ប្រទេសកូរ៉េខាងជើង ៖ កូរ៉េខាងជើងអះអាង នាថ្ងៃទី២៧ ឧសភា ថា បានសាកល្បងនាពេលមុននេះ ប្រព័ន្ធបាញ់មីស៊ីលចម្រុះថ្មីធុនស្រាល ព្រមទាំងប្រព័ន្ធមីស៊ីលចម្រុះបណ្ដែតតាក់ទិក ។
តាមទីភ្នាក់ងារព័ត៌មានផ្លូវការកូរ៉េខាងជើង KCNA ថា ការសាកល្បងទាំងនោះ ត្រូវបានត្រួតពិនិត្យដោយមេដឹកនាំប្រទេសលោកគីមជុងអ៊ុន ។ នាថ្ងៃទី២៦ ឧសភា សេនាធិការដ្ឋានកងទ័ពកូរ៉េខាងត្បូងរាយការណ៍ថា ចាប់ឃើញនាវេលាម៉ោង១៣ម៉ោងក្នុងស្រុក ការបាញ់មីស៊ីលច្រើនគ្រាប់ទៅសមុទ្រលឿង ក្នុងនោះមានមីស៊ីលបាលីស្ទិករយៈខ្លី១គ្រាប់ផង ដែលបាញ់ចេញពីទីក្រុងកូរ៉េខាងជើងចុងជូ ។
រយៈពេលប៉ុន្មានសប្ដាហ៍ចុងក្រោយនេះ កូរ៉េខាងជើងបានបង្កើនការបាញ់សាកល្បងមីស៊ីល។ តាមកងទ័ពកូរ៉េខាងត្បូងថា បណ្ដាមីស៊ីលពេលបាញ់សាកល្បងបានហោះហើរ ក្នុងចម្ងាយប្រមាណជា៨០គីឡូម៉ែត្រ។ KCNAលើកឡើងថា ការសាកល្បងនោះអាចធ្វើការវិភាគ និងវាយតម្លៃលើក្បាលគ្រាប់មួយ សម្រាប់បេសកកម្មពិសេសរបស់មីស៊ីលបាលីស្ទិកតាក់ទិក និងលើភាពប្រាកដប្រជានៃគ្រាប់កាំភ្លើងធំទំហំ២៤០មីលីម៉ែត្រ បំពាក់ដោយប្រព័ន្ធតម្រង់ចំគោលដៅបំផុត ។
លោកគីម ជុងអ៊ុន ពោលសរសើរថា ប្រព័ន្ធគ្រឿងសព្វាវុធចម្បងទាំងនេះ គឺជាសញ្ញាច្បាស់លាស់មួយនៃការកែលម្អកងកម្លាំងយោធារបស់យើង និងបង្ហាញពីការរីកចម្រើនធំៗខាងបច្ចេកទេស ៕
ចែករំលែកព័តមាននេះ