សហរដ្ឋអាមេរិក ៖ ថ្ងៃទី៩កក្កដាជាថ្ងៃកំណត់សម្រាប់អនុវត្តការយកពន្ធបដិការដ៏ខ្ពស់សម្រាប់គ្រប់ប្រទេសលើពិភព ពេលនេះត្រូវបានប្រធានាធិបតីអាមេរិកលោកដូណាល់ត្រាំប្រកាសថា បណ្ដាប្រទេសទាក់ទិនត្រូវបង់ចាប់ពីថ្ងៃទី១សីហាទៅ។ រដ្ឋមន្ត្រីរតនាគារអាមេរិកលោកSCOTT BLESSENTអះអាងនាថ្ងៃទី៦កក្កដាថា បើគ្មានកិច្ចព្រមព្រៀងជាមួយសហរដ្ឋអាមេរិក នាបណ្ដាថ្ងៃខាងមុខនេះទេ នោះការយកពន្ធបដិការអាចមានដល់៥០%…
សហរដ្ឋអាមេរិក ៖ ថ្ងៃទី៩កក្កដាជាថ្ងៃកំណត់សម្រាប់អនុវត្តការយកពន្ធបដិការដ៏ខ្ពស់សម្រាប់គ្រប់ប្រទេសលើពិភព ពេលនេះត្រូវបានប្រធានាធិបតីអាមេរិកលោកដូណាល់ត្រាំប្រកាសថា បណ្ដាប្រទេសទាក់ទិនត្រូវបង់ចាប់ពីថ្ងៃទី១សីហាទៅ។
រដ្ឋមន្ត្រីរតនាគារអាមេរិកលោកSCOTT BLESSENTអះអាងនាថ្ងៃទី៦កក្កដាថា បើគ្មានកិច្ចព្រមព្រៀងជាមួយសហរដ្ឋអាមេរិក នាបណ្ដាថ្ងៃខាងមុខនេះទេ នោះការយកពន្ធបដិការអាចមានដល់៥០% ដែលនឹងចូលជាធរមានពីថ្ងៃទី១សីហាទៅ។
តាមទូរទស្សន៍CNN រដ្ឋមន្ត្រីរូបនោះពន្យល់ថា លោកប្រធានាធិបតីត្រាំបានបញ្ជូនសារដល់ដៃគូពាណិជ្ជកម្មយើងមួយចំនួនដោយនិយាយថា ប្រសិនបើពួកគេមិនធ្វើឲ្យមានការរីកចម្រើនទៅមុខទេ នោះពួកគេចាប់ពីថ្ងៃទី១សីហាទៅត្រូវបង់ពន្ធ តាមកម្រិតកាលពីថ្ងៃទី២មេសា។ ផ្ទុយមកវិញខ្ញុំគិតថាពួកគេនឹងធ្វើឲ្យមានការព្រមព្រៀងគ្នាច្រើនបានរហ័ស ហើយខ្ញុំធានាថានឹងទទួលបានការប្រកាសសំខាន់ជាច្រើននាបណ្ដាថ្ងៃខាងមុខ ទោះនៅត្រូវតវ៉ាគ្នាច្រើនទៀតក្ដី។
មកទល់ពេលនេះមានតែកិច្ចព្រមព្រៀងពាណិជ្ជកម្ម២ប៉ុណ្ណោះត្រូវបានប្រកាស គឺជាមួយប្រទេសអង់គ្លេសនិងវៀតណាម។ បន្ទាប់ពីនេះបន្តិចទីប្រឹក្សាពាណិជ្ចកម្មសំខាន់របស់សេរវិមានលោកKEVIN HASSETT អះអាងតាមទូរទស្សន៍CBSថា លោកនឹងឃើញកិច្ចព្រមព្រៀងនានាទៀតអាចនានាទីចុងក្រោយ តែលោកមិននិយាយពីចំនួនឡើយ។
លោកបន្តថាវាចំណុះលើប្រធានាធិបតីដែលត្រូវពន្យារពេលឬអត់ការព្យួរយកពន្ធខ្ពស់ ពិសេសក្នុងករណី ជិតរៀបចំបង្ហើយ។ ចំណែកប្រមុខក្រុមប្រឹក្សាសេដ្ឋកិច្ចរបស់សេតវិមានលោកស្ទេហ្វេនមីរ៉ាន ក៏ធ្លាយឲ្យដឹងដែរថា នឹងមានការបន្ទន់ឥរិយាបថខ្លះ សម្រាប់បណ្ដាប្រទេសកំពុងចរចា ដែលមានទឹកចិត្តដោយធ្វើសម្បទាននានា៕
ចែករំលែកព័តមាននេះ