ខេត្តកំពង់ចាម ៖ បុណ្យចូលព្រះវស្សាមានរយៈវេលា៣ខែនៅគ្រប់ព្រះវិហារនៃទីវត្តទាំងឡាយនៅក្នុងប្រទេសកម្ពុជា គេតែងរក្សាភ្លើងទៀនព្រះវស្សាឲ្យនៅឆេះជានិច្ច ។ ហើយតួទៀនធ្វើអំពីឈើមានទំហំប្រមាណ២ ចាប់កំពស់២ហត្ថ មានរចនាក្បាច់យ៉ាងល្អនិងរំលេចពណ៌ដ៏ប្រណីតផង ។ ហើយជាថ្ងៃមួយដែលរំលឹកដល់ព្រះសម្មាសម្ពុទ្ធមកចាប់បដិសន្ធិក្នុងផ្ទៃព្រះមាតានៅថ្ងៃទី៥កើត…
ខេត្តកំពង់ចាម ៖ បុណ្យចូលព្រះវស្សាមានរយៈវេលា៣ខែនៅគ្រប់ព្រះវិហារនៃទីវត្តទាំងឡាយនៅក្នុងប្រទេសកម្ពុជា គេតែងរក្សាភ្លើងទៀនព្រះវស្សាឲ្យនៅឆេះជានិច្ច ។ ហើយតួទៀនធ្វើអំពីឈើមានទំហំប្រមាណ២ ចាប់កំពស់២ហត្ថ មានរចនាក្បាច់យ៉ាងល្អនិងរំលេចពណ៌ដ៏ប្រណីតផង ។ ហើយជាថ្ងៃមួយដែលរំលឹកដល់ព្រះសម្មាសម្ពុទ្ធមកចាប់បដិសន្ធិក្នុងផ្ទៃព្រះមាតានៅថ្ងៃទី៥កើត ខែអាសាឍ ។
ព្រះធម្មសាលវង្ស សា វិរៈ ព្រះអនុគណក្រុងកំពង់ចាម និងជាព្រះចៅអធិការវត្តបឹងស្នាយ មានថេរៈដីកាឱ្យដឹងថា ដោយមើលឃើញវត្តចំនួន៤ក្នុងក្រុងកំពង់ចាម ដែលព្រះសង្ឃគង់ចាំព្រះវស្សា
នៅព្រឹកថ្ងៃទី២១ កក្កដា ឆ្នាំ២០២៥ ឯកឧត្តមខ្លូត ផន ប្រធានក្រុមប្រឹក្សាខេត្តឯកឧត្តមអ៊ុន ចាន់ដា អភិបាលខេត្ត ព្រមទាំងប្រធានមន្ទីរជុំវិញខេត្ត បាននាំយកទេយ្យទានច្រើនមុខ មកប្រគេនដល់ព្រះសង្ឃ ដោយធ្វើឡើងនៅក្នុងវត្តបឹងស្នាយរួមគ្នាតែម្ដង ។
ព្រះចៅអធិការវត្តបឹងស្នាយបានរំលឹកថា បុណ្យចូលព្រះវស្សានេះ គឺជាថ្ងៃរំលឹកដល់ព្រះពុទ្ធ សម្ដែងធម៌ដំបូង បន្ទាប់ពីព្រះអង្គបានត្រាស់ដឹងពីរខែ។ ហើយជាថ្ងៃដែលព្រះភិក្ខុសង្ឃបានចូលព្រះវស្សាមានរយៈពេល៣ខែ (ចាប់ពីថ្ងៃទី១៥ កើតថ្ងៃ១រោច ខែអាសាឍរហូតដល់ថ្ងៃ ១៥កើតខែអាសាឍ)។
ជាមួយនោះព្រះវិន័យដែលភិក្ខុសង្ឃចូលមកដល់រដូវនេះត្រូវតែគង់ចាំព្រះវស្សា ដោយនិមន្តទៅណាបានតែមិនឱ្យហួសគន្លងរាត្រីនោះទេ។ មួយចំណុចទៀតព្រះសង្ឃអាចនិមន្តក្នុងរដូវវស្សាបានរយៈពេល៧ ថ្ងៃដោយសំអាងលើហេតុ៦យ៉ាងក្នុងនោះរួមមាន៖
១.ញោមប្រុសឈឺ
២.ញោមស្រីឈឺ
៣.ករណីក្នុងទីអារាមត្រូវបានទឹកជន់លិចក្នុងរដូវវស្សា
៤.ទីអារាមត្រូវជួបសង្គ្រាម ដូច្នេះព្រះសង្ឃអាចនិមន្តចេញពីវត្តបាន។
៥.ដោយមានការស្នើសុំពីពុទ្ធបរិស័ទនិមន្តព្រះសង្ឃទៅក្នុងកម្មវិធីណាមួយ។
៦.រាជការត្រូវការព្រះសង្ឃនិមន្តចូលរួមកម្មវិធីផ្សេងៗតាមអង្គភាពក្នុងខេត្តឬក្រៅខេត្ត។
សព្វថ្ងៃវត្តបឹងស្នាយមានព្រះសង្ឃគង់នៅចំនួន១៥៦អង្គក្នុងឆ្នាំ២០២៥ ។ ក្នុងនោះ មានព្រះសង្ឃខ្លះរៀនថ្នាក់បឋមព្រះត្រៃបិដកមួយចំនួនទៀតរៀនសាកលវិទ្យាល័យនៅក្នុងក្រុងកំពង់ចាម ដើម្បីបង្កើនចំណេះដឹងឲ្យកាន់តែប្រសើរឡើងជាធនធានមនុស្សដែលសង្គមកំពុងត្រូវការអ្នកចេះដឹង។
ចែករំលែកព័តមាននេះ