាពរឡើយ។
គេនៅចាំបានថានៅពេលផ្ទុះសង្គ្រាមដំបូងៗ អ្វីដែលលោកពូទីនទាមទារនោះមានដូចជា៖ អ៊ុយក្រែនត្រូវរក្សាខ្លួនជាប្រទេសអព្យាក្រិត, អ៊ុយក្រែនមិនត្រូវចូលអង្គការណាតូ, អ៊ុយក្រែនត្រូវដកកងទ័ពពីតំបន់ដូញែត លូហាន ខឺសុន និងហ្សាប៉ូរីហ្សៀ ហើយត្រូវទទួលស្គាល់តំបន់ទាំងនេះដែលស្មើនឹង២០%នៃទឹកដីអ៊ុយក្រែនជាទឹកដីរុស្ស៊ីបូកបញ្ចូលទាំងតំបន់គ្រីម៉េមួយទៀត។ ខាងលើនេះជាការដកស្រង់ប្រភពពីទស្សនាវដ្ដីញូស្វីក និងប្រភពដទៃទៀត៕
ចែករំលែកព័តមាននេះ