ខេត្តព្រះវិហារ ៖ អភិបាលខេត្តអភិបាលខេត្តព្រះវិហារ បានដឹកនាំក្រុមការងារចុះពិនិត្យ និងរៀបចំសណ្ដាប់ធ្នាប់យ៉ាងយកចិត្តទុកដាក់នៅមណ្ឌលសុវត្ថិភាពវត្តពោធិ៍៥០០០ដើមស្ថិតនៅស្រុកគូលែន ។ មន្ត្រីក្រុមការងារ៖ការចុះត្រួតពិនិត្យនេះគឺដើម្បីធានាបាននូវទីកន្លែងស្នាក់នៅ បន្ទប់ទឹក និងហេដ្ឋារចនាសម្ព័ន្ធចាំបាច់នានា ប្រកបដោយអនាម័យ…
ខេត្តព្រះវិហារ ៖ អភិបាលខេត្តអភិបាលខេត្តព្រះវិហារ បានដឹកនាំក្រុមការងារចុះពិនិត្យ និងរៀបចំសណ្ដាប់ធ្នាប់យ៉ាងយកចិត្តទុកដាក់នៅមណ្ឌលសុវត្ថិភាពវត្តពោធិ៍៥០០០ដើមស្ថិតនៅស្រុក
គូលែន ។
មន្ត្រីក្រុមការងារ៖ការចុះត្រួតពិនិត្យនេះគឺដើម្បីធានាបាននូវទីកន្លែងស្នាក់នៅ បន្ទប់ទឹក និងហេដ្ឋារចនាសម្ព័ន្ធចាំបាច់នានា ប្រកបដោយអនាម័យ និងរបៀបរៀបរយ សម្រាប់ទទួលបងប្អូនប្រជាពលរដ្ឋរាប់ពាន់នាក់ ដែលបានភៀសខ្លួនចេញពីតំបន់ប្រឈម និងកំពុងផ្ទុះអាវុធនៅតាមបណ្ដោយបន្ទាត់ព្រំដែនកម្ពុជា-ថៃ ក្នុងភូមិសាស្ត្រស្រុកជាំក្សាន្ត។
ជាក់ស្ដែង រថយន្ត រ៉ឺម៉ក និងម៉ូតូ គោយន្ត ចូលមកបន្តហូរហែរគ្មានដាច់ ខណៈដែលប្រជាពលរដ្ឋរាប់ពាន់នាក់ ទាំងក្មេង ទាំងចាស់ ប្រុសស្រី បានជម្លៀសខ្លួនជាបន្តបន្ទាប់មកកាន់មណ្ឌលសុវត្ថិភាព ទាំងទឹកមុខស្រពាប់ស្រពន់ ពោរពេញដោយក្ដីបារម្ភ និងភាពភ័យខ្លាចពីការបង្ខំចិត្តចាកចេញពីលំនៅឋានរបស់ខ្លួន។
រដ្ឋបាលខេត្តព្រះវិហារ ដែលមានលោក គីម រិទ្ធី ជាអភិបាលខេត្ត បាននិងកំពុងខិតខំប្រឹងប្រែងអស់ពីកម្លាំងកាយចិត្ត ក្នុងការរៀបចំ និងផ្ដល់ទីជម្រកបណ្ដោះអាសន្ន និងការគាំទ្រចាំបាច់នានាដល់ពួកគាត់ សម្ដៅធ្វេីយ៉ាងណារក្សាបាននូវសុខសុវត្ថិភាព និងមានលទ្ធភាពរស់នៅប្រចាំថ្ងៃជូនប្រជាពលរដ្ឋ ទោះបីស្ថិតក្នុងកាលៈទេសៈដ៏លំបាកយ៉ាងណាក៏ដោយ៕
ចែករំលែកព័តមាននេះ