រាជធានីភ្នំពេញ ៖ ដើមឈើមួយដើមទំហំប៉ុនខ្លួនមនុស្សចាស់បានពុកផុយឬសហើយដួលរលំទាំងជំហរកាត់ទទឺងផ្លូវ ខណៈពេលភ្លៀង ធ្លាក់និងលាយឡំទៅនឹងខ្យល់កន្ត្រាក់ ។ ទោះបីជាយ៉ាងណាចាត់ទុកជាសំណាងល្អ ពុំបណ្ដាលឲ្យមនុស្សណាម្នាក់រងរបួសឡើយ គ្រាន់តែទាក់ខ្សែភ្លើង ខ្សែកាប…
រាជធានីភ្នំពេញ ៖ ដើមឈើមួយដើមទំហំប៉ុនខ្លួនមនុស្សចាស់បានពុកផុយឬសហើយដួលរលំទាំងជំហរកាត់ទទឺងផ្លូវ ខណៈពេលភ្លៀង ធ្លាក់និងលាយឡំទៅនឹងខ្យល់កន្ត្រាក់ ។ ទោះបីជាយ៉ាងណាចាត់ទុកជាសំណាងល្អ ពុំបណ្ដាលឲ្យមនុស្សណាម្នាក់រងរបួសឡើយ គ្រាន់តែទាក់ខ្សែភ្លើង ខ្សែកាប និងខ្សែអ៊ីនធើណេត បណ្ដាលឲ្យដាច់ធ្លាក់រងការខូចខាតតែប៉ុណ្ណោះ។
ការដួលរលំដើមឈើនេះបានកើតឡើងនៅវេលាម៉ោង ៣និង៥០នាទីរសៀលថ្ងៃទី៤ខែកក្កដាឆ្នាំ២០២៥នៅតាមបណ្ដោយផ្លូវលេខ ១០១៥ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមព័ត៌មានឱ្យដឹងថា នៅមុនពេលកើតហេតុភ្លៀងបានបង្អុរធ្លាក់និងមានខ្យល់កន្ត្រាក់បោកបក់ខណៈនោះដើមឈើមួយដើមខាងលើដែលពុកឬសបានដួលរលំស្កាត់ផ្លូវនិងទាក់ខ្សែភ្លើង ខ្សែកាបនិងអ៊ីនធើណេត តែពុំបណ្ដាឲ្យ មនុស្សរងរបួសឡើយ។
ដើមឈើដែលដួលរលំនោះពុំត្រូវគេស្គាល់ថា ជាដើមឈើអ្វីនោះឡើយមានទំហំប៉ុនខ្លួនមនុស្សចាស់បែកមែកសាខា ។
តាមប្រជាពលរដ្ឋបានឲ្យដឹងទៀតថា ដោយសារតែពុកផុយឬសនិងមានខ្យល់កន្ត្រាក់នៅពេលភ្លៀងធ្លាក់ទើបជាហេតុធ្វើឲ្យដើមឈើខាងលើដួលរលំទាំងចំហរតែម្ដង។នៅរសៀលនោះដែល ប្រជាពលរដ្ឋក៏បានរាយការណ៍ទៅអាជ្ញាធរមូលដ្ឋាននិងមន្ត្រីជំនាញចុះទៅកាត់ដើមឈើនោះដើម្បីសម្រួលចរាចរណ៍ឡើងវិញ៕
ចែករំលែកព័តមាននេះ