ADផ្ទាំងផ្សព្វផ្សាយពាណិជ្ជកម្ម

Picture
  • ភ្នំពេញ

បុរស​ខ្លាំង​នៅ​កម្ពុជា​នៅ​ថ្មី​ៗ​នេះ បាន​ស្នើ​ឲ្យ​រដ្ឋាភិបាល​ពិចារណា​ហើយ​សិក្សា​អំពី​ការ​ធ្វើ​វិសោធនកម្ម​ច្បាប់រដ្ឋធម្មនុញ្ញ ដើម្បី​បើកផ្លូវ​ឲ្យ​មានការ​ធ្វើ​ច្បាប់​ដក​សញ្ជាតិ​ដល់​ជន​ក្បត់ជាតិ​ដែល​ចូល​ដៃ​ជាមួយ​បរទេស​បំផ្លាញ​ជាតិ​ឯង​។ ចំណែករដ្ឋាភិបាល​កម្ពុជា​បាន​ធ្វើ​ជា​ជំហាន​ៗ​តាម​ក្រប​ខណ្ឌ​ច្បាប់​។ ដូច្នេះ​រឿង​នេះ ​មិន​ដកថយ​ក្រោយ​វិញ​ឡើយ ទោះបីជា​ក្រុម​អ្នកនយោបាយ​នៅ​ក្រៅប្រទេស​ជំទាស់​និង​រិះគន់​ក្តី​។ តាម​ប្រសាសន៍​របស់​សម្តេច​តេ​ជោ ហ៊ុន សែន…

បុរស​ខ្លាំង​នៅ​កម្ពុជា​នៅ​ថ្មី​ៗ​នេះ បាន​ស្នើ​ឲ្យ​រដ្ឋាភិបាល​ពិចារណា​ហើយ​សិក្សា​អំពី​ការ​ធ្វើ​វិសោធនកម្ម​ច្បាប់រដ្ឋធម្មនុញ្ញ ដើម្បី​បើកផ្លូវ​ឲ្យ​មានការ​ធ្វើ​ច្បាប់​ដក​សញ្ជាតិ​ដល់​ជន​ក្បត់ជាតិ​ដែល​ចូល​ដៃ​ជាមួយ​បរទេស​បំផ្លាញ​ជាតិ​ឯង​។

ចំណែករដ្ឋាភិបាល​កម្ពុជា​បាន​ធ្វើ​ជា​ជំហាន​ៗ​តាម​ក្រប​ខណ្ឌ​ច្បាប់​។ ដូច្នេះ​រឿង​នេះ ​មិន​ដកថយ​ក្រោយ​វិញ​ឡើយ ទោះបីជា​ក្រុម​អ្នកនយោបាយ​នៅ​ក្រៅប្រទេស​ជំទាស់​និង​រិះគន់​ក្តី​។

តាម​ប្រសាសន៍​របស់​សម្តេច​តេ​ជោ ហ៊ុន សែន ប្រធាន​ព្រឹទ្ធសភា និង ជា​ប្រធាន​គណបក្ស​ប្រជាជន​ដែល​ជា​បក្ស​កាន់​អំណាច កាលពី​ថ្ងៃ​ទី ០៣​ខែកក្កដា នៅ​ព្រៃវែង រឿង​នះ​ទៅ​មុខ​ហើយដោយ​សភា​គ្រោង នឹង​បើក​សម័យប្រជុំ​វិសាមញ្ញ​ដើម្បី​ធ្វើ​វិសោធនកម្ម​រដ្ឋធម្មនុញ្ញ​នៅ​ថ្ងៃ​ទី​១១ ខែកក្កដា ស​ប្តា​ហ៍​ក្រោយ​ដើម្បី​ធ្វើ​វិសោធនកម្ម​រដ្ឋធម្មនុញ្ញ​បើកផ្លូវ​ឲ្យ​មានការ​រៀបចំ​ច្បាប់​ដក​សញ្ជាតិ​នេះ​តែ​ម្តង ។

តាម​ការ​លើក​ឡើង​របស់​សម្តេច​តេ​ជោ រឿង​នេះ​គឺ​ស្រប​តាម​ច្បាប់ ដោយសារ​មាន​សមាជិក​សភា​១២៥​រូប បូក​និង​សមាជិក​រដ្ឋាភិបាល​បាន​ស្នើ​ទៅ​ព្រះមហាក្សត្រ ហើយ​ព្រះមហាក្សត្រ​ព្រះ​អង្គ​បាន​សុំ​អោយ ក្រុមប្រឹក្សា​ធម្ម​នុ​ញ្ញាប​ក​ស្រាយ​ចំណុច​នេះ ។

បន្ទាប់​មក​ក្រុមប្រឹក្សាធម្មនុញ្ញ នៅ​ថ្ងៃ​ទី​០២ ខែកក្កដា ឆ្នាំ​២០២៥ បាន​បើក​កិច្ចប្រជុំ​ពេញអង្គ​ក៏​បាន​បើក​កិច្ចប្រជុំ​មួយ​ហើយ​បាន​ពិនិត្យ​ឃើញ​ថា​សេចក្តី​ស្នើ​សុំ​ធ្វើ​វិសោធនកម្ម​មាត្រា​៣៣នៃរដ្ឋធម្ម នុញ្ញ​កម្ពុជា​គឺ​អាច​ប្រ​ពឹ​ត្តិ​ទៅ​បាន ។

ដោយឡែក​ សម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា នៅ​ពេល​ចូលរួម​កម្មវិធី​នៅ​ខេត្តកំពង់ធំ នៅ​ថ្ងៃ​ទី០៣ ខែកក្កដា ក៏​បាន​ថ្លែង​បញ្ជាក់​ការពារ​ដល់​សំណើសុំ​ធ្វើ​វិសោធនកម្ម​ច្បាប់រដ្ឋធម្មនុញ្ញ​បើកផ្លូវ​ឲ្យ​មានការ​រៀបចំ​ធ្វើ​ច្បាប់​ដក​សញ្ជាតិ​នេះ​ដែរ ។

តាម​ប្រសាសន៍​របស់​សម្តេច​ធិ​បតី ប្រទេស​ជា​ច្រើន​នៅ​លើ​ពិភពលោក​គឺ​មានច្បាប់​ដក​សញ្ជាតិ​នេះ រាប់​ទាំង​សហរដ្ឋអាមេរិក និង ១៨ ប្រទេស​នៅ​សហភាព​អឺរ៉ុប ។ សម្តេច​ធិ​បតី​បាន​លើក​ឡើង​ថា នៅ​លើ​ពិភពលោក​មាន​ប្រទេស​ដល់​ទៅ​ប្រមា​ន​ជា ១៥០ ប្រទេស​គឺ​មានច្បាប់​ដក​សញ្ជាតិ​ពី​ពលរដ្ឋ​ខ្លួន បើ​ពលរដ្ឋ​ណា​ម្នាក់​រក​ឃើញ​ថា​បាន​ប្រព្រឹត្ត​ទ​ង្វើ​ចូល​ដៃ​ជាមួយ​បរទេស ដើម្បី​ប្រឆាំង និង​បំផ្លាញ​ផលប្រយោជន៍​ជាតិ​ខ្លួនឯង​។

ពាក់ព័ន្ធ​នឹង​ច្បាប់​នេះ មាន​ទស្សនៈ​ពីរ​ចេញ​មក​។ ប៉ុន្តែ​ទោះបីជា​យ៉ាងណា​ក៏​ដោយ​មតិ​គាំទ្រ​ហាក់​ចេញ​មក​យ៉ាងច្រើន​ជា​បន្តបន្ទាប់ ។ ក្រុម​អ្នកគាំទ្រ​លើក​ឡើង​ថា បើ​កម្ពុជា​មានច្បាប់​នេះ គឺ​ដើម្បី​ធានា​ឲ្យ​ច្បាស់លាស់​ថា នៅ​ពេល​ណា​ដែល​មាន​សញ្ជាតិ​កម្ពុជា គឺ​ត្រូវ តែ​មាន​កាតព្វកិច្ច​ការពារ​ផលប្រយោជន៍​ជាតិ​ជា​ធំ ហើយ​រាល់​សកម្មភាព ឃុបឃិត​ជាមួយ​បរទេស​ដើម្បី​បំផ្លាញ​ផលប្រយោជន៍​ជាតិ​គឺ​ត្រូវ​ទទួល ទណ្ឌកម្ម ។

ដោយឡែក​មតិ​រិះគន់​វិញ​យល់​ថា​ច្បាប់​នេះ​មិន​គួរ​អនុវត្ត​ចំពោះ​អ្នកមាន​សញ្ជាត​តែ​មួយ​ឡើយ​។
សរុបសេចក្តី​ទៅ​រឿង​ដំណើរការ​រៀបចំ​ច្បាប់​ដក​សញ្ជាតិ​នេះ នឹង​មិន​អាច​ដើរ​ថយក្រោយ​វិញ​បាន​ឡើយ ប៉ុន្តែ​លទ្ធភាព​នៃ​ការ​តាក់តែង​យ៉ាងណា​ឲ្យ​ស៊ីជម្រៅ​នោះ គឺជា​និ​តិ​វិធី​ដែល​នឹង​មានការ​ជជែក​ដេញ ដោល​ហើយ​លើក​ឡើង​នៅ​ក្នុង​សភា នៅ​ពេល​ដែល​សភា​បើក​កិច្ចប្រជុំ​នៅ​ស​ប្តា​ហ៍​ក្រោយ​នេះ ។

ដូច្នេះ យើង​គួរ​ទុក​អោយ​សភា និង​ព្រឹទ្ធសភា​ដែល​មាន​តួនាទី​បង្កើត​ច្បាប់​បំពេញការងារ​តាម​ការ​ទទួលខុសត្រូវ​របស់​ពួក​គេ​ដើម្បី​តម្កល់​ប្រយោជន៍​ជាតិ​ជា​ធំ​។

អត្ថបទសរសេរ ដោយ

កែសម្រួលដោយ