ខេត្តតាកែវ ៖ មន្ត្រីម្នាក់ឈ្មោះស៊ុង សារឿនប្រធានការិយាល័យលេខាធិការក្រុមប្រឹក្សាស្រុកអង្គរបុរីខេត្តតាកែវមានឈ្មោះត្រូវទៅរៀនវគ្គបណ្ដុះបណ្ដាលបន្តឆ្នាំ២០២៥ នៅសាលាភូមិន្ទរដ្ឋបាលផ្អែកតាមលិខិតលេខ១៣៧ស.ក.រចុះថ្ងៃទី១០ខែមិនាឆ្នាំ២០២៥របស់ក្រសួងមុខងាសាធារណៈ។
ផ្អែកតាមលិខិតក្រសួងមុខងាសាធារណៈមន្ត្រីសាលាស្រុកអង្គរបុរីត្រូវមានឈ្មោះទៅរៀនចំនួន៤នាក់តែទៅរៀនជាក់ស្ដែងបានតែ៣នាក់នោះទេដោយគេមិនដឹងថាលោកស៊ុង សារឿនដែលមិនទៅរៀនមានបញ្ហាយ៉ាងណានោះទេ។
បើតាមប្រភពព័ត៏មានចេញពីផ្ទៃក្នុងសាលាស្រុកអង្គរបុរីបានអោយដឹងថាលោកស៊ុង សារឿនមិនត្រឹមតែមិនទៅរៀនបែរជាមានឈ្មោះទៅធ្វើការលើគម្រោងតេជោ១០០មានតួនាទីជាជំនួយការគម្រោងបើកប្រាក់ខែជារៀងរាល់ខែថែមទៀត។
ប្រភពដដែលបានបន្តទៀតថាមូលហេតុដែរលោកស៊ុង សារឿនមិនបានទៅរៀនគេដាក់កាសង្ស័យថាមានការពាក់ពន្ធ័អំពើពុករលួយជាមួយនិងលោករស់ រត្ន័ចៅហ្វាយស្រុកអង្គរបុរីស្ដីទីដោយមានគេខ្សឹបថាអស់លុយ១៥០០ដុល្លារ ជាថ្នូរមិនទៅរៀនហើយចំពោះប្រាក់ខែប្រចាំខែលើគម្រោងតេជោ១០០អាចចែកគ្នាពាក់កណ្ដាលជាមួយនិងលោករស់ រត្ន័ថែមទៀតផង។
ពាក់ពន្ធ័ករណីខាងលើលោកផាន ឃាងនាយករដ្ឋបាលសាលាស្រុកអង្គរបុរីបានអោយដឹងថាឈ្មោះស៊ុង សារឿន ពិតជាមានឈ្មោះទៅរៀននៅសាលាភូមិន្ទរដ្ឋបាលពិតមែន តែចំពោះលោកស៊ុង សារឿន មិនទៅរៀនហើយមានឈ្មោះទៅធ្វើការលើគម្រោងតេជោ១០០លោកមិនដឹងទេសុំសួរទៅលោករស់ រត្ន័។
ជុំវិញករណីនេះអ្នកយកព័ត៏មានមិនអាចសុំការបំភ្លឺពីលោករស់ រត្ន័ចៅហ្វាយស្រុកស្ដីទីបានទេដោយទូរសព្ទ័ចូលលោកមិនទទួល ។ បើដឹងហើយ តើហ៊ានបំភ្លឺមហាជនបានទេ?
បន្ថែមពីលើករណីនេះលោកជឹម សាវរីនាយកទីចាត់ការធនធានមនុស្សសាលាខេត្តតាកែវបានអោយដឹងថាលោកនិងធ្វើការស្រាវជ្រាវជុំវិញឈ្មោះស៊ុង សារឿនថាមូលហេតុអ្វីបានជាមានឈ្មោះទៅរៀននៅសាលាភូមិន្ទរដ្ឋបាលហើយមិនទៅរៀនតែបែជាមានឈ្មោះទៅធ្វើការងារគម្រោងតេជោ១០០បែបនេះ ។ លោកជឹម សាវរី បញ្ជាក់ចុងក្រោយថាបើរឿងខាងលើពិតជាមានភាពមិនប្រក្រតីលោកនិងស្នើរសុំគោលការថ្នាក់លើ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
គម្រោងតេជោ១០០
លោករស់ រត្ន័
លោក ស៊ុង សារឿន
ចែករំលែកព័តមាននេះ