ខេត្តក្រចេះ ៖ រថយន្តដឹកខ្សាច់ទម្ងន់យក្សចេញពីដេប៉ូ វន រី សង្កាត់ក្រគរ ក្រុងក្រចេះ ត្រូវបានគេអង្កេត ក្រោយទទួលព័ត៌មានថាបានដឹកជញ្ជូនខ្សាច់ក្នុងទម្ងន់ចន្លោះពី៦០ទៅ៧០តោនក្នុងមួយឡានៗ លើកំណាត់ផ្លូវសាងសង់ដោយក្រុមហ៊ុនចិនឈ្មោះ(POLI…
ខេត្តក្រចេះ ៖ រថយន្តដឹកខ្សាច់ទម្ងន់យក្សចេញពីដេប៉ូ វន រី សង្កាត់ក្រគរ ក្រុងក្រចេះ ត្រូវបានគេអង្កេត ក្រោយទទួលព័ត៌មានថាបានដឹកជញ្ជូនខ្សាច់ក្នុងទម្ងន់ចន្លោះពី៦០ទៅ៧០តោនក្នុងមួយឡានៗ លើកំណាត់ផ្លូវសាងសង់ដោយក្រុមហ៊ុនចិនឈ្មោះ(POLI CHANGDA)។
ប្រភពព័ត៌មានអោយដឹងថារថយន្តដឹកខ្សាច់ទម្ងន់យក្សចេញពីដេប៉ូ លោក វន រី ក្នុងសង្កាត់ក្រគរ ក្រុងក្រចេះ ទៅកាន់ស្រុកស្នួល និងមានការសង្ស័យចាក់ស្តុក រួចដឹកបន្តនាំចេញទៅវៀតណាម។
ប្រភពបន្តថាដោយឃើញពីសម្ពាធនៃការផ្ទុកទម្ងន់លើសកម្រិតផ្លូវពុំអាចទ្រាំទ្របាន និងមានក្តីបារម្ភថាផ្លូវថ្នល់មួយចំនួនដែលទើបនិងសាងសង់រួចអាចនឹងបាក់ស្រុតខូចមុនអាយុកាល
។
ក្រុមការងាររបស់ក្រុមហ៊ុនចិនឈ្មោះ(POLI CHANGDA)ដែលជាជនជាតិខ្មែរចំនួន៤នាក់ កាលពីថ្ងៃទី១០ខែកក្កដាបាននាំគ្នាចាំអង្កេតមើលនិងថតរូបភាពក្រុមរថយន្តដឹកខ្សាច់ខ្នាតយក្យទាំងនោះ ។ ពួកគាត់បានប្រាប់សារព័ត៌មានថា ពួកគេមិនមែនរង់ចាំចាប់រថយន្តនោះទេ តែពួកគាត់
កំពុងអង្កេតនិងថតរូបនិងប្រមូលព័ត៌មានរាយការណ៍ជូនថ្នាក់ដឹកនាំក្រុមហ៊ុន ព្រោះផ្លូវនេះក្រោយជួសជុលរួចស្ថិតក្រោមការថែទាំរបស់ក្រុមហ៊ុនចិនកុងត្រារយៈពេល៥ឆ្នាំ។
ក្រុមការងារក្រុមហ៊ុន(POLI CHANGDA)សាងសង់ផ្លូវនោះបាននិយាយទៀតថា រថយន្តខ្នាតយក្សប្រភេទយីឌុបនិងវេអងសណ្តោង បានកំពុងធ្វើសកម្មភាពដឹកជញ្ជូនខ្សាច់ដោយក្នុងមួយឡាន អាចផ្ទុកទម្ងន់ចន្លោះពី៦០ទៅ៧០សិបតោន។ហើយសកម្មភាពទាំង នេះបើសិនជាអាជ្ញាធរនៅតែបណ្ដែត បណ្ដោយអោយមានការដឹកជញ្ជូនខ្សាច់ ក៏ដូចជាការបង្កើតមានដេប៉ូស្តុកខ្សាច់នៅក្នុងក្រុង និងដឹកជញ្ជូនតាមរថយន្តខ្នាតយក្សធំៗ គឺផ្លូវថ្នល់ទាំងនោះនិងប្រឈមការខូចខាតក្នុងរយៈពេលខ្លី។
បន្ទាប់រសៀលថ្ងៃទី១៥កក្ដា២០២៥ជនជាតិចិនក្រុមហ៊ុន(POLI CHANGDA)បានឃាត់រថយន្តដឹកខ្សាច់មួយគ្រឿងដើម្បីណែនាំបន្ថែម ។ ទោះបីយ៉ាងក៏មិនអាចរំខានដល់ជំនួញខ្សាច់រាប់សិបតោនក្នុងមួយឡានៗនោះដែរ។
លោករ័ត្ន តុលា ប្រធានមន្ទីរ៉ែនិងថាមពលខេត្តក្រចេះ មិនអាចទំនាក់ទំនងបាននោះទេនៅពេលទូរស័ព្ទចូល ប្រាប់ថាខលពីកាសែតកោះសន្តិភាពទៅ លោកឆ្លើយថាស្តាប់មិនច្បាស់ពុំសូវមានសេវា រួចបិតទូរស័ព្ទសារព័ត៌មានកោះសន្តិភាពបានព្យាយាមចុចទៅជាច្រើនលើកទៀតតែលោកពុំទទួល។
ប្រធានមន្ទីរសាធារណការនិងដឹកជញ្ជូនខេត្តក្រចេះលោក សាំង ប៊ុនថេន មិនអាចទំនាក់ទំនងតាមទូរស័ព្ទបានទេនាព្រឹកថ្ងៃទី១៦កក្តដា២០២៥នេះ៕
ចែករំលែកព័តមាននេះ