ខេត្តបាត់ដំបង ៖ ក្រុមក្មេងអន្ធពាលមួយហ្វូងដែលមានអាយុចន្លោះពី១៣ ទៅ១៧ឆ្នាំ ដែលជាប់សង្ស័យបានចាប់រំលោភបូកលើក្មេងស្រីអាយុ១៥ឆ្នាំម្នាក់ ត្រូវបានកម្លាំងការិយាល័យជំនាញ និងកម្លាំងអធិការស្រុកបាណន់ធ្វើការស្រាវជ្រាវឃាត់ខ្លួនបានចំនួន១២នាក់ ក្នុងចំណោម១៩នាក់ កាលពីរសៀលថ្ងៃទី១៧ កក្កដា…
ខេត្តបាត់ដំបង ៖ ក្រុមក្មេងអន្ធពាលមួយហ្វូងដែលមានអាយុចន្លោះពី១៣ ទៅ១៧ឆ្នាំ ដែលជាប់សង្ស័យបានចាប់រំលោភបូកលើក្មេងស្រីអាយុ១៥ឆ្នាំម្នាក់ ត្រូវបានកម្លាំងការិយាល័យជំនាញ និងកម្លាំងអធិការស្រុកបាណន់ធ្វើការស្រាវជ្រាវឃាត់ខ្លួនបានចំនួន១២នាក់ ក្នុងចំណោម១៩នាក់ កាលពីរសៀលថ្ងៃទី១៧ កក្កដា នៅឃុំស្នឹង ស្រុកបាណន់ ។
របាយការណ៍បឋមបានឲ្យដឹងថា ក្រុមក្មេងឈាមរាវទាំងនេះ ត្រូវបានក្មេងស្រីម្នាក់បានប្ដឹងចោទប្រកាន់ក្រុមនេះថា បានរួមដៃគ្នាចាប់រំលោភនាង រយ:ពេល០៣យប់ជាបន្តបន្ទាប់ នៅថ្ងៃ១៤ .១៥ .១៦ ខែកក្កដា នៅចំណុចផ្ទះរបស់ឈ្មោះ នីត ។
របាយការណ៍ដដែលបានឲ្យដឹងថា ក្រោយទទួលបណ្តឹងក្មេងស្រីរងគ្រោះ កម្លាំងការិយាល័យជំនាញនៃស្នងការខេត្ត និងកម្លាំងអធិការស្រុកបាណន់ ក៏បានធ្វើការស្រាវរហូតឈានដល់ការឃាត់ខ្លួនក្រុមក្មេងអន្ធពាល មានអ្នកប្រព្រឹត្តផ្ទាល់ និង អ្នកចូលរួមសមគំនិតចំនួន១២នាក់ ខណ:០៧នាក់ទៀតកំពុងគេចខ្លួន។
ជនសង្ស័យទាំង១២នាក់រួមមាន៖ ១-ឈ្មោះឃឿន សុផានីត ហៅណុយ ភេទប្រុស អាយុ១៣ឆ្នាំ នៅភូមិស្នឹង ឃុំស្នឹង ស្រុកបាណន់ (ប្រព្រឹត្តផ្ទាល់)។ ២-ឈ្មោះវង់ ចានលថៃ ភេទប្រុស អាយុ១៣ឆ្នាំ នៅភូមិសំបួរមាស ឃុំស្នឹងស្រុកបាណន់ (ប្រព្រឹត្តផ្ទាល់) ។ ៣-ឈ្មោះគី ផាន់ណា ភេទប្រុស អាយុ១៤ឆ្នាំ នៅភូមិពាក់ស្បែក ឃុំស្នឹងស្រុក បាណន់ (ប្រព្រឹត្តផ្ទាល់) ៤-ឈ្មោះនួន ផានុន ហៅផិ ភេទប្រុស អាយ១៦ឆ្នាំ នៅភូមិស្នឹងកើត ឃុំស្នឹង ស្រុកបាណន់ (ប្រព្រឹត្តផ្ទាល់)។៥-ឈ្មោះថន ឡៃហេង ភេទប្រុស អាយុ១៥ឆ្នាំ នៅភូមិស្នឹងកេីត ឃុំស្នឹង ស្រុកបាណន់ (ប្រព្រឹត្តផ្ទាល់)។
៦-ឈ្មោះសាន វិច្ឆកា ហៅ ម៉ៅ ភេទប្រុស អាយុ១៥ឆ្នាំ នៅភូមិសំបួរមាស ឃុំ ស្នឹងស្រុកបាណន់ (ប្រព្រឹត្តផ្ទាល់)។ ៧-ឈ្មោះ មឿន រាជសម្បត្តិ ហៅរាជភេទប្រុសអាយុ១៧ឆ្នាំ នៅភូមិសំបួរមាសឃុំស្នឹង ស្រុកបាណន់ (ប្រព្រឹត្តផ្ទាល់) ។ ៨-ឈ្មោះក ភក្តី ភេទប្រុស អាយុ១៧ឆ្នាំ នៅភូមិស្នឹងកើត ឃុំស្នឹង ស្រុកបាណន់ (ប្រព្រឹត្តផ្ទាល់)។ ៩-ឈ្មោះនួន ណមរ៉ា ភេទប្រុស អាយុ១៥ឆ្នាំ នៅភូមិព្រះស្រែ ឃុំស្នឹង ស្រុកបាណន់ (សមគំនិត) ។ ១០-ឈ្មោះ ហូគន្ធ ដោយ៉ាដេត ភេទប្រុស អាយុ១៦ឆ្នាំ នៅភូមិគរ ឃុំស្នឹងស្រុកបាណន់ (សមគំនិត) ។ ១១-ឈ្មោះឈិត បញ្ញា ហៅសាច់ដុំ ភេទប្រុស អាយុ១៧ឆ្នាំ នៅភូមស្នឹងលិចឃុំស្នឹង ស្រុកបាណន់ (សមគំនិត)។ ១២-ឈ្មោះសុខ ម៉ៃឃីដាវីត ភេទប្រុស អាយុ១៦ឆ្នាំ នៅភូមិស្នឹងកើត ឃុំស្នឹង ស្រុកបាណន់ (សមគំនិត) ។ ពេលនេះ ជនសង្ស័យទាំង១២នាក់ កំពុងឃាត់ខ្លួនបណ្តោះអាសន្ននៅអធិការនគរបាលស្រុបាណន់ ដើម្បីសួរនាំ។
កោះសន្តិភាព មិនទាន់បានសុំការបញ្ជាក់ពីសមត្ថកិច្ចនៅឡើយទេ ជុំវិញករណីរំលោភបូកលើក្មេងស្រីអាយុ១៥ឆ្នាំខាងលើនេះ ។ ដោយឡែក ចម្លើយសារភាពពីក្រុមជនសង្ស័យក៏មិនទាន់ទទូលបានដែរ គិតត្រឹមម៉ោង១រសៀលថ្ងៃទី ១៨ កក្កដា រួមទាំងការបំភ្លឺបន្ថែមពីក្មេងស្រីរងគ្រោះផង ។
យ៉ាងណាក្ដី នៅក្នុងសំណុំរឿងរំលោភបូកនេះ បើតាមសមត្ថកិច្ចបានបង្ហើបថា ក្រុមជនសង្ស័យមានបក្សពួកសរុបចំនួន១៩នាក់។ នេះជាចម្លើយ ជនសង្ស័យខាងលើ ដែលបានសារភាពប្រាប់សមត្ថកិច្ច ។ ពេលនេះ ឃាត់ខ្លួនបាន១២នាក់ នៅជនពាក់ព័ន្ធចំនួន០៧នាក់ទៀតកំពុងគេចខ្លួន ហើយមន្ត្រីជំនាញបាននិងកំពុងតាមចាប់ខ្លួន ៕
ចែករំលែកព័តមាននេះ