ឯកឧត្ដម អ៊ុំ រាត្រី នាំយកអំណោយសម្តេចមហាបវរធិបតីជូនដល់បងប្អូនជនភៀសសឹកជាង៦០០គ្រួសារក្នុងភូមិសាស្ត្រស្រុកម៉ាឡៃ
- បន្ទាយមានជ័យ
ខេត្តបន្ទាយមានជ័យ ៖ នៅថ្ងៃទី០១ ខែសីហា ឆ្នាំ ២០២៥ ឯកឧត្ដម អ៊ុំ រាត្រី អភិបាល…
ខេត្តបន្ទាយមានជ័យ ៖ នៅថ្ងៃទី០១ ខែសីហា ឆ្នាំ ២០២៥ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ និងឯកឧត្ត ម ចាន់ សុវុឌ្ឍ រដ្ឋលេខាធិការ ក្រសួង កសិកម្ម រុក្ខប្រមាញ់ និងនេសាទ និងជាប្រធានក្រុមការងារចុះមូលដ្ឋានស្រុកម៉ាឡៃ តំណាងដ៏ខ្ពង់ខ្ពស់ឯកឧត្ដម ឌិត ទីណា រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ឯកឧត្ដម ប្លែក វ៉ារី ប្រធាន ក្រុមប្រឹក្សា ខេត្ត អញ្ជើញចុះសួរសុខទុក្ខ នាំយកអំណោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ជូនដល់បងប្អូនជនភៀសសឹក ចំជាង៦០០គ្រួសារ ដែលជម្លៀសខ្លួនពីព្រំដែនឈួរមុខ ក្នុងភូមិសាស្ត្រស្រុកម៉ាឡៃ មកទីតាំងសុវត្ថិភាព ។
ក្នុងឱកាសនោះឯកឧត្តម អ៊ុំ រាត្រី និងឯកឧត្ត ម ចាន់ សុវុឌ្ឍ បានពាំនាំប្រសាសន៍ផ្តាំផ្ញើសារសួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា នឹងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ ជូនដល់បងប្អូនជនភៀសសឹកដែលកំពុងស្នាក់នៅមណ្ឌលសុវត្ថិភាព ដោយក្ដីនឹករលឹក។
លេីសពីនេះក្រោយកិច្ចចរចាបទឈប់បាញ់ ដោយគ្មានលក្ខខណ្ឌ បានចូលជាធរមានរហូតមកទល់ពេលនេះ ស្ថានភាពនៅតាមព្រំដែន មានភាពស្ងប់ស្ងាត់និងល្អប្រសេីរ។ ហើយបងប្អូនប្រជាពលរដ្ឋដែលរស់នៅក្នុងសមរភូមិមុខក្នុខេត្តឧត្តរមានជ័យ និងខេត្តព្រះវិហារ ចាកចេញពីទីតាំងសុវត្ថិភាព វិលចូលលំនៅឋានរបស់ខ្លួនជាបណ្តើរៗ។
ឯកឧត្ដម បន្តថា ក្រោមការដឹកនាំដោយសម្តេចអគ្គមហាសេនាបតី តេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានខិតខំខ្នះខ្នែងក្នុងការរិះរកគ្រប់មធ្យោបាយដើម្បីបិទបញ្ចប់ការផ្ទុះអាវុធ នៅព្រំដែន ដែលភាគីថៃបានបេីកការឈ្លានពានបាញ់មកលេីកងទ័ពកម្ពុជាមុន រហូតទទួលលទ្ធផលផ្លែផ្កាយ៉ាងត្រចំត្រចង់ និងជោគជ័យ ។ ក្នុងនោះលោកតែងតែគិតគូរយ៉ាងខ្លាំងពីសុខទុក្ខបងប្អូនជនភៀសសឹក ជាខ្លាំង ដោយបានចាត់ក្រុមការងារ ដើម្បីចុះជួបដោយផ្ទាល់ជាមួយនឹងបងប្អូនជនភៀសសឹក និងនាំយកអំណោយ ជួយដល់បងប្អូនដែលកំពុងស្នាក់នៅទីសុវត្ថិភាពបណ្ដោះអាសន្នផងដែរ។
សូមបញ្ជាក់ថា ជនភៀសសឹកជាង៦០០គ្រួសារ ដោយក្នុងមួយគ្រួសារទទួលបាន អង្ករ២៥គីឡូក្រាម , ទឹកសុទ្ធវីតាល់១កេស, មី១កេស, ទឹកត្រី១យួរ, ទឹកស៊ីអ៊ីវ១យួរ និងត្រីខ១យួរ៕
ចែករំលែកព័តមាននេះ