ឧត្តរមានជ័យ ៖ អ្នកនាំពាក្យខេត្តឧត្តរមានជ័យ បានប្រកាសនាមុននេះបន្តិចថា បន្ទាប់ពីផ្ទុះសង្គ្រាមចំនួន៥ថ្ងៃ និងមានបទឈប់បាញ់ ដោយអនុវត្តន៍ចាប់ពីថ្ងៃទី២៩ ខែកក្កដា ឆ្នាំ២០២៥ គិតត្រឹមថ្ងៃទី១…
ឧត្តរមានជ័យ ៖ អ្នកនាំពាក្យខេត្តឧត្តរមានជ័យ បានប្រកាសនាមុននេះបន្តិចថា បន្ទាប់ពីផ្ទុះសង្គ្រាមចំនួន៥ថ្ងៃ និងមានបទឈប់បាញ់ ដោយអនុវត្តន៍ចាប់ពីថ្ងៃទី២៩ ខែកក្កដា ឆ្នាំ២០២៥ គិតត្រឹមថ្ងៃទី១ ខែសីហា ឆ្នាំ២០២៥ វេលាម៉ោង១៦:០០នាទីរសៀលនេះ ជនភៀសសឹកនៅជំរំមួយចំនួន រួមទាំងអ្នកដែលបានជម្លៀសចេញពីលំនៅដ្ឋាន កាលពីសង្គ្រាមរវាងកងទ័ពកម្ពុជា-ថៃ ទៅតាមបណ្តារាជធានី/ខេត្ត បានវិលត្រឡប់មកមូលដ្ឋានភូមិឃុំ នៅខេត្តឧត្តរមានជ័យវិញជាបណ្តើរៗ ។
អ្នកនាំពាក្យខេត្តឧត្តរមានជ័យ បានបន្តថា ជំរំទាំង៧ បានបន្ថយមក៦ទីតាំង ជនភៀសសឹកកំពុងរស់នៅក្នុងជំរំបានបន្ថយមកត្រឹម ៨ ៦៧៥គ្រួសារ ស្មើ៣១៥០៥នាក់ ។
ចំណែកសភាពការណ៍ចរន្តប្រជាពលរដ្ឋ នៅតាមបណ្តាក្រុងស្រុកទាំង៥ បានការវិលត្រឡប់ ៖
ទី១. ស្រុកបន្ទាយអំពិលប្រមាណ ៣០% ។ ទី២. ក្រុងសំរោង ៨០% ។ ទី៣. ស្រុកអន្លង់វែង ៩០% ។ ទី៤. ស្រុកត្រពាំងប្រាសាទ ៧០% ។ និងទី៥. ស្រុកចុងកាល់ស្ទើរតែទាំងអស់ ៕
ចែករំលែកព័តមាននេះ