គណៈប្រតិភូខេត្តមណ្ឌលគិរីអញ្ជើញចុះសួរសុខទុក្ខវីរកងទ័ពដែលកំពុងសម្រាកព្យាបាល នៅមន្ទីរពេទ្យបង្អែកខេត្តព្រះវិហារ
- ព្រះវិហារ
ខេត្តព្រះវិហារ ៖ នាថ្ងៃទី៣០ ខែសីហា ឆ្នាំ២០២៥ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី និងឯកឧត្តម…
ខេត្តព្រះវិហារ ៖ នាថ្ងៃទី៣០ ខែសីហា ឆ្នាំ២០២៥ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី និងឯកឧត្តម ថង សាវុន អភិបាលខេត្ត អមដំណើរដោយឯកឧត្តម សមាជិកក្រុមប្រឹក្សាខេត្ត លោក អភិបាលរងខេត្ត លោកឧត្តមសេនីយ៍ទោ ឡោ សុខា ស្នងការនគរបាលខេត្ត លោកឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្ត លោកឧត្តមសេនីយ៍ទោ សាន្ត គឹមអឿន មេបញ្ជាការតំបន់ប្រតិបត្តិការសឹករងមណ្ឌលគិរី លោក ប្រធានពន្ធនាគារខេត្ត រួមទាំងថ្នាក់ដឹកនាំក្រោមឱវាទ បានអញ្ជើញចុះសួរសុខទុក្ខវីរកងទ័ពចំនួន ៣២នាក់ រួមទាំងអ្នកជំងឺដទៃទៀត ដែលកំពុងសម្រាក និងព្យាបាលជំងឺនៅមន្ទីរពេទ្យបង្អែកខេត្តព្រះវិហារ។
ឱកាសនោះ ថ្នាក់ដឹកនាំខេត្ត និងមន្ត្រីក្រោមឱវាទ បានសួរសុខទុក្ខ និងផ្តល់កម្លាំងចិត្តដល់វីរកងទ័ព ដែលបានបំពេញកាតព្វកិច្ចការពារបូរណភាពទឹកដីប្រកបដោយភាពអង់អាចក្លាហាន ដោយមិនស្ទាក់ស្ទើរ។
ឯកឧត្តមបញ្ជាក់ថា ក្នុងនាមថ្នាក់ដឹកនាំ ក៏ដូចជាប្រជាពលរដ្ឋនៅសមរភូមិក្រោយ នឹងបន្តយកចិត្តទុកដាក់ និងគាំទ្រយ៉ាងជិតស្និទ្ធដល់វីរកងទ័ព និងគ្រួសារកងទ័ពដើម្បីធានាថា កងទ័ពមានកម្លាំងចិត្ត និងមានសុខភាពប្រសើរឡើងវិញ៕
ចែករំលែកព័តមាននេះ