ក្រោយពេលនាយករដ្ឋមន្ត្រី ដឹកនាំកិច្ចប្រជុំជាមួយគណៈអភិបាលរាជធានី-ខេត្ត ស្នងការនគរបាលរាជធានី-ខេត្ត មេបញ្ជាការកងរាជអាវុធហត្ថរាជធានី-ខេត្ត ដើម្បីត្រួតពិនិត្យការអនុវត្តប្រតិបត្តិការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា និងដាក់បទបញ្ជាសម្រាប់អនុវត្តបន្តនៅវិមានសន្តិភាព នាព្រឹកទី១៥ ខែកក្កដា ភ្លាមរបាយការណ៍នៃការបំបែកសំណុំរឿងនេះក៏ចេញមកភ្លាមៗ ។…
ក្រោយពេលនាយករដ្ឋមន្ត្រី ដឹកនាំកិច្ចប្រជុំជាមួយគណៈអភិបាលរាជធានី-ខេត្ត ស្នងការនគរបាលរាជធានី-ខេត្ត មេបញ្ជាការកងរាជអាវុធហត្ថរាជធានី-ខេត្ត ដើម្បីត្រួតពិនិត្យការអនុវត្តប្រតិបត្តិការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា និងដាក់បទបញ្ជាសម្រាប់អនុវត្តបន្តនៅវិមានសន្តិភាព នាព្រឹកទី១៥ ខែកក្កដា ភ្លាមរបាយការណ៍នៃការបំបែកសំណុំរឿងនេះក៏ចេញមកភ្លាមៗ ។ នេះ គឺជាសក្ខីកម្មនៃបទបញ្ជាមួយ ប៉ុន្តែបើចង់ប្រយុទ្ធប្រឆាំងនឹងបទឧក្រិដ្ឋកម្មនេះ កាន់តែសកម្មចាំបាច់ត្រូវតែយកចិត្តទុកដាក់លើការពង្រឹងសមត្ថភាព និងហ៊ានវិនិយោគលើឧបករណ៍បច្ចេកវិទ្យាទាន់សម័យនានា ។
តាមសេចក្តីរាយការណ៍ពីប្រភពផ្លូវការរបស់រដ្ឋាភិបាលបានឲ្យដឹងថា កម្លាំងចម្រុះនៃរដ្ឋបាលរាជធានីភ្នំពេញ គឺបានចុះបង្ក្រាបករណីនេះ នៅទីតាំងសង្ស័យពាក់ព័ន្ធពីរកន្លែង ដោយមួយកន្លែងនៅខណ្ឌទួលគោក និងមួយកន្លែងទៀតនៅខណ្ឌសែនសុខ ។
នៅខណ្ឌទួលគោក គឺនៅទីតាំងនៅក្នុងអគារលេខ១៥ ផ្លូវ១២៨ ភូមិ៦ សង្កាត់ផ្សារដេប៉ូទី១ សមត្ថកិច្ចចម្រុះបានចុះប្រតិបត្តិការ កាលពីថ្ងៃទី១៤ ខែកក្កដា ដោយបានរកឃើញជនជាតិវៀតណាមសរុបចំនួន ១៤៩នាក់ ដោយក្នុងនោះ មានស្រី២៣នាក់ និងជនជាតិខ្មែរសរុប ចំនួន៨៥នាក់ ក្នុងនោះស្ត្រីចំនួន១៧ នាក់ ដែលមានមុខរបរជាជាងភ្លើង កម្មករសំណង់ សន្តិសុខ មកពីក្រុមហ៊ុនសេវាកម្មសន្តិសុខឈ្មោះ ហាន ហុង, និងជាចុងភៅ និងកូនកាំបិតផងដែរ ។
ក្រោយចុះបង្ក្រាបសមត្ថកិច្ចកំពុងអនុវត្តនីតិវិធីអន្តោប្រវេសន៍ ចំពោះជនជាតិវៀតណាមដែលពាក់ព័ន្ធ និងបានប្រគល់ជនជាតិខ្មែរចំនួន៦៧នាក់ ព្រមទាំងមធ្យោបាយសម្ភារៈជូនស្នងការដ្ឋានរាជធានីភ្នំពេញ ដើម្បីបន្តអនុវត្តនីតិវិធី ខណៈអនុវត្តវិធានការអប់រំណែនាំដល់អ្នកពាក់ព័ន្ធផ្សេងទៀត និងបានប្រគល់ជូនទីតាំងអគារជូនម្ចាស់អគារគ្រប់គ្រងបន្តវិញ ។
ដោយឡែក នៅខណ្ឌសែនសុខ ដែលមានទីតាំងនៅក្នុងអគារខុនដូរលេខ៣៨២ ផ្លូវឌួងងៀប ភូមិទ្រុងមាន់ សង្កាត់អូរបែកក្អម កាលពីថ្ងៃទី១៥ ខែកក្កដា ឆ្នាំ២០២៥ ក្នុងប្រតិបត្តិការចុះបង្ក្រាប នៅទីតាំងនោះ កងកម្លាំងចម្រុះបានត្រួតពិនិត្យរកឃើញជនសង្ស័យ ហើយបានឃាត់ខ្លួនមនុស្សមានសញ្ជាតិចិន សរុបចំនួន៣នាក់ និងសម្ភារៈដែលជាវត្ថុតាងមួយចំនួនរួមមាន កុំព្យូទ័រចំនួន៤៧គ្រឿង, Laptop ចំនួន១៩គ្រឿង, iPad ចំនួន១គ្រឿង, ទូរស័ព្ទចំនួន២៨គ្រឿង, ទូរដែកចំនួន៦គ្រឿង ។
ក្នុងនោះដែរ ក្រុមការងារក៏បានប្រមូលបានលិខិតឆ្លងដែនចំនួន៨ក្បាល និងចុងភៅចំនួន៣នាក់ ស្រី១នាក់, អ្នកអនាម័យចំនួនម្នាក់ផងដែរ ។ បច្ចុប្បន្ន អ្នកដែលត្រូវបានឃាត់ខ្លួន និងសម្ភារៈត្រូវបានប្រគល់ជូនស្នងការដ្ឋានរាជធានីភ្នំពេញ ដើម្បីបន្តអនុវត្តនីតិវិធី ដោយឡែកទីតាំងអគារខាងលើ ត្រូវបានបិទឃ្លុំជាបណ្តោះអាសន្ន ។
អ្វីដែលសមត្ថកិច្ចធ្វើនៅ ថ្ងៃទី១៤ និង១៥ នេះមិនមែនជារឿងថ្មីទេ វា គឺជារឿងដែលកម្ពុជាបានធ្វើជាច្រើនករណីរួចមកហើយ ប៉ុន្តែទោះបីជាយ៉ាងណាក៏ដោយមកដល់ពេលនេះ អ្វីដែលគួរជាទីកត់សម្គាល់ គឺថា សមត្ថកិច្ចនៅមិនទាន់រកឃើញ ឬធ្វើសេចក្តីសន្និដ្ឋានថា នរណាជាមេក្លោងនៅក្នុងករណីនីមួយៗដែលខ្លួនបានបង្ក្រាបនៅឡើយ ។ សមាសធាតុនៃក្រុមជនដែលបានឃាត់ខ្លួនកន្លងមកដោយរួមទាំងករណីថ្មីៗទាំងពីរខាងលើ គឺវាហាក់នៅលាយឡំគ្នារវាងជនរងគ្រោះ ជនរួមគំនិត ហើយអ្នកខ្លះអាចជាជនដែលមិនដឹងខ្យល់អ្វី គឺគ្រាន់តែជាអ្នកដែលធ្វើការអោយគេយកប្រាក់ខែ ដោះស្រាយជីវភាពប៉ុណ្ណោះ ។
នៅវៀតណាមជាដើម សមត្ថកិច្ចគេ គឺបានវែកមុខហើយបញ្ជាក់ច្បាស់រវាងនរណាជាមេក្លោង នរណាជាអ្នកផ្សំគំនិត ហើយនិងក្រុមជនរងគ្រោះ ដែលត្រូវក្រុមឧក្រិ.ដ្ឋជនល្បួង ឬក៏បង្ខំពួកគេឲ្យធ្វើការឲ្យពួកគេ ។ រឿងនេះ អាចស្មុគស្មាញ ហើយទាមទារការស៊ើបអង្កេតស្រាវជ្រាវ និងមានជំនាញច្បាស់លាស់ ជាពិសេសគឺពាក់ព័ន្ធនឹងចំណេះ និងជំនាញ ក៏ដូចជា ទាមទារការបំពាក់នូវឧបករណ៍បច្ចេកទេសទំនើបៗ ដើម្បីជួយផ្សំជាមួយសមត្ថភាពក៏ដូចជា ទេពកោសល្យនៃកងសមត្ថកិច្ចនៅក្នុងការបំពេញបេសសកម្មសើបអង្កេត និងទំនាក់ទំនងកិច្ចសហប្រតិបត្តិការជាតិ និងអន្តរជាតិនានា ។
ដូចដែលយើងបានដឹងមកហើយថា ឧក្រិ.ដ្ឋកម្មតាមអ៊ីនធឺណិត គឺជាឧក្រិ.ដ្ឋកម្មទាន់សម័យ ហើយមកដល់ពេលនេះ មានជនរងគ្រោះជាច្រើនបានបន្តធ្លាក់ខ្លួនជាទាសករ និងក្លាយជាជនរងគ្រោះនៅក្នុងអំពើជួញដូរមនុស្ស ។ ឧក្រិ.ដ្ឋកម្មនេះវាបានពង្រីក និងកំពុងតែរីករាលដាលយ៉ាងឆាប់រហ័ស ពីអាស៊ីអាគ្នេយ៍យើងទៅកាន់អាហ្វ្រិកខាងលិច មជ្ឈិមបូព៌ា អាមេរិកកណ្តាល និងទូទាំងពិភពលោក ។
មកដល់ពេលនេះ ប៉ូលិសអន្តរជាតិបានចាត់ទុកឧក្រិ.ដ្ឋកម្មនេះជាការគំរា.មកំហែ.ងដ៏ធំ ហើយរឿងនេះវាកើតមានសឹងតែគ្រប់ប្រទេស នៅអាស៊ីអគ្នេយ៍ ដូចជា ករណីនៅហ្វីលីពីន នៅកម្ពុជា ថៃ វៀតណាម ឡាវ ជាដើម ។ ពាក់ព័ន្ធនឹងករណីទាំងនេះ ស្ថាប័នប៉ូលិសអន្តរជាតិបានបន្តជំរុញឱ្យប្រទេសនានា មានចំណាត់ការផ្លូវច្បាប់យ៉ាងតឹងរឹង ដោយធ្វើប្រតិបត្តិការរួមគ្នាជាមួយបណ្តាប្រទេសនៅទូទាំងពិភពលោក ។
នៅក្នុងយុគសម័យ ដែលឧក្រិ.ដ្ឋកម្មតាមអ៊ីនធឺណិតវិវឌ្ឍកាន់តែលឿន ការវិនិយោគបន្ថែមលើចំណេះជំនាញ និងក៏ដូចជា ឧបករណ៍បច្ចេកវិទ្យា គឺចាំបាច់ត្រូវតែវិនិយោគបន្ថែមទៀត ដើម្បីធានាថា យើងអាចម្ចាស់ការលើការផ្តល់សុវត្ថិភាពជូនប្រជាពលរដ្ឋ ជនបរទេស អ្នកទេសចរ និងអ្នកវិនិយោគទុនបាន។
ដើម្បីងាយស្រួលវែកមុខឧក្រិ.ដ្ឋជនពិតប្រាកដ នៅពីក្រោយករណីទាំងនេះ វាចាំបាច់ត្រូវពង្រឹងសមត្ថកិច្ចប៉ូលិសលើជំនាញជាច្រើន ដែលមានតាំងពីកោសល្យវិច្ច័យឌីជីថល វិភាគឧបករណ៍បច្ចេកវិទ្យា ជំនាញចារកម្ម តាមអ៊ីនធឺណិត ជំនាញតាមដានអាសយដ្ឋាន IP និងការប្រើប្រាស់ VPN ការវិភាគ និងពិនិត្យក៏ដូចជាជំនាញ ដែលបច្ចេកទេសគេហៅថា Open Source Intelligence …។ល។ ដោយឡែក ឧបករណ៍ដែលគួរតែបំពាក់ គឺមានតាំងពីឧបករណ៍អេឡិចត្រូនិក ដែលមានប្រសិទ្ធភាពខ្ពស់ លឿនរហ័ស ដែលជួយសម្រួលដល់ការវិភាគស៊ីជម្រៅការសង្គ្រោះទិន្នន័យ ឧបករណ៍សម្រាប់ដំណើរការផ្សេងៗជាច្រើន ។
សរុបទៅរឿងប្រយុទ្ធប្រឆាំងនឹងឧក្រិ.ដ្ឋកម្មអនឡាញ គឺជាបេសកម្មមួយដែលអាចថា ត្រូវការធនធាន និងសមត្ថភាពមន្ត្រីជំនាញលើវិស័យបច្ចេកវិទ្យាឌីជីថល និងព័ត៌មាន ព្រមទាំងបញ្ហាសិប្បនិម្មិត កាន់តែទូលំទូលាយ ហើយឧបករណ៍ប្រើប្រាស់ទៀតសោត ក៏កាន់តែមានសេចក្តីត្រូវការខ្ពស់ពីព្រោះឧក្រិ.ដ្ឋជនអាចធ្វើការកន្លែងណាក៏បាន ដោយគ្រាន់តែមានទូរស័ព្ទ ដែលភ្ជាប់អ៊ីនធឺណិត គឺស្រេច ៕
ចែករំលែកព័តមាននេះ