រាជធានីភ្នំពេញ ៖ កម្មករបញ្ចូល និងលក់ហ្គាសគ្រប់ប្រភេទបញ្ចូលខ្យល់អុកស៊ីសែន និងថ្មស្អុយម្នាក់បានស្លា.ប់បាត់បង់ជីវិតភ្លាមៗ និងម្នាក់ទៀតរងរបួសដោយសារឧប្បត្តិហេតុផ្ទុះបំពង់ខ្យល់ អុកស៊ីសែន ខណៈពេលកំពុងបញ្ចូលខ្យល់អុកស៊ីសែនពីបំពង់ធំទៅបំពង់តូចៗ ។ ហេតុការណ៍នេះបានកើតមានឡើងនៅចំណុចផ្ទះលក់
រាជធានីភ្នំពេញ ៖ កម្មករបញ្ចូល និងលក់ហ្គាសគ្រប់ប្រភេទបញ្ចូលខ្យល់អុកស៊ីសែន និងថ្មស្អុយម្នាក់បានស្លាប់បាត់បង់ជីវិតភ្លាមៗ និងម្នាក់ទៀតរងរបួសដោយសារឧប្បត្តិហេតុផ្ទុះបំពង់ខ្យល់អុកស៊ីសែន ខណៈពេលកំពុងបញ្ចូលខ្យល់អុកស៊ីសែនពីបំពង់ធំទៅបំពង់តូចៗ ។ ហេតុការណ៍នេះបានកើតមានឡើងនៅចំណុចផ្ទះលក់ឧស្ម័នខ្យល់គ្រប់ប្រភេទ ហ្គាស និងថ្មស្អុយ ដែលមានទីតាំងនៅផ្ទះលេខ៣៩០Eo មហាវិថីព្រះសីហនុ សង្កាត់អូឡាំពិក ខណ្ឌចំការមន កាលពីវេលាម៉ោង១១និង៤៥នាទីថ្ងៃត្រង់ថ្ងៃទី៩ កក្កដា ២០១១។
តាមប្រភពព័ត៌មានពីសមត្ថកិច្ចនគរបាលមូលដ្ឋានបានឱ្យដឹងថា កម្មករដែលស្លាប់បាត់បង់ជីវិតក្នុងឧប្បត្តិហេតុគ្រោះថ្នាក់ផ្ទុះបំពង់ឧស្ម័នអុកស៊ីសែនខាងលើនេះ ឈ្មោះឌីណា ភេទប្រុស អាយុ២៧ឆ្នាំ មានទីលំនៅបណ្តោះអាសន្ននៅផ្ទះកើតហេតុ ហើយមានស្រុកកំណើតនៅខេត្តព្រៃវែង។ ឈ្មោះឌីណា ស្លាប់ដោយសារផ្ទុះបំពង់ឧស្ម័នអុកស៊ីសែន ត្រូវចំពោះធ្លាយពោះវៀន ស្លាប់ភ្លាមៗគ្មាននរណាជួយកើត។
តាមប្រភពព័ត៌មានពីកម្មករម្នាក់ដែលរងរបួសក្នុងហេតុការណ៍ផ្ទុះនេះបានបំភ្លឺប្រាប់សមត្ថកិច្ចថា មុនពេលកើតហេតុ រូបគេ និងឈ្មោះឌីណា រួមជាមួយកម្មករបញ្ចូលហ្គាស និងឧស្ម័នអុកស៊ីសែននៅផ្នែកផ្សេងៗទៀតកំពុងធ្វើការងារតាមជំនាញរៀងខ្លួន ដែលថៅកែបានបែងជេកឱ្យធ្វើ ។ ដោយឡែកឈ្មោះឌីណា ទទួលភារកិច្ចផ្ទេរខ្យល់អុកស៊ីសែនពីបំពង់ធំទៅបំពង់តូច ដើម្បីយកទៅលក់បន្តឱ្យម៉ូយ ។ ខណៈពេលនោះក៏ជួបហេតុការណ៍គ្រោះថ្នាក់ដោយចៃដន្យគឺផ្ទុះបំពង់ឧស្ម័នអុកស៊ីសែនត្រូវចំពោះធ្លាយពោះវៀនស្លាប់យ៉ាងអាណោចអាធ័មបំផុត ៕
ចែករំលែកព័តមាននេះ