ខេត្តសៀមរាប ៖ ពលរដ្ឋ និងមន្ត្រីរាជការ ធ្វើដំណើរទៅមករាល់ថ្ងៃ បានរិះគន់អាជ្ញាធរមូលដ្ឋាន ដែលជិះរថយន្តលើផ្លូវនេះដែរ ហេតុអ្វីមិនមើលប្រហែល គ្មានភ្នែក បានជាមើលមិនឃើញផ្លូវ១ខ្សែ…
ខេត្តសៀមរាប ៖ ពលរដ្ឋ និងមន្ត្រីរាជការ ធ្វើដំណើរទៅមករាល់ថ្ងៃ បានរិះគន់អាជ្ញាធរមូលដ្ឋាន ដែលជិះរថយន្តលើផ្លូវនេះដែរ ហេតុអ្វីមិនមើលប្រហែល គ្មានភ្នែក បានជាមើលមិនឃើញផ្លូវ១ខ្សែ ចេញពី ផ្លូវ ជាស៊ីម ឆ្ពោះទៅតុលាការហួសទៅកាន់សង្កាត់ជ្រាវ ក្នុងក្រុងសៀមរាប កំពុងរងការខូចខាតយ៉ាងធ្ងន់ធ្ងរ តាំងពីរដូវ ប្រាំងរហូតដល់រដូវវស្សា ។
ប្រភពពីប្រជាពលរដ្ឋ ក៏ដូចជា មន្ត្រីសង្គមស៊ីវិលបានរៀបរាប់ ប្រាប់ភ្នាក់ងារកោះសន្តិភាព យើង នៅ រសៀលថ្ងៃទី១៨ ខែកក្កដា ឆ្នាំ២០២៥ នេះថា ផ្លូវមួយខ្សែ ចេញពីចំណុចប្រសព្វបំបែកជា ៤ ( ហៅ ផ្លូវ ជា ស៊ីម ) ឆ្ពោះទៅកាន់សង្កាត់ជ្រាវ កាត់តាមតុលាការមាន២ សង្កាត់ គឺសង្កាត់សាលាកំរើក និង សង្កាត់ជ្រាវ ក្រុងសៀមរាប ត្រូវបានរងការខូចខាតយ៉ាងធ្ងន់ធ្ងរ តាំងពីរដូវប្រាំង រហូតដល់រដូវវស្សា មិនដែល ឃើញ អាជ្ញាធរមូលដ្ឋាន ក៏ដូចជា អាជ្ញាធរខេត្តសៀមរាប មកមើល ឬសហការជាមួយគ្នា ដើម្បីសិក្សាគម្រោងត្រូវធ្វើយ៉ាងណា ឱ្យប្រជាពលរដ្ឋធ្វើដំណើរបានស្រួលទៅ និងមក ព្រោះពួកចេញទៅធ្វើការ និងដឹកកូនទៅរៀន គេចគហុក សឹងចង់ដាច់ចង្កេះ ហើយលែងក្លាយជាផ្លូវហើយ ខ្លះហៅថាផ្លូវមរណៈ ។
គួរបញ្ជាក់ផងដែរថា សម្តេចតេជោ ហ៊ុន សែន ធ្លាប់បានមានប្រសាសន៍ នៅក្នុង TikTok របស់ម្តេច ថា មិនព្រមទៅមើល ប្រជាជននៅក្រវ៉ាត់តែក ត្រង់ ផ្លូវយ៉ាងម៉េច លូស្ទះយ៉ាងម៉េច សំរាមស្ទះយ៉ាងម៉េច អញមិនដឹង អាទិត្យទី៣ បើកប្រាក់ខែម៉ង ៕
ចែករំលែកព័តមាននេះ