ខេត្តកណ្តាល ៖ យោងតាមផេកផ្លូវការរបស់រដ្ឋបាលស្រុកល្វាឯម សូមជម្រាបជូនសាធារណៈជន ពិសេសបងប្អូនប្រជាពលរដ្ឋរស់នៅក្នុងស្រុកល្វាឯមឱ្យបានជ្រាបថា ដោយសារកត្តាអាកាសធាតុបច្ចុប្បន្ន បង្កឲ្យមានភ្លៀងធ្លាក់ខ្លាំងក្នុងរយៈពេលប៉ុន្មានសប្ដាហ៍កន្លងទៅថ្មីៗនេះ បណ្ដាលឲ្យចំណុចផ្លូវបេតុងទិសដៅពីព្រំប្រទល់ឃុំកោះរះ និងសង្កាត់ព្រែកក្មេង ក្រុងអរិយក្សត្រ…
ខេត្តកណ្តាល ៖ យោងតាមផេកផ្លូវការរបស់រដ្ឋបាលស្រុកល្វាឯម សូមជម្រាបជូនសាធារណៈជន ពិសេសបងប្អូនប្រជាពលរដ្ឋរស់នៅក្នុងស្រុកល្វាឯមឱ្យបានជ្រាបថា ដោយសារកត្តាអាកាសធាតុបច្ចុប្បន្ន បង្កឲ្យមានភ្លៀងធ្លាក់ខ្លាំងក្នុងរយៈពេលប៉ុន្មានសប្ដាហ៍កន្លងទៅថ្មីៗនេះ បណ្ដាលឲ្យចំណុចផ្លូវបេតុងទិសដៅពីព្រំប្រទល់ឃុំកោះរះ និងសង្កាត់ព្រែកក្មេង ក្រុងអរិយក្សត្រ ឆ្ពោះទៅឃុំថ្មគរ-ឃុំទឹកឃ្លាំង ស្រុកល្វាឯម រងការជន់លិចដោយកន្លែង ។
អាស្រ័យហេតុនេះ រដ្ឋបាលស្រុកបានសម្រេចផ្អាកការធ្វើដំណើរដោយម៉ូតូ និងរថយន្តគ្រប់ប្រភេទ ដើម្បីបង្ការការខូចខាតផ្លូវធ្ងន់ធ្ងរជាងនេះ ក៏ដូចជាបញ្ចៀសគ្រោះថ្នាក់ផ្សេងៗ ដែលអាចកើតឡើងជាយថាហេតុណាមួយ ។
ទន្ទឹមនឹងនេះ រដ្ឋបាលស្រុកក៏សូមណែនាំដល់បងប្អូនប្រជាពលរដ្ឋទូទៅ ពិសេសក្មេងតូចៗ មិនត្រូវចុះលេងទឹកនៅជុំវិញចំណុចខាងលើនោះទេ ដោយសារទឹកមានសភាពជ្រៅ និងមានបង្គោលបណ្ដាញអគ្គិសនី ស្ថិតនៅក្បែរៗនោះ ដែលអាចបង្កឲ្យមានគ្រោះថ្នាក់ដល់អាយុជីវិតថែមទៀតផង។
សេចក្ដីដូចបានគោរពជម្រាបជូនខាងលើ សូមសាធារណជន និងបងប្អូនប្រជាពលរដ្ឋទាំងអស់ជ្រាបជាព័ត៌មាន ។
ចែករំលែកព័តមាននេះ