ផលិតផលកសិកម្មកម្ពុជា បានទៅដល់ទីផ្សារបរទេស រហូតដល់ជិត៣ពាន់លានដុល្លារ នៅក្នុងរយ:ពេល៦ខែ ដើមឆ្នាំ២០២៥ ដោយមានកំណើនរហូតដល់២៧ភាគរយ ។ នេះបើផ្អែកតាមស្ថិតិនៃការនាំចេញដែលបានប្រកាសដោយក្រសួងកសិកម្ម រុក្ខាប្រមាញ់ និងនេសាទ…
ផលិតផលកសិកម្មកម្ពុជា បានទៅដល់ទីផ្សារបរទេស រហូតដល់ជិត៣ពាន់លានដុល្លារ នៅក្នុងរយ:ពេល៦ខែ ដើមឆ្នាំ២០២៥ ដោយមានកំណើនរហូតដល់២៧ភាគរយ ។
នេះបើផ្អែកតាមស្ថិតិនៃការនាំចេញដែលបានប្រកាសដោយក្រសួងកសិកម្ម រុក្ខាប្រមាញ់ និងនេសាទ ។ ក្រសួងនេះ បានអោយដឹងថា ប្រទេសកម្ពុជាបាននាំចេញកសិផលចំនួន៧,៨៣ លានតោន នៅក្នុងឆមាសទីមួយ ពោល គឺមានកំណើនកើនឡើងជាង២៧ភាគរយ ។
របាយការណ៍នោះបានអះអាងថា ជាមួយនឹងការនាំចេញផលិតផលកសិកម្មនៅក្នុងបរិមាណនេះ កម្ពុជាអាចសម្រេចបានប្រាក់ចំណូលសរុបចំនួន២,៨៧ ពាន់លានដុល្លារ ។
មុខទំនិញកសិកម្មសំខាន់ៗ ដែលកម្ពុជាអាចនាំចេញនៅក្នុងអំឡុងពេលនោះរួមមានអង្ករ កៅស៊ូ ដំឡូងមី ស្វាយ ចេកលឿង ម្រេច គ្រាប់ស្វាយចន្ទី មៀនប៉ៃលិន ពោត និងដូងប្រេងជាដើម ៕
ចែករំលែកព័តមាននេះ