រាជធានីភ្នំពេញ ៖ ស្នងការនគបាលរាជធានីភ្នំពេញ ឧត្តមសេនីយ៍ឯក ជួន ណារិន្ទ បានគូសបញ្ជាក់ថា ករណីឃាតកម្ម កណ្ដាលយប់ នៅកោះពេជ្រ…
រាជធានីភ្នំពេញ ៖ ស្នងការនគបាលរាជធានីភ្នំពេញ ឧត្តមសេនីយ៍ឯក ជួន ណារិន្ទ បានគូសបញ្ជាក់ថា ករណីឃាតកម្ម កណ្ដាលយប់ នៅកោះពេជ្រ រវាងស្ត្រីជនបរទេស និងស្ត្រីជនបរទេស ត្រូវបាននគរបាលជំនាញ នៃស្នងការដ្ឋាននគរបាលរាជធានី សហការណ៌ គ្រប់អង្គភាពពាក់ព័ន្ឋស្រាវជ្រាវ (រយៈពេល១៧ម៉ោង បង្ក្រាបបានហើយ រឿងស្នេហាត្រីកោណ) ។
អនុវត្តតាមបទបញ្ជាផ្ទាល់របស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងកម្លាំងការិយាល័យនគរបាលព្រហ្មទណ្ឌកម្រិតស្រាល និងកម្រិតធ្ងន់ សហការជាមួយកម្លាំងជំនាញអធិការដ្ឋាននគរបាលខណ្ឌចំការមន និងកម្លាំងអធិការដ្ឋាននគរបាលខណ្ឌដូនពេញ បានស្រាវជ្រាវស៊ើបអង្កេតឈានទៅដល់បង្ក្រាបបានស្ត្រីសង្ស័យជនជាតិកុងហ្គោ០១នាក់ កាលពីវេលាម៉ោង១៦និង៣០នាទី ថ្ងៃទី២៥ ខែសីហា ឆ្នាំ២០២៥ នៅចំណុចហាងសាឡនយីហោ ZOLA ផ្ទះលេខ105H ផ្លូវលេខ200 សង្កាត់បឹងរាំង ខណ្ឌដូនពេញ ដែលស្ត្រីសង្ស័យបានធ្វើសកម្មភាពយកកូនកាំបិតចាក់ និងអា.ករសម្លា.ប់ស្ត្រីរងគ្រោះ០១នាក់ ជាជនជាតិអង់គ្លេស បណ្តាលឲ្យស្លាប់ កាលពីថ្ងៃទី២៩ ខែសីហា ឆ្នាំ២០២៥ វេលាម៉ោង២៣និង៤០នាទី នៅចំណុចសួនច្បារមុខសាលាក្រុងកោះពេជ្រ វិថីសួនច្បារ ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនរងគ្រោះ(សព) ឈ្មោះ HOPKINS JESSICA CARIAD ភេទស្រី អាយុ៣៤ឆ្នាំ ជនជាតិអង់គ្លេស លិខិតឆ្លងដែន(ស្របច្បាប់) ស្នាក់នៅផ្ទះជួល ស្ថិតក្នុងខណ្ឌជ្រោយចង្វារ ។
ចំណែកស្ត្រីសង្ស័យ ឈ្មោះ KIDIKILA NGANDA GLODIE ភេទស្រី អាយុ៣៣ឆ្នាំ ជនជាតិកុងហ្គោ កាន់លិខិតឆ្លងដែន(ស្របច្បាប់) ។
ស្នងការនគបាលរាជធានីភ្នំពេញ ឧត្តមសេនីយ៍ឯក ជួន ណារិន្ទ បានគូសបញ្ជាក់ថា អំពើឃាតកម្មខាងលើនេះ គឺមូលហេតុស្នេហាត្រីកោណ ។
បច្ចុប្បន្នកម្លាំងជំនាញបានបញ្ជូនជនសង្ស័យខាងលើ មកស្នងការដ្ឋាននគរបាលរាជធានីភ្នំពេញ ដើម្បីបន្តតាមនីតិវិធី ៕
ចែករំលែកព័តមាននេះ