ខេត្តសៀមរា ៖ យុវជនម្នាក់បានថតវីដេអូពាក់ឯកសណ្ឋានអាវប៉ារ៉ា (យោធា) សម្ដែង និងរាំ បង្ហោះក្នុងបណ្តាញសង្គមតិកតុក (TikTok) ចំនួនពីរឃ្លីប ដោយបានសរសេរខ្លឹមសារ…
ខេត្តសៀមរា ៖ យុវជនម្នាក់បានថតវីដេអូពាក់ឯកសណ្ឋានអាវប៉ារ៉ា (យោធា) សម្ដែង និងរាំ បង្ហោះក្នុងបណ្តាញសង្គមតិកតុក (TikTok) ចំនួនពីរឃ្លីប ដោយបានសរសេរខ្លឹមសារ “Make up ចូលជួរបិះមិនទាន់ជីវិតជូនជាតិធាតុជូនម្តាយ រាងកាយជូនបងៗទាហាន” លើគណនីតិកតុក (TikTok) របស់ខ្លួន ក្នុងគោលបំណងទាក់ទាញចំណាប់អារម្មណ៍ឱ្យមានគេចូលមកមើលគណនីតិកតុកហាង របស់ខ្លួន។
សូមបញ្ជាក់ថា បន្ទាប់ពីបានឃើញវីដេអូទាំងនោះរួចមក នារសៀល ថ្ងៃទី ១៩ ខែកក្កដា ឆ្នាំ២០២៥ កម្លាំងកងរាជ អាវុធហត្ថខេត្តសៀម រាប បានចុះធ្វើការស្រាវជ្រាវរហូតស្វែងរកឃើញ និងអញ្ជើញ យុវជនម្នាក់នោះ ហៅមកសួរនាំ នៅទីបញ្ជាការកងរាជ អាវុធហត្ថខេត្ត ដើម្បីធ្វើការអប់រំ និង ណែនាំ ឱ្យលប់ និងបញ្ឈប់រាល់ការបង្ហោះវីដេអូ ដែលធ្វើឱ្យប៉ះពាល់កិត្តិយស សេចក្តីថ្លៃថ្នូរ របស់ក្រសួងការពារជាតិ និង កងយោធពលខេមរភូមិន្ទ បន្តទៀត ទើបឱ្យត្រឡប់ទៅលំនៅដ្ឋានវិញ។
យុវជនដែលបង្ហោះថតវីដេអូពាក់ឯកសណ្ឋានអាវប៉ារ៉ា (យោធា)សម្ដែង និងរាំបង្ហោះក្នុងបណ្តាញសង្គមតិកតុក (TikTok)ចំនួនពីរឃ្លីប នោះ មានឈ្មោះ ដេ ជីវ័ន្ត ភេទ ប្រុស អាយុ២០ ឆ្នាំ មានមុខរបរជាបុគ្គលិកផ្នែកលក់ និងថតប្រម៉ូតហាង នៅម្តុំ មុខវត្តដំណាក់ បច្ចុប្បន្នមានទីលំនៅក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ត្រូវបានកម្លាំងកងរាជអាវុធហត្ថខេត្ត យកមកអប់រំ និងណែ នាំ ឱ្យលប់ និង បញ្ឈប់រាល់ការបង្ហោះវីដេអូ ដែលធ្វើឱ្យប៉ះ ពាល់កិត្តិយស សេចក្តីថ្លៃថ្នូរ របស់ក្រសួងការពារជាតិ និងកងយោធពលខេមរភូមិន្ទ បន្តទៀត ទើបឱ្យត្រឡប់ទៅលំនៅដ្ឋានវិញ។
បច្ចុប្បន្ន យុវជនរូបនេះ បានទទួលស្គាល់កំហុស ដែលបានប្រព្រឹត្តនាពេលកន្លងមក ដោយខ្វះការពិចារណា ក្នុងការបង្ហោះ វីដេអូខាងលើ និងបានសន្យានៅមុខសមត្ថកិច្ចថា លប់វីដេអូទាំងនោះចោលវិញ ព្រមទាំងបានធ្វើការសុំទោសជាសាធារណៈចំពោះបងៗកងទ័ព ទាំងអស់ផងដែរ ៕
ចែករំលែកព័តមាននេះ