រាជធានីភ្នំពេញ ៖ ជនសង្ស័យជាយុវជនប្រុសស្រី ចំនួន០៨នាក់ ក្នុងចំណោមនោះគេស្គាល់ថាជាតារា TikTok ផងនោះ ដែលវាយគ្នាក្នុងហាង KOI ផ្អើលពេញបណ្តាញសង្គមកាលពីយប់មិញនេះ…
រាជធានីភ្នំពេញ ៖ ជនសង្ស័យជាយុវជនប្រុសស្រី ចំនួន០៨នាក់ ក្នុងចំណោមនោះគេស្គាល់ថាជាតារា TikTok ផងនោះ ដែលវាយគ្នាក្នុងហាង KOI ផ្អើលពេញបណ្តាញសង្គមកាលពីយប់មិញនេះ ត្រូវបានកម្លាំងនគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ ឃាត់ខ្លួនបានអស់ហើយ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ។
ប្រតិបត្តិការណ៍ឃាត់ខ្លួននេះដែរ បានធ្វើឡើងកាលពីវេលាទៀបភ្លឺ ឈានចូលថ្ងៃទី០៨ ខែតុលា ឆ្នាំ២០២៥ នៅចំណុចផ្ទះជួល ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
បើតាមការបញ្ជាក់ពីលោកវរសេនីយ៍ឯក ម៉ម សាវន នាយការិយាល័យព្រហ្មទណ្ឌកម្រិតស្រាល បានអោយដឹងថា មានករណីហិ.ង្សាដោយចេតនា នៅចំណុចហាង KOI ក្នុងកោះពេជ្យ ផ្លូវវិថីកោះពេជ្យ សង្កាត់ ទន្លេបាសាក់ ខណ្ឌចំការមន រាជធានីភ្នំពេញ វេលាម៉ោង១០និង៣០នាទីយប់ថ្ងៃទី៧ ខែតុលា ឆ្នាំ២០២៥ ។ លុះមកដល់វេលាទៀបភ្លឺ ឈានចូលថ្ងៃទី០៨ ខែតុលា ឆ្នាំ២០២៥ សមត្ថកិច្ចបានធ្វើការស្រាវជ្រាវរកឃើញថា ជនសង្ស័យទាំង០៨នាក់ខាងលើ បន្ទាប់ពីធ្វើសកម្មភាពរួច ក៏បានទៅដេកផ្ទះជួលជុំគ្នា ជាធម្មតា ។ ភ្លាមៗ សមត្ថកិច្ចបានចុះទៅអន្តរាគមន៍ ឃាត់ខ្លួនបានចំនួន០៨នាក់ និងម៉ូតូ២គ្រឿង ។
សមត្ថកិច្ចបានអោយដឹងថា ជនសង្ស័យចំនួន ០៨នាក់ រួមមាន ៖
១-ឈ្មោះ ហឿប ធារ៉ា ហៅ Jing ភេទស្រី អាយុ១៩ ឆ្នាំ
២-ឈ្មោះ ចាន់ ស្រីរត្ន័ ហៅទ្បាក់ ភេទស្រី អាយុ២២ឆ្នាំ
៣. ឈ្មោះ ឈួន លីសា ហៅ សា ភេទស្រី អាយុ១៧ឆ្នាំ
៤. ឈ្មោះ ទូច ស្រីលីន ហៅ លីន ភេទ ប្រុស អាយុ១៩ឆ្នាំ
៥. ឈ្មោះ ខេន ចំណាន ហៅសាក់ ភេទប្រុស អាយុ១៨ឆ្នាំ
៦. ឈ្មោះ ទៀន លីហាក់ ហៅ ម៉ារ៉ា ភេទប្រុស អាយុ១៩ឆ្នាំ
៧.ឈ្មោះ ម៉ឹង សុផានិត ហៅ និត ភេទប្រុស អាយុ១៩ឆ្នាំ
៨.ឈ្មោះ ហួត គឹមឈិ ន ហៅ ឈិន ភេទប្រុស អាយុ១៩ឆ្នាំ ។
បច្ចុប្បន្ន ជនសង្ស័យ និងវត្ថុតាងខាងលើ កម្លាំងជំនាញការិយាល័យ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
ចែករំលែកព័តមាននេះ