រឿងបទល្មើសគ្រឿងញៀ.ននៅកម្ពុជា នៅឆមាសទី១ ដើមឆ្នាំ២០២៥នេះ អ្នកដែលពាក់ព័ន្ធនឹងគ្រឿងញៀ.នភាគច្រើន នៅតែជាពលរដ្ឋខ្មែរ ខណៈបរទេសហាក់នៅដដែល ។ បញ្ហាគ្រឿងញៀ.ននៅតែមានស្ថានភាពធ្ងន់ធ្ងរដែលកម្ពុជាមិនអាចដកថយ ឬបន្ធូរដៃបានឡើយ ។…
រឿងបទល្មើសគ្រឿងញៀ.ននៅកម្ពុជា នៅឆមាសទី១ ដើមឆ្នាំ២០២៥នេះ អ្នកដែលពាក់ព័ន្ធនឹងគ្រឿងញៀ.នភាគច្រើន នៅតែជាពលរដ្ឋខ្មែរ ខណៈបរទេសហាក់នៅដដែល ។ បញ្ហាគ្រឿងញៀ.ននៅតែមានស្ថានភាពធ្ងន់ធ្ងរដែលកម្ពុជាមិនអាចដកថយ ឬបន្ធូរដៃបានឡើយ ។
ពីខែមករា ដល់ខែមិថុនា ឆ្នាំ២០២៥ សមត្ថកិច្ចបានឲ្យដឹងថា មានជនសង្ស័យសរុបចំនួន១២.៧២៨ នាក់ ត្រូវបានឃាត់ខ្លួននៅក្នុងនោះ ជនបរទេសមានត្រឹមតែ២,៣៩ ភាគរយទេ ពោល គឺត្រឹមប្រមាណជា៣០០នាក់ប៉ុណ្ណោះ ក្រៅពីនោះសុទ្ធតែជាពលរដ្ឋខ្មែរ ។
សមត្ថកិច្ចបានឲ្យដឹងថា ចំនួនជនសង្ស័យដែលត្រូវបានឃាត់ខ្លួន នៅឆមាសទី១ ឆ្នាំ២០២៥ គឺមានកំណើនកើនឡើងប្រមាណជា៨,០៥ភាគរយ ខណៈដែល គ្រឿនញៀ.នដែលរឹបអូស មានប្រមាណជា១,៤៦ តោន នៅក្នុងនោះ មានកញ្ឆាស្ងួត៣៦៦គីឡូក្រាម និងដើមកញ្ឆាស្រស់សរុប១២.២១២ ដើម ។ ក្រៅពីនោះសារធាតុញៀ.នដែលរឹបអូសផ្សេងទៀត គឺមានកេតាមីន, អេស្តាស៊ី, ហេរ៉ូអ៊ីន, មេតំហ្វេតាមីនគ្រីស្តាល់, មេតំហ្វេតាមីន, និងកូកាអ៊ីនជាដើម ។ មកដល់ពេលនេះគ្រឿងញៀ.ន គឺជាមុខព្រួញដ៏សំខាន់មួយដែលសមត្ថកិច្ចកម្ពុជាបានដាក់គោលដៅបង្ក្រាប ប៉ុន្តែទោះបីជាយ៉ាងណាក៏ដោយ សកម្មភាពជួញដូរ និងការរត់ពន្ធគ្រឿងញៀ.ន គឺនៅតែកើនឡើង ។
ពាក់ព័ន្ធនឹងបញ្ហានេះ អ្នកវិភាគបានលើកឡើងថា នៅពេលដែលកំណត់ត្រាអំពីការចាត់វិធានការលើគ្រឿងញៀ.ននេះ តែកើនបែបនេះ គឺវាអាចឆ្លុះបញ្ចាំងនូវទិដ្ឋភាពជាច្រើន ។ នៅក្នុងចំណោមទិដ្ឋភាពទាំងនោះ គឺបានឆ្លុះបញ្ចាំងថា បញ្ហាគ្រឿងញៀ.ននៅកម្ពុជាវាកាន់តែរីករាលដាល ។
ប៉ុន្តែទោះបីជាយ៉ាងណាក៏ដោយ សូមកុំមានទស្សនៈទុទ្ទិដ្ឋិនិយមពេក ពីព្រោះកំណើននេះវាអាចបណ្តាលមកពីការបន្តបង្កើនសកម្មភាពកាន់តែសកម្មឡើងបន្ថែមទៀត នៅក្នុងកិច្ចការបង្ក្រាបគ្រឿងញៀ.ន ។ ទិដ្ឋភាពពេញមួយឆមាសទី១ នៃឆ្នាំ២០២៥នេះ ក៏បង្ហាញថា សមត្ថកិច្ចកាន់តែបង្កើនការយកចិត្តទុកដាក់ បន្ថែមទៀត លើការប្រយុទ្ធប្រឆាំងនឹងគ្រឿងញៀ.ន ។ ដូច្នេះហើយបានជា ការឃាត់ខ្លួនជនសង្ស័យដែលពាក់ព័ន្ធនឹងគ្រឿងញៀ.ននេះចេះតែកើន ។
ដោយឡែក ការបន្តរកឃើញជនបរទេសពាក់ព័ន្ធនឹងគ្រឿងញៀ.ន ទោះបីជាភាគរយវាតិចធៀបនឹងចំនួនជនសង្ស័យដែលឃាត់ខ្លួនសរុបក៏ពិតមែន ប៉ុន្តែចំនួននេះក៏ច្រើនដែរ ។ ដូច្នេះវាបញ្ជាក់ថា សមត្ថកិច្ចនៅក្នុងស្រុក គួរតែពង្រឹងកិច្ចសហប្រតិបត្តិការបន្ថែមទៀត ជាមួយនឹងប្រទេសនានា ដើម្បីបោសសម្អាត គ្រឿងញៀ.នមុនពេលវាមកដល់កម្ពុជា ។ ការបង្ក្រាបតែនៅក្នុងប្រទេសវាមិនអាចជោគជ័យបានទេ ប្រសិនបើបរទេសនៅតែ បន្តលួចនាំចូលមកកាន់ប្រទេសកម្ពុជាបន្តទៀតនោះ ។
សរុបទៅ កំណើននៃការរកឃើញគ្រឿងញៀ.ន និងឃាត់ខ្លួនជនសង្ស័យនៅពេលនេះ វា គឺជាសក្ខីកម្មដ៏ជាក់ស្តែងដែលទាមទារឲ្យសង្គមកម្ពុជា កាន់តែបន្តយកចិត្តទុកដាក់បន្ថែមទៀត លើការប្រយុទ្ធប្រឆាំងនឹងគ្រឿងញៀ.ន ។
អ្នកដែលពាក់ព័ន្ធតាំងពីរដ្ឋាភិបាល អង្គការក្រៅរដ្ឋាភិបាល សហគមន៍ជាតិ និងអន្តរជាតិ គឺគួរតែបន្តពង្រឹងការអប់រំ បង្កើនការយល់ដឹង និងបង្កើតកម្មវិធីស្តារនិងការពារគ្រឿងញៀ.ន ។ សូមកុំដកថយ បញ្ហាគ្រឿងញៀ.ននេះ វានៅតែបន្តជះឥទ្ធិពលយ៉ាងសកម្មដល់សុខមាលភាពសង្គម និងសេដ្ឋកិច្ចកម្ពុជា ៕
ចែករំលែកព័តមាននេះ