ខេត្តសៀមរាប ៖ គិតត្រឹមល្ងាចថ្ងៃទី២៥ ខែកក្កដា ឆ្នាំ ២០២៥នេះ ប្រជាពលរដ្ឋជិត៥០០០នាក់.ហើយ ដែលបានជម្លៀសចូលមកកាន់ខេត្តសៀមរាប ក្រោយពេលអាជ្ញាធរខេត្តប្រកាសអំពីការត្រៀមទទួលបងប្អូនប្រជាពលរដ្ឋដែលជម្លៀសចេញពីតំបន់ព្រំដែនខេត្តឧត្តរមានជ័យមានការឈ្លានពានពីប្រទេសថៃ ដោយទទួលបានការយកចិត្តទុកដាក់ពីឯកឧត្តម…
ខេត្តសៀមរាប ៖ គិតត្រឹមល្ងាចថ្ងៃទី២៥ ខែកក្កដា ឆ្នាំ ២០២៥នេះ ប្រជាពលរដ្ឋជិត៥០០០នាក់.ហើយ ដែលបានជម្លៀសចូលមកកាន់ខេត្តសៀមរាប ក្រោយពេលអាជ្ញាធរខេត្តប្រកាសអំពីការត្រៀមទទួលបងប្អូនប្រជាពលរដ្ឋដែលជម្លៀសចេញពីតំបន់ព្រំដែនខេត្តឧត្តរមានជ័យមានការឈ្លានពានពីប្រទេសថៃ ដោយទទួលបានការយកចិត្តទុកដាក់ពីឯកឧត្តម អភិបាលខេត្ត និងអាជ្ញាធរពាក់ព័ន្ធ ។
ក្នុងនោះដែរ លោក លី វណ្ណៈ នាយករដ្ឋបាលសាលា ខេត្តសៀមរាប និង ជាអ្នកនាំ ពាក្យរដ្ឋបាលខេត្ត បានឱ្យដឹងនៅថ្ងៃទី២៥ ខែកក្កដាឆ្នាំ២០២៥នេះ ថា ដោយអនុវត្តតាមការណែ នាំសំណាក់ ឯកឧត្តម ប្រាក់ សោ ភ័ណ អភិបាលនៃគណ:អភិបាលខេត្តសៀមរាបបានរៀបចំ នៅតាមបណ្តាស្រុកចំនួន ៩ ស្មើ ៧១ ទីតាំង រួមមាន៖
ស្រុកក្រឡាញ់ មាន ២ ទីតាំង , ស្រុក ស្រីស្នំ មាន៨ ទីតាំង , ស្រុក ពួក មាន៦ទីតាំង ,ស្រុក អង្គរជុំ មាន ៣ ទីតាំង , ស្រុក វ៉ារិន មាន ៥ ទីតាំង ,ដឹកនាំសម្របសម្រួល ដោយលោក ចឹក គឹម ជុន នាយករង រដ្ឋបាលទីចាត់ ការផែនការ និង វិនិយោគ , ស្រុក ជីក្រែង មាន ៤ ទីតាំង , ស្រុក បន្ទាយស្រី មាន ១៧ ទីតាំង ,ស្រុក សូទ្រនិគម មាន ២៨ ទីតាំង និង ស្រុក ស្វាយលើ មាន ៣ ទីតាំង ដឹកនាំ សម្របបសម្រួល ដោយ លោក ស្មៀន ប៊ុនធឿន នាយករង រដ្ឋបាលទីចាត់ការគ្រប់គ្រងធនធាន មនុស្ស ។ ដោយកំណត់យកទីតាំង ក្នុងបរិវេណ វត្តអារាម ឬ ទីកន្លែងមានសុវត្ថិភាពផ្សេងៗ សម្រាប់ត្រៀមទទួលបងប្អូនប្រជា ពល រដ្ឋ ដែលជម្លៀសខ្លួន ចេញពីទីតាំងសឹក សង្គ្រាមមកស្នាក់នៅបណ្ដោះអាសន្ន ។
បើតាមប្រសាសន៍របស់ លោក លី វណ្ណៈ បញ្ជាក់ថា គិតមកដល់ ល្ងាចថ្ងៃទី២៥ នេះ បងប្អូនប្រជាពលរដ្ឋប្រមាណជិត ៥០០០ នាក់ហើយ ដែលបានចូលមកកាន់ខេត្តសៀមរាប។ ជាមួយគ្នានេះ អាជ្ញាធរខេត្តគ្រោងពង្រីកទីតាំង នៅតាមបណ្តាស្រុកមួយចំនួនបន្ថែមទៀត ដូច ជា៖ ស្រុក ស្រីស្នំ , ស្រុកក្រឡាញ់ , ស្រុកពួកស្រុក អង្គរជុំ., ស្រុក វ៉ារិន ,ស្រុក បន្ទាយស្រី , ស្រុកស្វាយលើ , ស្រុក ជីក្រែង និង ស្រុក សូទ្រនិគម ដើម្បីត្រៀមទទួលបងប្អូនប្រជាពល រដ្ឋ មកបន្ថែមទៀត ដើម្បីជាដំណោះស្រាយបន្ទាន់ នៅថ្ងៃនេះដែរ ឯកឧត្តម អភិបាលខេត្តសៀមរាប បាន អញ្ជើញចុះសួរសុខទុក្ខ ព្រមជាមួយអំណោយ សង្គ្រោះបន្ទាន់ សម្រាប់ចែកជូនដល់បងប្អូនប្រជាពលរដ្ឋ ទាំងនោះផងដែរ។
លោក នាយករដ្ឋបាលបន្ថែមថា រដ្ឋបាលខេត្តសៀមរាប បានត្រៀមលក្ខណៈរួចរាល់ហើយ មិនត្រឹមតែការស្នាក់នៅរបស់ពលរដ្ឋប៉ុណ្ណោះទេ ប៉ុន្តែបានរៀបចំក្រុមគ្រូពេទ្យជួរមុខ នៅបណ្តាស្រុកគោលដៅមួយចំនួន សម្រាប់ពលរដ្ឋ ឬយុទ្ធមិត្តរងគ្រោះថ្នាក់អាចមករកសេវាព្យាបាលបានផងដែរ។
សូមបញ្ជាក់ថា កាលពីរសៀលថ្ងៃទី២៤ ខែកក្កដា ឆ្នាំ២០២៥ លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខា ភិបាល នៃរដ្ឋបាលខេត្តសៀមរាប ដឹកនាំក្រុមការងារវះកាត់សង្គ្រោះ បន្ទាន់ នៃមន្ទីរពេទ្យបង្អែកខេត្ត សៀម រាប ត្រៀមចាំជំនួយ ជាមន្ទីរពេទ្យបង្អែកខេត្តឧត្តរមានជ័យផងដែរ ៕
ចែករំលែកព័តមាននេះ