រាជធានីភ្នំពេញ ៖ នារីមានវិបត្តិម្នាក់ បានជិះម៉ូតូទៅលោតទឹក ពីលើស្ពានជ្រោយចង្វារ ហើយលិចបាត់បន្សល់ទុកតែម៉ូតូម៉ាក zoomer-x មួយគ្រឿង និងទូរសព្ទព្រមទាំងសម្ភារមួយចំនួនទៀត នៅក្នុងកាបូប…
រាជធានីភ្នំពេញ ៖ នារីមានវិបត្តិម្នាក់ បានជិះម៉ូតូទៅលោតទឹក ពីលើស្ពានជ្រោយចង្វារ ហើយលិចបាត់បន្សល់ទុកតែម៉ូតូម៉ាក zoomer-x មួយគ្រឿង និងទូរសព្ទព្រមទាំងសម្ភារមួយចំនួនទៀត នៅក្នុងកាបូប ។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង០៩និង៣០នាទីព្រឹកថ្ងៃទី២២ ខែកក្កដា ឆ្នាំ២០២៥ នៅចំណុចលើស្ពានជ្រោយចង្វារថ្មីនៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
នារីរូបនោះ ត្រូវបានគេស្គាល់ឈ្មោះ សឿន គឹមលាង អាយុប្រមាណជាង ២០ឆ្នាំ ជិះម៉ូតូមួយគ្រឿង ម៉ាក zoomer-x ពណ៌ខ្មៅលាយស ពាក់ស្លាកលេខភ្នំពេញ1GC.0761 ។
បើតាមសាក្សី បានឱ្យដឹងថា នៅមុនពេលកើតហេតុ គេឃើញនារីរូបនោះ បានជិះម៉ូតូមួយគ្រឿង ធ្វើដំណើរឡើងស្ពានជ្រោយចង្វារ ក្នុងដៅពីកើតទៅលិច នៅពេលធ្វើដំណើរជិតដល់កណ្តាលស្ពាន ក៏បានឈប់ម៉ូតូ ហើយតោងបង្កាន់ដៃស្ពាន លោតចុះទៅក្នុងទន្លេ លិចបាត់តែម្ដង។
តាមព័ត៌មានឱ្យដឹងទៀតថា បន្ទាប់ពីលោតទឹកហើយបានលិចបាត់ទៅក្នុងទន្លេ បន្សល់ទុកតែម៉ូតូមួយគ្រឿង និងកាបូប នៅក្នុងកែបម៉ូតូដែលមានទូរសព្ទ ព្រមទាំងឯកសារមួយចំនួន។
ករណីនេះបង្កឲ្យមានការកកស្ទះយ៉ាងខ្លាំង ដោយសារប្រជាពលរដ្ឋធ្វើដំណើរនាំគ្នាឈប់មើលគ្រប់ៗគ្នា។ ភ្លាមៗ មនត្រីនគរបាលមូលដ្ឋាន ក៏បានចុះទៅយកម៉ូតូ និងសម្ភារៈ ដែលបានបន្សល់ទុកទៅរក្សាទុកនៅប៉ុស្តិ៍ជ្រោយចង្វារ និងស្រាវជ្រាវរកបងប្អូនជនរងគ្រោះឲ្យមកទទួល ។
ទាក់ទិននឹងការធ្វើនេះ គេពុំដឹងថា ស្ត្រីរូបនោះមានវិបត្តិអ្វីនោះទេ បានជាគិតខ្លី ជិះម៉ូតូមកលោតទឹកទាំងព្រឹក បែបនេះ ៕
ចែករំលែកព័តមាននេះ