អ្នកនាំពាក្យសួងការពារជាតិនិយាយថា គិតមកដល់ម៉ោងនេះ ១១ថ្ងៃត្រង់ ថៃនៅតែបន្តវាយលុកចូលកម្ពុជានៅឡើយ បើទោះបីជាលោក ដូណាល់ត្រាំ បានព្យាយាមសម្របសម្រួលអោយមានបទឈប់បាញ់ក្តី ។ ឧត្តមសេនីយ៍ឯក ម៉ាលី…
អ្នកនាំពាក្យសួងការពារជាតិនិយាយថា គិតមកដល់ម៉ោងនេះ ១១ថ្ងៃត្រង់ ថៃនៅតែបន្តវាយលុកចូលកម្ពុជានៅឡើយ បើទោះបីជាលោក ដូណាល់ត្រាំ បានព្យាយាមសម្របសម្រួលអោយមានបទឈប់បាញ់ក្តី ។
ឧត្តមសេនីយ៍ឯក ម៉ាលី សុជាតា បានប្រាប់សារព័ត៌មានថា ថៃមិនត្រឹមតែមិនបានកាត់បន្ថយស្ថានការណ៍ទេ ប៉ុន្តែបានបង្កើនការវាយលុករបស់ខ្លួនមកលើកម្ពុជា ដោយបាញ់ផ្លោងដូចភ្លៀងស្រោចចូលទឹកដីកម្ពុជា នៅតំបន់ប្រាសាទតាមាន់ធំ និងតាក្របី ។
អ្នកនាំពាក្យ ក៏បាននិយាយបន្ថែមទៀតថា ចាប់ពីម៉ោង៦ និង៣០នាទីព្រឹក មកដល់ពេលនេះ ម៉ោង១១ព្រឹក ថៃនៅតែបន្តវាយលុកដល់ភ្នំខ្មោច វាលឥន្ទ្រី អានសេះ និងតំបន់៥ មករា ដោយថ្មើរជើង និងរថក្រោះ ។
ការវាយប្រហារកាន់តែខ្លាំងបែបនេះ បង្ហាញថា ថៃនៅតែមិនទាន់មានសុឆន្ទះ ដើម្បីមានបទឈប់បាញ់ជាមួយកម្ពុជានៅឡើយទេ៕
ចែករំលែកព័តមាននេះ