អ្នកនាំពាក្យក្រសួងការពារជាតិកម្ពុជា បានឲ្យដឹងថា ថ្ងៃទី២ នៃដំណើរការទាហានឈ្លានពានថៃមកលើកម្ពុជា ថៃបានបាញ់ប្រហារមកលើកម្ពុជា ចំនួន៧ទីតាំង ដោយប្រើប្រាស់កាំភ្លើងធំ យន្តហោះចម្បាំង និងប្រើប្រាស់គ្រាប់បែកចង្កោមផងដែរ ខណៈការប្រើប្រាស់អាវុធបែបនេះ…
អ្នកនាំពាក្យក្រសួងការពារជាតិកម្ពុជា បានឲ្យដឹងថា ថ្ងៃទី២ នៃដំណើរការទាហានឈ្លានពានថៃមកលើកម្ពុជា ថៃបានបាញ់ប្រហារមកលើកម្ពុជា ចំនួន៧ទីតាំង ដោយប្រើប្រាស់កាំភ្លើងធំ យន្តហោះចម្បាំង និងប្រើប្រាស់គ្រាប់បែកចង្កោមផងដែរ ខណៈការប្រើប្រាស់អាវុធបែបនេះ គឺប្រឆាំងនឹងច្បាប់អន្តរជាតិ ។
អ្នកនាំពាក្យក្រសួងការពារជាតិ បាននិយាយនៅថ្ងៃនេះថា កងទ័ពថៃបានប្រើគ្រាប់បែកចង្កោមវាយប្រហារយ៉ាងកម្រោល មកលើទឹកដីកម្ពុជា ដែលទង្វើនេះខុសនឹងច្បាប់អន្តរជាតិ ។
ឧត្តមសេនីយ៍ឯក ម៉ាលី សុជាតា អ្នកនាំពាក្សក្រសួងការពារជាតិបាននិយាយប្រាប់សន្និសីទសារព័ត៌មាន នៅថ្ងៃនេះថា ការប្រើគ្រាប់បែកចង្កោមនេះមិនត្រឹមតែឆ្លុះបញ្ចាំងអំពីការឈ្លានយ៉ាងកម្រោល និងឃៅរឃៅរបស់ថៃប៉ុណ្ណោះទេ វាថែមទាំងបង្ហាញថា កងទ័ពថៃមិនខ្លាចរអា និងរំលោ.ភដល់ច្បាប់អន្តរជាតិទៀតផង ។
ការប្រយុទ្ធគ្នារវាងកងទ័ពកម្ពុជា និងថៃ បានឈានចូលដល់ថ្ងៃទី២ ដោយកងទ័ពថៃបង្កើនការវាយប្រហារមកលើកម្ពុជា ប៉ុន្តែកងទ័ពកម្ពុជានៅតែអាចរក្សាបានទីតាំងឈរជើងរបស់ខ្លួន និងការពារទឹកដីការឈ្លានពាន ៕
ចែករំលែកព័តមាននេះ