ក្រោយពេលដែលសម្តេចធិបតី នាយករដ្ឋមន្ត្រីចេញបទបញ្ជាយ៉ាងតឹងរឹងឲ្យបង្ក្រាបបទល្មើសឧក្រិ.ដ្ឋកម្មអនឡាញមកដល់ពេលនេះឃើញថា សកម្មភាព គឺបានអនុវត្តផុលផុស ដោយបានចេញដំណើរបណ្តើៗ ហើយ មន្ត្រីដែលអស់បុណ្យសក្តិក៏ចេញបណ្តើរៗដែរ ។ ក្រោយពេលដែលបទបញ្ជានេះចេញឃើញថា មនុស្សប្រមាណជាចូលខ្ទង់ពាន់នាក់ហើយ…
ក្រោយពេលដែលសម្តេចធិបតី នាយករដ្ឋមន្ត្រីចេញបទបញ្ជាយ៉ាងតឹងរឹងឲ្យបង្ក្រាបបទល្មើសឧក្រិ.ដ្ឋកម្មអនឡាញមកដល់ពេលនេះឃើញថា សកម្មភាព គឺបានអនុវត្តផុលផុស ដោយបានចេញដំណើរបណ្តើៗ ហើយ មន្ត្រីដែលអស់បុណ្យសក្តិក៏ចេញបណ្តើរៗដែរ ។
ក្រោយពេលដែលបទបញ្ជានេះចេញឃើញថា មនុស្សប្រមាណជាចូលខ្ទង់ពាន់នាក់ហើយ ត្រូវបានឃាត់ខ្លួននៅភ្នំពេញ ខេត្តកំពង់ស្ពឺ ខេត្តព្រះសីហនុ ពោធិ៍សាត់ បន្ទាយមានជ័យ និងក្រចេះ។ល។ ជនសង្ស័យដែលឃាត់សរុប គឺមានចម្រុះជាតិសាសន៍ ដោយគេដឹងថា ភាគច្រើន គឺមានវៀតណាម ឥណ្ឌូនេស៊ី ចិន ថៃ មីយ៉ាន់ម៉ា បង់ក្លាដេស ព្រមទាំងខ្មែរយើងជាដើម ។
មកដល់ពេលមេក្លោងនៃក្រុមឧក្រិ.ដ្ឋជន ដែលយកកម្ពុជាមកប្រឡាក់ប្រលូក និងឧក្រិ.ដ្ឋកម្មទាន់សម័យនេះ នៅមិនទាន់ត្រូវបានសមត្ថកិច្ចបង្ហាញមុខនៅឡើយទេ ដោយបង្ហាញត្រឹមតែទីតាំងសម្ភារៈដែលរឹបអូស និងទិដ្ឋភាពទូទៅខ្លះៗនៅពេលដែល សមត្ថកិច្ចចុះបោសសម្អាត ។ ក្រោយពេលសមត្ថកិច្ចកំពុងតែអនុវត្តវិធានការក្តៅប្រឆាំងនឹងក្រុមឧក្រិដ្ឋជនទាំងនេះក៏មានសេចក្តីរាយការណ៍ថា មន្ត្រីជាន់ខ្ពស់ដែលអនុវត្តច្បាប់មួយចំនួនបានរបូតតំណែងដែរ ។
កាលពីថ្ងៃទី១៦ ខែកក្កដា កន្លងទៅនេះ លោក កើត រិទ្ធ រដ្ឋមន្ត្រីក្រសួងយុត្តិធម៌បាន ប្រកាសពីការសម្រេចផ្អាកមុខងារជាបណ្តោះអាសន្តលោក គ្រី សីហា ព្រះរាជអាជ្ញារងនៃអយ្យការអមសាលាដំបូងខេត្តពោធិសាត់ ដោយយោងតាមច្បាប់ស្តីពីលក្ខន្តិកៈនៃចៅក្រម និងព្រះរាជអាជ្ញា ។ នៅក្នុងលិខិតនោះ បានបញ្ជាក់ថា ការផ្អាកនេះ គឺដើម្បីបើកផ្លូវឲ្យក្រុមអធិការកិច្ច និងស្ថាប័បនមានសមត្ថកិច្ចធ្វើការសើបអង្កេតស្រាវជ្រាវទាក់ទងនឹងការអនុវត្តច្បាប់ដោយរំលោ.ភបំពានក្នុងការដោះលែងជនល្មើស ដែលត្រូវចាប់ខ្លួនពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា នៅក្នុងខេត្តនេះតែម្តង ។
ក្រៅពីនោះ ព្រះមហាក្សត្រក៏បានត្រាស់បង្គាប់ដាក់វិន័យដោយបណ្តេញ លោក សុច សុផាន់ណារ៉ា ចេញពីក្របខណ្ឌព្រះរាជអាជ្ញានៃក្រសួងយុត្តិធម៌ដែរ ។ មូលហេតុមិនបានបញ្ជាក់ច្បាស់លាស់ ពីការសម្រេចចិត្តនេះទេ ប៉ុន្តែរឿងនេះកើតឡើងនៅពេលដែលបទបញ្ជាក្តៅ ត្រូវបានបញ្ចេញប្រឆាំងនឹងបទឧក្រិ.ដ្ឋកម្មអនឡាញ ។
ក្រៅពីនោះក៏អាចនឹងមានមន្ត្រីសមត្ថកិច្ច និងកងកម្លាំងផងដែរ ខណៈដែលតាមបទបញ្ជារបស់នាយករដ្ឋមន្ត្រី ដែលបានបែកធ្លាយថ្មីៗនេះបានសង្កត់ធ្ងន់ហើយថា នរណាក៏ដោយដែលរារាំង ឬរាំងស្ទះដំណើរការបង្ក្រាប និងចាត់វិធានការច្បាប់ប្រឆាំងនឹងក្រុមឧក្រិដ្ឋជននេះនឹងត្រូវអនុវត្តទៅតាមច្បាប់ ។
សូមបញ្ឈប់ការពាក់ព័ន្ធនឹងរឿងនេះជាបន្ទាន់ ខណៈដែលគេដឹងថាម្ចាស់ទីតាំង និងសម្បុកនៃក្រុមនេះជាទូទៅមិនមែនជាអ្នកធម្មតាឡើយ ពីព្រោះថា អ្នកធម្មតាឯណាមានសម្បត្តិ មានលុយដល់ទៅសាងសង់អគារធំៗសម្រាប់ឧក្រិ.ដ្ឋជនទាំងនេះ ។
ក្រៅពីបន្តវែកមុខលើឧក្រិដ្ឋជនហើយនោះ អ្នកអនុវត្តច្បាប់ក៏សូមវែកមុខរកឲ្យឃើញនរណាជាមេក្លោងពិតប្រាកដ ដើម្បីនាំពួកគេយកមកទទួលទោសតាមច្បាប់ ហើយសម្រាប់អ្នកដែលមិនដឹងអីដែលត្រូវគេបោក ឬអន្ទងមកបម្រើការឲ្យក្រុមឧក្រិដ្ឋជនទាំងនេះក៏សិក្សាពិនិត្យដោះស្រាយសម្រួលតាមនិតិវិធីច្បាប់ ដើម្បីអាចអោយពួកគេវិលមកជីវភាពធម្មតាវិញ ។
នៅក្នុងចំណោមអ្នកដែលឃាត់ ខ្លួនទាំងនោះមេក្លោងពិតប្រាកដ គឺមិនច្រើនទេ ក្រៅពីនោះ គឺមានតែអ្នកដែលធ្វើតាមគេបញ្ជាតាមជំនាញតាមបទពិសោធន៍របស់គេប៉ុណ្ណោះ ។ ប៉ុន្តែក៏សូមប្រុងប្រយ័ត្ន ហើយក៏ត្រូវតែយកចិត្តទុកដាក់ផងដែរ គឺក្រុមជនខិលខូលឃុបឃិតគ្នាជាប្រព័ន្ធលាងខ្លួនពីមេក្លោងដែលទទួលខុសត្រូវពេញទីមកជាអ្នកបម្រើការ ហើយយកករណីនេះទៅទម្លាក់កំហុសដល់អ្នកស្លូតត្រង់ ដែលគ្នាធ្វើការត្រឹមតែដូចប្រាក់ខែ ដើម្បីចិញ្ចឹមជីវភាពប្រចាំថ្ងៃ ៕
ចែករំលែកព័តមាននេះ