ខេត្តស្វាយរៀង ៖ តាមប្រភពព័ត៌មានបឋមបានឱ្យដឹងថា មានករណីក្រុមចោរស្រីប្រុសចំនួន៣នាក់ជិះម៉ូតូ១គ្រឿងមកស្ទាក់កាប់ស្ត្រីម្នាក់ បណ្តាលឲ្យដួលម៉ូតូរងរបួសធ្ងន់ធ្ងរ រួចប្លន់យកម៉ូតូនិងកាបូបលុយបានសម្រេចហើយបានយកម៉ូតូស្ត្រីរងគ្រោះជិះគេចខ្លួនបាត់ស្រមោល។
ករណីនេះបានកើតឡើងនៅវេលាម៉ោង១០យប់ថ្ងៃទី១៣កក្កដា២០២៥ នៅលើកំណាតិផ្លូវជាតិលេខ១៣D ត្រង់ចំណុច ជិតស្ពានអាដាវ ស្ថិតនីក្នុងភូមិថ្មីឃុំថ្មីស្រុកកំពង់រោទិ៍ ខេត្តស្វាយរៀង ។
មកដល់ពេលនេះកម្លាំងសមត្ថកិច្ចជំនាញកំពុងស្រាវជ្រាវតាមប្រម៉ាញ់មុខសញ្ញាក្រុមចោរប្លន់ មកផ្តន្ទាទោសឲ្យខាងតែបាន។
បើតាមសមត្ថកិច្ចបានឲ្យដឹងថា ស្ត្រីរងគ្រោះឈ្មោះប៉ិច យ៉ៃ អាយុ៣៥ឆ្នាំ មុខរបរជាបុគ្គលិកកាស៊ីណូជិតច្រកទ្វាព្រំដែនអន្តរជាត់ព្រៃវល្ល័ ពេលចេញពីធ្វើការក៏ត្រូវក្រុមចោរស្ទាក់កាប់ប្លន់នៅលើផ្លូវថ្នល់តែម្តងពិតជាសាហាវមែន។
បើតាមស្ត្រីរងគ្រោះបានបញ្ជាក់ថា ក្រុមចោរមានគ្នា០៣នាក់ស្រីម្នាក់សក់ខ្លី ប្រុស២នាក់ បានធ្វើសកម្មភាពប្លន់នាងនិងកាប់នាងបណ្តាលឲ្យដួលម៉ូតូ រងរបួសធ្ងន់ហើយក្រុមចោរបានយកម៉ូតូនិងកាបូបលុយ និងអត្តសញ្ញាណបណ្ណ័ ទៅបាត់។
ប្រភពពីសមត្ថកិច្ចបានបង្ហើបឲ្យដឹងថា ក្រុមចោរបានធ្វើសកម្មភាប្លន់ម៉ូតូចំនួន០២កន្លែងផ្សេងគ្នា លើកទី១នៅវេលាម៉ោង៩យប់ថ្ងៃទី១៣កក្កដា២០២៥ ប្លន់នៅក្នុងឃុំត្នោតស្រុកកំពង់រោទ៌យកបានម៉ូតូ១គ្រឿង ហើយក៏បន្តមកប្លន់ស្ត្រីរងគ្រោះនៅឃុំថ្មីស្រុកកំពង់រោទ៌ទៀត ។ មកដល់រសៀលថ្ងៃទី១៤កក្កដានេះសមត្ថកិច្ចយើងតាមប្រម៉ាញ់ដល់ក្រុងបាវិត គឺស្ទាក់ចាប់បានជនសង្ស័យម្នាក់និងកំពុងបន្តតាមចាប់ខ្លួនជនសង្ស័យ២នាក់ទៀតស្រី១នាក់ប្រុស១នាក់។
ប្រភពបន្តថា ក្រុមចោរប្លន់ស្ត្រីរងគ្រោះនៅជិតស្ពានតាដាវ ជិតច្រកទ្វាព្រំដែនអន្តរជាតិព្រៃវល្ល័រួចយកម៉ូតូនិងកាបូបស្ពាយស្ត្រីរងគ្រោះ យកមកបោះចោលនៅតាមវាលស្រែជិតផ្លូវក្រវ៉ាត់ក្រុងបាវិត ទើបសមត្ថកិច្ចកំណត់មុខសញ្ញាបាននិងស្ទាក់ចាប់បានម្នាក់និងរិបអុសបានម៉ូតូ១គ្រឿងនារសៀលថ្ងៃទី១៤កក្កដានេះ ។ ហើយរហូតមកដល់វេលាម៉ោង៤រសៀលតាមប្រម៉ាញ់ជនសង្ស័យ២នាក់ទៀតរត់ចូលក្នុងព្រៃប្រេងខ្យល់ សមត្ថកិច្ចកំពុងពទ្ធ័ចាប់ ដូច្នេះសូមរង់ចាំតាមដានបន្តទៀត ៕
ចែករំលែកព័តមាននេះ