រាជធានីភ្នំពេញ ៖ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ត្រូវបានក្រសួងអប់រំ កំណត់ឲ្យរៀបចំក្នុងថ្ងៃទី១៨ ខែសីហា ខាងមុខ។ ខណៈពេលត្រូវខំប្រឹងប្រែងរៀនសូត្រ ដើម្បីប្រឡងអោយជាប់នោះ…
រាជធានីភ្នំពេញ ៖ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ត្រូវបានក្រសួងអប់រំ កំណត់ឲ្យរៀបចំក្នុងថ្ងៃទី១៨ ខែសីហា ខាងមុខ។ ខណៈពេលត្រូវខំប្រឹងប្រែងរៀនសូត្រ ដើម្បីប្រឡងអោយជាប់នោះ យុវជន និងយុវតី ក៏ត្រូវចេះលៃលកធ្វើយ៉ាងណា កុំអោយមានបញ្ហាសុខភាពពិសេស ស្ត្រេស និងការថប់បារម្ភ ។
សិស្សទាំងអស់ ត្រូវយកចិត្តទុកដាក់ចាប់ផ្តើមរៀនឡើងវិញ ទាញយកចំណេះដឹងបាត់បង់ កែលំហាត់សំណួរ និងស្វែងយល់អ្វីដែលមិនយល់ឲ្យបានច្បាស់។ លើសពីនេះ ប្អូនៗគួរតែដឹងគ្រប់គ្រងអារម្មណ៍ កាត់បន្ថយស្ត្រេស និងស្វែងរកពេលសម្រាកចិត្តជាមួយមិត្តភក្តិ ឬក្រុមគ្រួសារ ។
អាហាររូបត្ថម្ភ ក៏ជាចំណុចមួយសំខាន់ផងដែរ។ សិស្សគួរតែបរិភោគអាហារ ដែលមានជីវជាតិ និងសុខភាពល្អ រួមទាំងការទទួលទានទឹកឲ្យគ្រប់គ្រាន់ និងគេងអោយបានគ្រប់គ្រាន់ផងដែរ ។
សម្រាប់ឪពុកម្តាយ ឬអាណាព្យាបាល ត្រូវជួយបង្កើតបរិយាកាសផ្ទះឱ្យស្ងប់ស្ងាត់ មានសុភមង្គលផ្លូវចិត្ត និងជឿជាក់លើសមត្ថភាពកូន។ ការលើកទឹកចិត្ត គាំទ្រដោយស្មោះត្រង់ មានសារសំខាន់បំផុតឲ្យកូនជោគជ័យ ។
ការប្រឡងមិនមែនសម្រាប់វាស់ចំណេះដឹងប៉ុណ្ណោះទេ ប៉ុន្តែវាជាការប្រឡងលើការរៀបចំខ្លួន វិន័យផ្លូវគំនិត និងភាពជាអ្នកទទួលខុសត្រូវរបស់សិស្ស និងក្រុមគ្រួសារទាំងមូល ៕
ចែករំលែកព័តមាននេះ