ខេត្តបន្ទាយមានជ័យ ៖ ទឹកជំនន់ហក់ឡើងខ្លាំងក្នុង១យប់បង្កឱ្យលិចសំណង់ទ្វារទឹកព្រែកចំណោម និងបណ្តាលប្រជាពលរដ្ឋជួបការលំបាកឆ្លងកាត់ គិតត្រឹមថ្ងៃទី១៥ ខែកក្កដា ឆ្នាំ២០២៥ ស្ថិតក្នុងភូមិចំណោម ឃុំចំណោម ស្រុកមង្គលបូរី…
ខេត្តបន្ទាយមានជ័យ ៖ ទឹកជំនន់ហក់ឡើងខ្លាំងក្នុង១យប់បង្កឱ្យលិចសំណង់ទ្វារទឹកព្រែកចំណោម និងបណ្តាលប្រជាពលរដ្ឋជួបការលំបាកឆ្លងកាត់ គិតត្រឹមថ្ងៃទី១៥ ខែកក្កដា ឆ្នាំ២០២៥ ស្ថិតក្នុងភូមិចំណោម ឃុំចំណោម ស្រុកមង្គលបូរី ។
ប្រជាពលរដ្ឋបានប្រាប់ថា ទឹកជំនន់បានហក់ឡើងខ្លាំងរយៈពេល១យប់ បណ្តាលឱ្យលិចហូរកាត់ពីលើសំណង់ទ្វារទឹកព្រែកចំណោម បណ្តាលច្រោះដាច់បណ្តាលអោយប្រជាពលរដ្ឋធ្វើដំណើរឆ្លងកាត់ពីភូមិចំណោមទៅភូមិសាយសាម៉ន ឃុំចំណោម ស្រុកមង្គលបូរី ព្រំប្រទល់ស្រុកម៉ាឡៃ ត្រូវទឹកលិចហូរកាត់សំណង់ប្រមាណ២០ ទៅ៣០ម៉េត្រ ។
ប្រជាពលរដ្ឋបានបញ្ជាក់ថា នៅប្រឡាយព្រែកឃុំចំណោម និងប្រឡាយព្រែកឃុំសឿងទឹកនៅក្នុងប្រឡាយប្រៀប បើទឹកនៅបន្តហក់ឡើងខ្លាំងហៀរប្រឡាយអាចប្រឈមប៉ះពាល់ដល់ស្រូវដែលនិងប្រមូលផលរយៈពេលជាងកន្លៈខែទៀត ចាប់ផ្តើមប្រមូលជាបណ្តើរៗជាស្រូវប្រភេទ៥១.៥៤ ឬអូរអឹមមានរាប់ពាន់ហិកតានៅខាងលិចដងស្ទឹង ហើយឆ្នាំនេះស្រូវផលល្អទៀត ។
លោក ជា ទី មេឃុំសឿបានប្រាប់ថា នៅព្រែកសឿទឹកជំនន់បានឡើងរយៈពេលជិត១សប្តាហ៍មកហើយ តែមិនទាន់ប៉ៈពាល់ ឬលិចផ្លូវនេះឡើយទេ នៅចំណុចសំណង់បង្ហៀរទឹកព្រែកសឿកម្ពស់ទឹកជាងកន្លះម៉ែត្រ តែមានស្ពានឈើឆ្លងបើសិនជាទឹកនៅបន្តហក់ឡើងខ្លាំងអាចប្រឈមលិចផ្លូវនិងប៉ៈពាល់ដំណាំស្រូវនិងប្រមូលផលខាងមុខនេះ។
លោក រ័ត្ន ដាស៊ីណង់ អភិបាលស្រុកមង្គលបូរីបានបញ្ជាក់ថា ទឹកដែលហូរតាមប្រឡាយព្រែកដែលលិចហូរកាត់សំណង់ទ្វារទឹកព្រែកចំណោម និងទឹកប្រឡាយព្រែកហក់ឡើងខ្លាំងថ្ងៃនេះ ជាទឹកហូរធ្លាក់ពីអូរព្រំដែនមកសំណង់បវេលស្រុកបវេលខេត្តបាត់ដំបង បន្តហូរធ្លាក់មកស្រុកមង្គលបូរីខេត្តបន្ទាយមានជ័យ រហូតម៉ោងនេះមិនទាន់ប៉ះពាល់នៅឡើយទេ។
ចែករំលែកព័តមាននេះ