ខេត្តបន្ទាយមានជ័យ ៖ ផ្លែទុរេនប្រមាណជាង៤តោនរបស់ប្រជាពលរដ្ឋចំនួន២ឃុំ នៅស្រុកសំឡូត ខេត្តបាត់ដំបង បានយកមកប្រគល់ជូនទីបញ្ជាការទិសទី១ សម្រាប់ឧបត្ថម្ភជូនដល់កងកម្លាំងការពារព្រំដែនជួរមុខ នៅថ្ងៃទី១៤ ខែកក្កដា ឆ្នាំ២០២៥…
ខេត្តបន្ទាយមានជ័យ ៖ ផ្លែទុរេនប្រមាណជាង៤តោនរបស់ប្រជាពលរដ្ឋចំនួន២ឃុំ នៅស្រុកសំឡូត ខេត្តបាត់ដំបង បានយកមកប្រគល់ជូនទីបញ្ជាការទិសទី១ សម្រាប់ឧបត្ថម្ភជូនដល់កងកម្លាំងការពារព្រំដែនជួរមុខ នៅថ្ងៃទី១៤ ខែកក្កដា ឆ្នាំ២០២៥ នៅទីបញ្ជាការដ្ឋានទិសទី១បន្ទាយមានជ័យ។
លោក ឈិម ព្រឿង មេឃុំសំឡូត និងលោក វិត រ៉េត មេឃុំស៊ុង បានមានប្រសាសន៍ថា ផ្លែទុរេនប្រមាណជាង៤តោន និងបន្លែផ្លែឈើជាច្រើនប្រភេទទៀត ដែលនាំយកមកប្រគល់ជូនលោកឧត្តមសេនីយ៍ទោ ឈុន ម៉ៅ មេបញ្ជាការរងយោធភូមិភាគទី៥ និងមេបញ្ជាការទិសទី១បន្ទាយមានជ័យនាពេលនេះ សម្រាប់យកទៅបែងចែកជូនដល់កងកម្លាំងជួរមុខការពារខ្សែបន្ទាត់ព្រំដែននិងបូរណភាពទឹកដី ក្នុងភូមិសាស្គ្រខេត្តបន្ទាយមានជ័យ ។
លោកមេឃុំទាំង២បានបញ្ជាក់ថា ផ្លែទុរេននិងបន្លែផ្លែឈើជាច្រើនប្រភេទទាំងនេះគឺបានមកពីបងប្អូនប្រជាពលរដ្ឋក្នុងឃុំសំឡូត ឃុំស៊ុង ស្រុកសំឡូត ខេត្តបាត់ដំបង ដែលបានបង្កបង្កើនផលដោយខ្លួនឯងហើយកៀរគរគ្នាបានយកមកប្រគល់ជូនដល់កងទ័ពយើងដែលកំពុងឈរជើងការពារបូរណភាពទឹកដីក្នុងភូមិសាស្ត្រខេត្តបន្ទាយមានជ័យ។
នាឱកាសនោះដែរ លោកឧត្តមសេនីយ៍ទោ ឈុន ម៉ៅ មេបញ្ជាការរងយោធភូមិភាគទី៥និងមេបញ្ជាការទិសទី១បន្ទាយមានជ័យ ក៏បានថ្លែងអំណគុណយ៉ាងជ្រាលជ្រៅ ចំពោះបងប្អូនប្រជាពលរដ្ឋនិងអាជ្ញាធរទាំង២ឃុំគឺឃុំសំឡូត និងឃុំស៊ូង ស្រុកសំឡូត ខេត្តបាត់ដំបង ដែលបាននាំយកផ្លែរេនជាង៤តោននិងបន្លែផ្លែឈើជាច្រើនមុខទៀត មកប្រគល់ជូនបញ្ជាការទិសទី១បន្ទាយមានជ័យ ដើម្បីយកទៅប្រគល់ជូនកម្លាំងជួរមុខដែលកំពុងការពារខ្សែបន្ទាត់ព្រំដែនក្នុងភូមិសាស្គ្រខេត្តបន្ទាយមានជ័យ ការពារបូរណៈភាពទឹកដីនិងមាតុភូមិកម្ពុជាអោយបានគង់វង្សមិនអោយប្រទេសជិតខាងរំលោភបំពានបានឡើយ៕
ចែករំលែកព័តមាននេះ