ខេត្តបន្ទាយមានជ័យ ៖ ដាក់ខ្សែភ្លើងស្អេកស្កះដូចសំបុកពីងពាង បង្កឆ្លងចរន្តអគ្គិសនីផ្ទុះឆាបឆេះ និងធ្វើឱ្យពលរដ្ឋមានការព្រួយបារម្ភ ដែលហេតុការណ៍កើតឡើង នៅថ្ងៃទី១៨ ខែកក្កដា ឆ្នាំ២០២៥ ស្ថិតនៅចំណុចផ្លូវចូលខេវ័ន្ត…
ខេត្តបន្ទាយមានជ័យ ៖ ដាក់ខ្សែភ្លើងស្អេកស្កះដូចសំបុកពីងពាង បង្កឆ្លងចរន្តអគ្គិសនីផ្ទុះឆាបឆេះ និងធ្វើឱ្យពលរដ្ឋមានការព្រួយបារម្ភ ដែលហេតុការណ៍កើតឡើង នៅថ្ងៃទី១៨ ខែកក្កដា ឆ្នាំ២០២៥ ស្ថិតនៅចំណុចផ្លូវចូលខេវ័ន្ត ក្នុងភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។
្រជាពលរដ្ឋបានប្រាប់ថា នៅពេលមានហេតុការណ៍ឆ្លងចរន្តអគ្គិសនីផ្ទុះ បង្កឱ្យមានការឆាបឆេះក្បែរផ្ទះបងប្អូនប្រជាពលរដ្ឋ ពិតជាមានការព្រួយបារម្ភយ៉ាងខ្លាំង ខ្លាចឆាបឆេះដល់ផ្ទះ ទើបអ្នកជិតខាងនាំគ្នាយកបំពង់ពន្លត់អគ្គិភ័យមកបាញ់ពន្លត់រង់ចាំរថយន្តក្រុងអន្តរាគមន៍ពន្លត់មកដល់ ដើម្បីបាញ់ពន្លត់មានរយៈពេលជិត១០នាទី បណ្តាលឱ្យឆេះរោលដល់ជញ្ជាំងផ្ទះថ្មបន្តិចនៅក្បែរ ។
ប្រជាពលរដ្ឋបានបញ្ជាក់ថា មូលហេតុដែលបង្កអោយមានការឆ្លងចរន្តផ្ទុះឆាបឆេះ គឺមកពីក្រុមហ៊ុនអគ្គិសនីអានកូ ដែលដាក់ខ្សែភ្លើងស្អេកស្កះដូចជាសំបុកពីងពាំង ទើបបណ្តាលឆ្លងចរន្តផ្ទុះឆាបឆេះឡើងជិតដល់ផ្ទះប្រជាពលរដ្ឋ ។ តែសំណាងហើយជួយអន្តរាគមន៍ពន្លត់បានទាន់ពេលវេលាពីសំណាក់បងប្អូនជិតខាង និងក្រុមអន្តរាគមន៍ពន្លត់អគ្គិភ័យដែលប្រើប្រាស់រថយន្តតូចចល័ត ។
ប្រជាពលរដ្ឋសំណូមពរសុំអោយអាជ្ញាធរ និងមន្ត្រីជំនាញជួយមើលផង ដែលក្រុមហ៊ុន
អគ្គិសនីអានកូឯកជនដាក់បណ្តាញខ្សែភ្លើងមានភាពរញ៉េរញ៉ៃ បណ្តាលឱ្យឆ្លងចរន្តអគ្គិស
នីឆាបឆេះជាញឹកញាប់ណាស់ ។
ចែករំលែកព័តមាននេះ