រាជធានីភ្នំពេញ ៖ នាយករដ្ឋមន្ត្រីស្តីទីថៃបច្ចុប្បន្ន ធ្លាប់រង់ចាំជជែកតាមទូរសព្ទ ដើម្បីសុំចរចាជាមួយសម្ដេចតេជោ រហូតដល់៤ម៉ោង (ម៉ោង២រសៀល ដល់ម៉ោងប្រមាណ៦ល្ងាច) នេះបើតាមលោក ឃ្លាំង…
រាជធានីភ្នំពេញ ៖ នាយករដ្ឋមន្ត្រីស្តីទីថៃបច្ចុប្បន្ន ធ្លាប់រង់ចាំជជែកតាមទូរសព្ទ ដើម្បីសុំចរចាជាមួយសម្ដេចតេជោ រហូតដល់៤ម៉ោង (ម៉ោង២រសៀល ដល់ម៉ោងប្រមាណ៦ល្ងាច) នេះបើតាមលោក ឃ្លាំង ហួត អភិបាលរងរាជធានីភ្នំពេញ ។
លោក ឃ្លាំង ហួត អភិបាលរងរាជធានីភ្នំពេញ និងជាទីប្រឹក្សាសម្តេចតេជោ ប្រធានគណបក្សប្រជាជនកម្ពុជា បានសរសេរលើបណ្តាញសង្គមនៅរសៀលថ្ងៃទី១៦ ខែកក្កដា ឆ្នាំ២០២៥ យ៉ាងដូច្នេះថា ៖ “ខ្ញុំសូមឆ្លើយតបចំពោះការលើកឡើងរបស់លោក ភូមិថាំ វៈឆៈយៈឆៃ នាយករដ្ឋមន្ត្រីស្ដីទីរបស់ថៃ ដែលបាននិយាយថា សម្ដេចតេជោ ហ៊ុន សែន គ្មានតម្លៃ ។
លោកបានលើកឡើងថា តើលោកនាយករដ្ឋមន្ត្រីស្ដីទី នៅចាំបានទេ ? កាលពីថ្ងៃទី១៥ ខែមិថុនា ឆ្នាំ២០២៥ លោកបានអមនាយករដ្ឋមន្ត្រី ផែថងថាន រង់ចាំជជែកតាមទូរសព្ទ ដើម្បីសុំចរចាជាមួយសម្ដេចតេជោ រហូតដល់៤ម៉ោង (ម៉ោង២រសៀល ដល់ម៉ោងប្រមាណជិត៦ល្ងាច) នេះសបញ្ជាក់ឱ្យឃើញថា លោកច្បាស់ជាយល់ឃើញថា សម្ដេចតេជោ គឺជាតួរអង្គដ៏សំខាន់ ដែលមានអំណាច និងមានឥទ្ធិពលអាចសម្រេចអ្វីបាននៅកម្ពុជា ។
លោកបានបញ្ជាក់ថា ៖ “ខ្ញុំសូមឆ្លើយទៅលោកវិញថា សម្ដេចតេជោ ជានិមិត្តរូប នៃសុខសន្តិភាព សម្ដេចបានលះបង់សាច់ស្រស់ឈាមស្រស់ដើម្បីរំដោះ និងកសាងប្រទេសជាតិឱ្យមានការរីកចម្រើន និងជាវីរបុរស ដែលប្រជាជនកម្ពុជាគោរពស្រលាញ់ជាទីបំផុត” ។
សូមជម្រាបថាកាលពីពេលកន្លងមកចំពោះ កិច្ចសន្ទនាតាមទូរសព្ទរវាងសម្តេចតេជោ ហ៊ុន សែន ជាមួយលោកស្រី ផៃថង ថាន អតីតនាយករដ្ឋមន្ត្រីថៃ លោក ឃ្លាំង ហួត ជាអ្នកបកប្រែភាសាថៃ ផងដែរ ៕
ចែករំលែកព័តមាននេះ