រាជធានីភ្នំពេញ ៖ ឯកអគ្គរាជទូតកម្ពុជា ប្រចាំនៅសហរដ្ឋអាមេរិក អំពាវានាវឲ្យសហគមន៍អន្តរជាតិ ជួយអន្តរាគមន៍ដល់ភាគីថៃក្នុងការដោះលែងកងទ័ពកម្ពុជា ចំនួន១៨ រូបដែលយោធាថៃ ចាប់ខ្លួន ដោយធ្វើល្បិចចាប់ខ្លួនក្រោយកិច្ចព្រមព្រៀង…
រាជធានីភ្នំពេញ ៖ ឯកអគ្គរាជទូតកម្ពុជា ប្រចាំនៅសហរដ្ឋអាមេរិក អំពាវានាវឲ្យសហគមន៍អន្តរជាតិ ជួយអន្តរាគមន៍ដល់ភាគីថៃក្នុងការដោះលែងកងទ័ពកម្ពុជា ចំនួន១៨ រូបដែលយោធាថៃ ចាប់ខ្លួន ដោយធ្វើល្បិចចាប់ខ្លួនក្រោយកិច្ចព្រមព្រៀង នៃបទឈប់បាញ់ចូលជាធរមាន នាពេលកន្លងមក នេះបើតាមឯកឧត្តម ជុំ សន្ទរី អ្នកនាំពាក្យក្រសួងការបទេស និងសហប្រតិបត្តិការអន្តរជាតិថ្លែងក្នុងសន្និសីទសារព័ត៌មាន នាល្ងាចថ្ងៃទី៣០ សីហា ឆ្នាំ២០២៥ ។
ឯកឧត្តម អ្នកនាំពាក្យ ថា ក្នុងជំនួបពិភាក្សាទ្វេភាគី ឧបការីរងសហរដ្ឋអាមេរិក ឯកឧត្តម កុយ គួង ឯកអគ្គរាជទូតកម្ពុជា ប្រចាំនៅសហរដ្ឋអាមេរិក ក៏បានធ្វើការច្រើនចោល ចំពោះការចោទប្រកាន់របស់ភាគីថៃ មកលើកម្ពុជា ថាបានប្រើប្រាស់ប្រជាពលរដ្ឋស៊ីវិលជាខែលទៅធ្វើការរារាំងកងកម្លាំងថៃ និងថា កម្ពុជាដាក់មីនថ្មីផងដែរ ។
ជាងនេះ ឯកឧត្តម ឯកអគ្គរាជទូតកម្ពុជា ប្រចាំនៅសហរដ្ឋអាមេរិក ក៏បានលើកឡើងពីជំហររបស់រាជរដ្ឋាភិបាល ក្នុងការដោះស្រាយជម្លោះព្រំដែន ជាមួយប្រទេសថៃ ដោយសន្តិវិធី ស្របតាមច្បាប់អន្តរជាតិ ។
ជាមួយគ្នានេះដែរ ឯកឧត្តម ឯកអគ្គរាជទូត ក៏បានលើកឡើងពីការប្ដេជ្ញាចិត្តក្នុងការធ្វើកិច្ចសហប្រតិបត្តិការលើគ្រប់វិស័យ ឱ្យកាន់តែប្រសើរឡើងថែមទៀត ។
នៅក្នុងជំនួបនោះដែរ លោកឧបការីរងរបស់សហរដ្ឋអាមេរិក ក៏បានលើកឡើងពីការគាំទ្រ ពីការគាំទ្ររបស់សហរដ្ឋអាមេរិក ចំពោះការស្វែងរកដំណោះស្រាយជម្លោះព្រំដែនកម្ពុជា-ថៃ ដោយសន្តិវិធី ។
លោកក៏បានបញ្ជាក់ថា អាមេរិកជំរុញឲ្យភាគីទាំងពីរកម្ពុជា-ថៃ បន្តកិច្ចសន្ទនាដោយស្មោះត្រង់ និងបង្កើតក្រុមអ្នកសង្កេតការណ៍របស់អាស៊ានឲ្យបានឆាប់ ដើម្បីតាមដាន និងត្រួតពិនិត្យបទឈប់បាញ់របស់កម្ពុជា-ថៃ ឲ្យមានប្រសិទ្ធភាព ។
លោកក៏បានលើកឡើងថា សហរដ្ឋអាមេរិក បង្ហាញសេចក្តីសង្ឃឹម និងគោរពបាត់ឈប់បាញ់ ព្រមទាំងធ្វើឲ្យព្រំដែនទាំងពីរកើនឡើងកម្តៅ និងមានភាពតានតឹងឡើងវិញ។ សហរដ្ឋអាមេរិក ក៏បាន ប្ដេជ្ញាក្នុងការធ្វើពង្រឹងពង្រីកិច្ចសហប្រតិបត្តិការកម្ពុជាអាមេរិក ឲ្យកាន់តែប្រសើរផងដែរ ៕
ចែករំលែកព័តមាននេះ