រាជធានីភ្នំពេញ៖ ​សម្ដេចហ្លួងម៉ែ បានសព្វព្រះហឫទ័យប្រោសព្រះរាជទានព្រះរាជទ្រព្យជាង ​១ម៉ឺន​ដុល្លារ ​សម្រាប់ជួយដល់ប្រជារាស្ត្រភៀស​ខ្លួន ដែលបង្កឡើងដោយថៃឈ្លានពានលើបូរណភាពទឹកដីនៃកម្ពុជា។

យោងតាមកាកបាទក្រហមកម្ពុជា បានឱ្យដឹងនៅថ្ងៃទី០៤ ខែសីហា ឆ្នាំ២០២៥នេះ ថាសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល និងជាព្រះប្រធានកិត្តិយសកាកបាទក្រហមកម្ពុជា បានសព្វព្រះ​ហឫទ័យប្រោសព្រះរាជានុញ្ញាតដល់គណៈប្រតិភូកាកបាទក្រហមកម្ពុជា ដឹកនាំដោយ​ លោកជំទាវ​​ ពុំ​ ចន្ទីនី​​ អគ្គលេខាធិការ​ កាកបាទក្រហមកម្ពុជា​ ចូលក្រាបបង្គំគាល់នៅព្រះបរមរាជវាំង ព្រមទាំងប្រោសព្រះរាជទានព្រះរាជទ្រព្យដ៏ឧត្តុង្គឧត្តមចំនួន ​១៥.០០០​ដុល្លារ ​ រួមជាមួយស្បៀង​ និងសម្ភារមួយចំនួនទៀត សម្រាប់ជួយដល់ប្រជារាស្ត្រភៀសខ្លួន៕

​