ខេត្តសៀមរាប ៖ ព្រះសង្ឃក្រុង និងខេត្តសៀមរាប ដឹកនាំដោយព្រះបវរវិជ្ជា ទេព ភឿន ព្រះរាជាគណៈកិត្តិយសព្រះវិន័យធរគណខេត្តសៀមរាប នៅថ្ងៃអាទិត្យទី២០ ខែកក្កដា…
ខេត្តសៀមរាប ៖ ព្រះសង្ឃក្រុង និងខេត្តសៀមរាប ដឹកនាំដោយព្រះបវរវិជ្ជា ទេព ភឿន ព្រះរាជាគណៈកិត្តិយសព្រះវិន័យធរគណខេត្តសៀមរាប នៅថ្ងៃអាទិត្យទី២០ ខែកក្កដា ឆ្នាំ២០២៥ បានចុះសួរសុខទុក្ខនិង នាំយកគ្រឿងឧបភោគបរិភោគ កុំព្យូ ទ័រ ម៉ាស៊ីនព្រីន(គិតជាលុយជាង៧០០ ដុល្លារ) ផ្ទាំងសូឡា(គិតជាលុយជាង ៤០០ ដុល្លារ) និង បច្ច័យ១លាន ១៥ម៉ឺនរៀលបានមកពីចៅអធិការវត្តមួយចំនួន នៅក្នុងក្រុងសៀមរាប សម្រាប់ផ្គត់ផ្គង់អង្គភាព ក្នុងនោះព្រះចិត្រវង្សា ហែម គឹមសាន ព្រះគ្រូចៅអធិការវត្តប្រាសាទគោកចក បានជូនកងទ័ពក្នុងម្នាក់១ម៉ឺនរៀល សរុបទាំងអស់១លាន៨០ម៉ឺនរៀល បន្ថែមទៀត ទៅចែកជូនកងទ័ព នៅប្រាសាទតាក្របី ដែលកំពុងឈរជើងការពារខ្សែ បន្ទាត់ព្រំដែន ក្នុងខេត្តឧត្តរមានជ័យ។
ព្រះបវរវិជ្ជា ទេព ភឿន បានមានសង្ឃដីកាកោតសរសើរ ដល់កងទ័ពទាំងអស់ ដែលឈរជើងតាមបន្ទាត់ព្រំដែន ថា បានលះបង់កម្លាំងកាយចិត្ត ការពារជាតិ អធិបតេយ្យភាព បូរណភាព ទឹកដី ដើម្បីសុខសន្តិភាពស្ថិរភាព ជា ពិសេសបានយកចិត្តទុកដាក់យ៉ាងខ្លាំង ចំពោះការងារគ្រប់គ្រងព្រំដែន។
ព្រះតេជគុណបន្តថា សកម្មភាពមកសួរសុខ ទុក្ខកងទ័ពជួរមុខនេះ ក្នុងបំណង ផ្សារ ភ្ជាប់មនោសញ្ចេតនារំលែកការលំបាករវាងព្រះសង្ឃនិងកងទ័ព ក្នុងន័យជួយលើកទឹកចិត្ត និងបានដឹងពីសុខទុក្ខ កង ទ័ពមានភារកិច្ចការពារខ្សែក្រវ៉ាត់ព្រំដែនជួរមុខដើម្បីបូរណភាពទឹកដី ហើយព្រះ សង្ឃនិងប្រជាពុទ្ឋបរិស័ទនៅជួរក្រោយ និងមិនដែលភ្លេចសោះឡើយពីសុខទុក្ខ ការលំបាក និងការលះបង់កម្លាំងកាយចិត្តរបស់វីរៈកងទ័ពខ្មែរដែលកំពុងបំពេញភារ កិច្ចក្នុងបុព្វហេតុការពារមាតុប្រទេសកម្ពុជាឡើយ។ដូចនេះសូមឱ្យកងទ័ពជួរមុខទាំងស៊ូទ្រាំអត់ធ្មត់ ស្តាប់បទបញ្ជាថ្នាក់លើ ក្នុងភារកិច្ចការពារទឹកដីរបស់យើង។
សូមជម្រាបថា កាលពីថ្ងៃអាទិត្យនេះ ដោយចលនាជាតិនិយម ភ្ញៀវទេសចរណ៍ខ្មែររាប់ពាន់នាក់បានទៅទស្សនាប្រាសាទតាក្របី និងប្រាសាទតាមាន់ និង សួរសុខ ទុក្ខកងទ័ព ដែលស្ថិតនៅ ឃុំគោកមន ស្រុកបន្ទាយអំពិលខេត្តឧត្តរមានជ័យ។ក្នុងនោះប្រាសាទតាមាន់ធំ គិតចាប់ពីម៉ោង ១២និង០០ ថ្ងៃត្រង់ដល់ម៉ោង ៣និង០០ រសៀល មានបងប្អូនប្រជា ពលរដ្ឋខ្មែរទៅទស្សនាប្រមាណ ៤,៣៩៥នាក់ អញ្ជើញមកពីខេត្ត កំពង់ធំ, សៀមរាប, បាត់ដំបង, ប៉ៃលិន, ត្បូងឃ្មុំ, ពោធិ៍សាត់ និង បន្ទាយមានជ័យ៕
ចែករំលែកព័តមាននេះ