មណ្ឌលអប់រំកែប្រែទី៤ រៀបចំពិធីកាន់បិណ្ឌជូនដល់ថ្នាក់ដឹកនាំ មន្រ្តី និងជនជាប់ឃុំ
ខេត្តពោធិ៍សាត់ ៖ អគ្គនាយកដ្ឋានពន្ធនាគារ បានប្រកាសនៅលើបណ្តាញសង្គមហ្វេសប៊ុក នាថ្ងៃទី១៧ ខែកញ្ញា ឆ្នាំ២០២៥ នេះថា ៖ មណ្ឌលអប់រំកែប្រែទី៤…
ខេត្តពោធិ៍សាត់ ៖ អគ្គនាយកដ្ឋានពន្ធនាគារ បានប្រកាសនៅលើបណ្តាញសង្គមហ្វេសប៊ុក នាថ្ងៃទី១៧ ខែកញ្ញា ឆ្នាំ២០២៥ នេះថា ៖ មណ្ឌលអប់រំកែប្រែទី៤ បាននិមន្តព្រះសង្ឃសូត្រមន្ត រាប់បាត បង្សុកូល ឧទ្ទិសកុសលជូនដល់បុព្វការីជន និងមាតាបិតា ដល់ថ្នាក់ដឹកនាំ និងមន្ត្រី ព្រមទាំងជនជាប់ឃុំ ។
អគ្គនាយកដ្ឋានពន្ធនាគារ បានបញ្ជាក់ថា ៖ លោក វរអគ្គានុរក្សថ្នាក់លេខ២ ពៅ សោម អនុប្រធានមណ្ឌល តំណាងលោកឧត្តមអគ្គានុរក្សថ្នាក់លេខ២ ប្រាជ្ញ សុភី ប្រធានមណ្ឌលបានដឹកនាំការរៀបពិធីសូត្រមន្តចម្រើនព្រះបរិត្ត រាប់បាត្រ បង្សុកូល ក្នុងឱកាសបុណ្យកាន់បិណ្ឌ និងភ្ជុំបិណ្ឌ ដើម្បីឧទ្ទិសកុសលជូនបុព្វការីជន មាតាបិតា ញាត្តិទាំង៧សណ្ដាន ។
ដោយមានការចូលរួមពីថ្នាក់ដឹកនាំ និងមន្ត្រី ព្រមទាំងជនជាប់ឃុំផងដែរ ។ ក្នុងនោះបច្ច័យបួនចូលរួមសរុបចំនួន២.១៦១.០០០ រៀល(ពីរលានដប់ប្រាំមួយម៉ឺនមួយពាន់រៀលគត់) ៕
ចែករំលែកព័តមាននេះ