ខេត្តព្រះវិហារ៖ សមាជិកសភាអាម៉េរិក ចុះជួបពលរដ្ឋខ្មែររងគ្រោះដោយសារសង្គ្រាម​ថៃឈ្លានពានមកលើកម្ពុជា ក្នុងភូមិសាស្ដ្រខេត្តព្រះវិហារ។

យោងតាមការចុះផ្សាយរបស់មន្ទីរព័ត៌មានខេត្តព្រះវិហារ បានឱ្យដឹងថាគណៈប្រតិភូសភាសហរដ្ឋអាម៉េរិក (CODEL) ដឹកនាំដោយលោកស្រី Beth Van Duyne ប្រធានគណៈប្រតិភូ និងជាសមាជិកសភាប្រចាំរដ្ឋតិចសាស់ បានអញ្ជើញចុះពិនិត្យដោយផ្ទាល់ពីស្ថានភាពរបស់ជនភៀសសឹកនៅមណ្ឌលសុវត្ថិភាពវត្តពោធិ៍ ៥០០០ដើម ស្ថិតក្នុងស្រុកគូលែន ដោយទទួលបានការស្វាគមន៍យ៉ាងកក់ក្ដៅពី ឯកឧត្តម គីម រិទ្ធី អភិបាលខេត្តព្រះវិហារ។

ក្នុងដំណើរទស្សនកិច្ចរបស់សភាសហរដ្ឋអាម៉េរិកនាពេលនេះ ធ្វើឡើងក្នុងគោលបំណងដើម្បីឈ្វេងយល់ពីជីវភាពរស់នៅ និងទុក្ខលំបាករបស់ប្រជាពលរដ្ឋកម្ពុជា ដែលបង្ខំចិត្តចាកចេញពីផ្ទះសម្បែងដោយសារតែភ្លើងសង្គ្រាមឈ្លានពានពីសំណាក់កងទ័ពសៀមមកលើកម្ពុជា៕
​​​