​
រាជធានីភ្នំពេញ៖ ក្បួនដង្ហែក្រោមប្រធានបទ «កម្ពុជាស្រឡាញ់សន្តិភាព» បានទាក់ទាញក្រុមយុវជន យុវនារី រួមទាំងជនបរទេសប្រមាណ ១ម៉ឺននាក់ មកជួបជុំគ្នាដើម្បីសម្តែងពីទឹកចិត្តគាំទ្រវីរកងទ័ពជួរមុខ និងគាំទ្រសន្តិភាព អមដោយទង់ជាតិកម្ពុជា នៅបរិវេណបឹងកក់ ខណ្ឌដូនពេញ នារសៀលថ្ងៃទី០២ ខែសីហា ឆ្នាំ២០២៥។

គួរបញ្ជាក់ថា ការមកជួបជុំគ្នាយ៉ាងច្រើនកុះករនេះ ដើម្បីបង្ហាញឱ្យពិភពលោក បានឃើញភាពឥតងាករេរបស់ប្រជាពលរដ្ឋខ្មែរ និងរាជរដ្ឋាភិបាលពីការប្តេជ្ញាចិត្តរួមគ្នាជាធ្លុងមួយ ក្នុងន័យរក្សាឱ្យបានសុខសន្តិភាព ស្ថិរភាពជាមួយប្រទេសជិតខាង៕