ខេត្តបន្ទាយមានជ័យ ៖ បុរសជាឪពុកម្នាក់បើកបររថយន្តព្រូស ពេលបត់ជាន់ហ្វ្រាំងច្រឡំជាន់ហ្គារធ្លាក់ចូលប្រឡាយក្រឡា.ប់ផ្ងារជើងឡើងលើ បណ្តាលរបួសស្រាល២នាក់ឪពុកនិងកូនប្រុស។ ហេតុការណ៍ខាងលើនេះបានកើតឡើងនៅល្ងាចថ្ងៃទី២០ កក្កដា ឆ្នាំ២០២៥នេះ តាមបណ្តោយផ្លូវជាតិលេខ៥៨ ស្ថិតភូមិទួលពង្រ…
ខេត្តបន្ទាយមានជ័យ ៖ បុរសជាឪពុកម្នាក់បើកបររថយន្តព្រូស ពេលបត់ជាន់ហ្វ្រាំងច្រឡំជាន់ហ្គារធ្លាក់ចូលប្រឡាយក្រឡា.ប់ផ្ងារជើងឡើងលើ បណ្តាលរបួសស្រាល២នាក់ឪពុកនិងកូនប្រុស។
ហេតុការណ៍ខាងលើនេះបានកើតឡើងនៅល្ងាចថ្ងៃទី២០ កក្កដា ឆ្នាំ២០២៥នេះ តាមបណ្តោយផ្លូវជាតិលេខ៥៨ ស្ថិតភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
អ្នកបើកបររថយន្តបានឱ្យដឹងថា មុនពេលកើតហេតុ គាត់បានបើកបររថយន្តម៉ាកព្រូសពណ៌ស ពាក់ផ្លាកលេខ ភ្នំពេញ 2BH-4912 ដែលមានកូនប្រុសម្នាក់ជាអ្នករួមដំណើរ បានធ្វើដំណើរតាមផ្លូវជាតិលេខ៥៨ ក្នុងទិសដៅពីរង្វង់មូលទៅជើង លុះនៅពេលបត់ចូលផ្លូវបេតុងឆ្វេងដៃបម្រុងជាន់ហ្វ្រាំង តែច្រឡំជាន់ហ្គា ក៏ធ្លាក់ចូលប្រឡាយក្រឡាប់ផ្ងារជើងឡើងលើហើយនាំកូនវារចេញពីរថយន្ត និងរងរបួសស្រាល។
អ្នកបើកបរបានបញ្ជាក់ថា គាត់ធ្លាប់បើកបររថយន្តដែរ តែខានបើកបររយៈពេលយូរហើយពេលទិញរថយន្តព្រូសបានរៀនបើកបរដោយខ្លួនឯងគ្មានគ្រូរបង្រៀនទេ ទើបបើកបរបណ្តាលឱ្យជួបគ្រោះថ្នាក់ចរាចរណ៍របួសស្រាល ។ នៅពេលក្រោយគ្រោះថ្នាក់ ដែលបង្កដោយខ្លួនឯង មិនបណ្តាលឱ្យប៉ះពាល់ដល់អ្នកដ៍ទៃនិងខូចខាតទ្រព្យរដ្ឋ ទើបទំនាក់ទំនងរថយន្តសន្ទូចយកទៅជួសជុលដោយខ្លួនឯង ។
ជុំវិញករណីខាងលើ សូមបងបងដែលមុននឹងបើកបររថយន្ត ត្រូវរៀនបើកបរឱ្យស្ទាត់ និងមានប័ណ្ណបើកបរត្រឹមត្រូវ ទើបមិនបង្កគ្រោះដល់អ្នកដទៃ ឬខ្លួនឯង និងមិនបង្កការខូចខាតដល់ទ្រព្យសម្បត្តិរដ្ឋ ៕
ចែករំលែកព័តមាននេះ