រាជធានីភ្នំពេញ ៖ បាក់កន្ទុយដងស្ទូចទើបតែដំឡើង បណ្តាលអោយកៀបមនុស្សម្នាក់ជាប់នៅខាងលើ តែមិនបង្កឱ្តប៉ះពាល់ដល់អាយុជីវិត គ្រាន់តែរងរបួសធ្ងន់ ។ ហេតុការណ៍បង្កភ្ញាក់ផ្អើល នៅវេលាម៉ោង២រសៀលថ្ងៃទី៣០ ខែសីហា…
រាជធានីភ្នំពេញ ៖ បាក់កន្ទុយដងស្ទូចទើបតែដំឡើង បណ្តាលអោយកៀបមនុស្សម្នាក់ជាប់នៅខាងលើ តែមិនបង្កឱ្តប៉ះពាល់ដល់អាយុជីវិត គ្រាន់តែរងរបួសធ្ងន់ ។ ហេតុការណ៍បង្កភ្ញាក់ផ្អើល នៅវេលាម៉ោង២រសៀលថ្ងៃទី៣០ ខែសីហា ឆ្នាំ២០២៥ នៅតាមបណ្តោយផ្លូវព្រះស៊ីសុវត្ថិ ជិតផែថ្ម ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
ប្រភពព័ត៌មានពីពលរដ្ឋបានអោយដឹងថា គេបានឃើញបុរសជាជនជាតិចិនម្នាក់ កំពុងបើកដងហ្គ្រេនស្ទូចសម្ភារពីចំណុចមួយទៅមួយកន្លែងទៀត ខណៈពេលកំពុងស្ទូចនោះ ដងសន្ទូចចាប់ផ្តើមរង្គើរ ធ្វើអោយទម្ងន់លែងស្មើគ្នា ។
ភ្លាមៗ បុរសរងគ្រោះខាងលើ បានរត់ចុះពីកន្លែងបើកចុះមកក្រោម តែស្របពេលរត់ចុះបានបន្តិច កន្ទុយដងហ្គ្រេន ក៏បានបាក់សង្កត់ពីលើ ជនរងគ្រោះ បណ្តាលអោយកៀបជាប់ រងរបួសធ្ងន់ ផ្នែកក៎និងជើងផងដែរ ។
ក្រោយកើតហេតុ សមត្ថកិច្ចនឹងអ្នកជំនាញបានឡើងទៅខាងលើ ដើម្បីយកជនរងគ្រោះចុះមកក្រោមដឹកទៅសង្គ្រោះនៅមន្ទីរពេទ្យអង្គឌួង ៕
ចែករំលែកព័តមាននេះ