ស្មារតីខ្មែរជួយខ្មែរ រដ្ឋបាលរាជធានីភ្នំពេញ និងខេត្តព្រះវិហារ រៀបចំពិធីពិសាបបរសាមគ្គីជុំគ្នាជាមួយពលរដ្ឋភៀសសឹកនៅស្រុកគូលែន
ខេត្តព្រះវិហារ ៖ លោក ឯក ឃុនដឿន អភិបាលរងរាជធានីភ្នំពេញ តំណាងលោក ឃួង ស្រេង អភិបាលរាជធានីភ្នំពេញ…
ខេត្តព្រះវិហារ ៖ លោក ឯក ឃុនដឿន អភិបាលរងរាជធានីភ្នំពេញ តំណាងលោក ឃួង ស្រេង អភិបាលរាជធានីភ្នំពេញ កាលពីរាត្រីថ្ងៃទី២ ខែសីហា ឆ្នាំ២០២៥ បានផ្តួចផ្តើមឲ្យមានកម្មវិធីពិសារបបរសាមគ្គីជុំគ្នា ជាមួយបងប្អូនប្រជាពលរដ្ឋភៀសសឹក ដោយសហការជាមួយរដ្ឋបាលខេត្តព្រះវិហារ នៅបរិវេណវត្តត្រាវគៀត ស្ថិតនៅស្រុកគូលែន ។
កម្មវិធីដ៏សាមាញនេះ មានការអញ្ជើញចូលពីលោក អ៊ុក គីមសាន្ត អភិបាលរងខេត្តព្រះវិហារ និងព្រះគ្រូចៅអធិការវត្តត្រាវគៀត ព្រះនាម ម៉េង វុទ្ធី និងអាជ្ញាធរដែនដី ប្រជាពលរដ្ឋចូលរួមយ៉ាងច្រើនកុះករប្រកបដោយភាពស្និតស្នាល និងស្នាមញញឹមក្នុងស្មារតីមហាគ្រូសារខ្មែរ ។
ក្នុងនាមអាជ្ញាធរខេត្តព្រះវិហារ លោក អ៊ុក គីមសាន្ត បានថ្លែងអំណរយ៉ាងក្រៃលែង ចំពោះលោក ឃួងស្រេង ដែលបានចាត់ឱ្យអភិបាលរងមួយរូបជាតំណាងនាំយកស្បៀងគ្រប់ប្រភេទមកប្រគល់ជូនរដ្ឋបាលខេត្តព្រះវិហារ និងកងកម្លាំងជួរមុខ ក៏ដូចជាប្រជាពលរដ្ឋភៀសសឹក នៅគ្រប់ទីកន្លែង ក្នុងភូមិសាស្ត្រខេត្តព្រះវិហារ ។
ជាមួយគ្នានេះលោក អ៊ុក គីមសាន្ត ក៏បានថ្លែងអំណរគុណ ចំពោះលោក ឯក ឃុនដឿន ផងដែរ ដែលបាននាំយកអំណោយមកប្រគល់ជូនហើយ នូវបានផ្តួចផ្តើមបង្កើតមានកម្មវិធីពិសារបបរសាមគ្គី ជុំគ្នាជាមួយបងប្អូនភៀសសឹក ក្នុងបរិយ៉ាកាស ស្និតស្នាល ជាមហាគ្រួសារខ្មែរតែមួយ ខ្មែរស្រលាញ់ខ្មែរថែមទៀត ។
លោក ឯក ឃុន ដឿន ក្នុងឱកាសនោះ បានផ្តាំផ្ញើដល់បងប្អូនភៀសសឹកទាំងអស់ ដែលបាននិងកំពុងស្នាក់នៅមណ្ឌលសុវត្ថិភាព ត្រូវយកចិត្តទុកដាក់ស្តាប់តាមការណែនាំរបស់អាជ្ញាធរ ដើម្បីសុខសាន្តរបស់បងប្អូន និងសូមឲ្យបងប្អូនចូលរួមថែរក្សាបរិស្ថាន សម្អាតអនាម័យខ្លួនប្រាណឲ្យបានជាប់ជាប្រចាំ ត្រូវពិសាទឹកស្អាត ជាពិសេសកុមារតូចៗ រដូវនេះជារដូវធ្លាក់ភ្លៀង ងាយនឹងកើតជំងឺផ្សេងៗ ពិសេសជំងឺគ្រុនឈាម ។
លោក ឯក ឃុនដឿន ក្នុងឱកាសនោះដែរ ក៏បានប្រគេនបច្ច័យចំនួន១លានរៀលសម្រាប់ធ្វើបបរចែនជូនប្រជាពលរដ្ឋភៀសសឹកពិសារជុំគ្នា និងបច្ច័យ៥០ម៉ឺនរៀលទៀត សម្រាប់ព្រះគ្រូចៅអធិការទុក ចាត់ចែងដោះយស្រាយការងារផ្សេងៗតាមតម្រូវការជាក់ស្តែងដោយអធ្យាស្រ័យ ៕
ចែករំលែកព័តមាននេះ