មុននឹងអនុញ្ញាតឲ្យបង្ហាញវត្តមាននៅលើទីផ្សារផលិតផលនានាជាពិសេសគឺឱសថ គ្រឿងសម្អាង អាហារបំប៉ន និង ផលិតផលនានា ជាដើមគឺតម្រូវឲ្យមានការត្រួតពិនិត្យគុណភាព និង មានលេខបញ្ជិកាឫលេខប្រវេទន៍ពីស្ថាប័នពាក់ព័ន្ធត្រឹមត្រូវទើបអនុញ្ញាត។ ប៉ុន្តែនៅតែមានជនខិលខូចបន្លំដែលចាំបាច់ស្ថាប័នពាក់ព័ន្ធគួរតែពង្រឹងការគ្រប់គ្រងនិងយន្តការងារត្រួតពិនិត្យឲ្យប្រាកដប្រជានិងត្រឹមត្រូវតាមយន្តការច្បាប់ ។…
មុននឹងអនុញ្ញាតឲ្យបង្ហាញវត្តមាននៅលើទីផ្សារផលិតផលនានាជាពិសេសគឺឱសថ គ្រឿងសម្អាង អាហារបំប៉ន និង ផលិតផលនានា ជាដើមគឺតម្រូវឲ្យមានការត្រួតពិនិត្យគុណភាព និង មានលេខបញ្ជិកាឫលេខប្រវេទន៍ពីស្ថាប័នពាក់ព័ន្ធត្រឹមត្រូវទើបអនុញ្ញាត។ ប៉ុន្តែនៅតែមានជនខិលខូចបន្លំដែលចាំបាច់ស្ថាប័នពាក់ព័ន្ធគួរតែពង្រឹងការគ្រប់គ្រងនិងយន្តការងារត្រួតពិនិត្យឲ្យប្រាកដប្រជានិងត្រឹមត្រូវតាមយន្តការច្បាប់ ។ ដូច្នេះ វាចាំបាច់ត្រូវតែត្រួតពិនិត្យនិង បោសសម្អាតអោយអស់ផលិតផលដែលនាំខូចសុខភាពប្រជាជនកម្ពុជា។
មកដល់ពេលនេះអ្នករកស៊ីត្រឹមត្រូវខ្លះគឺគោរពច្បាប់ និង គោរពបែបបទ ប៉ុន្តែអ្នកខ្លះគោរពខ្លះមិនគោរពខ្លះ ហើយអ្នកខ្លះអត់តែម្តង ដោយពួកគេប្រើប្រាស់រូបភាពកេងបន្លំ។ សម្រាប់អ្នកដែលរកស៊ីត្រឹមត្រូវ ដែលយកផលិតផលគ្រប់មុខមកពិនិត្យនិងឆ្លងមន្ទីរពិសោធន៍ និងទទួលលេខបញ្ជិកា ឫលេខប្រវេទន៍គឺគួរតែមានការទទួលស្គាល់។ ប៉ុន្តែករណីអ្នកគោរពខ្លះមិនគោរពខ្លះ ហើយអ្នកខ្លះអត់តែម្តង គឺត្រូវតែប្រឈមមុខច្បាប់តាមកម្រិតទោសទណ្ឌជាធរមាន ។
ម្យ៉ាងវិញទៀតករណីនេះគួរកុំធ្វើឫចាត់វិធានការតែពេលម្ចាស់អាជីវកម្មមានបញ្ហាពិរុទ្ធភាព គឺគួរតែធ្វើសូម្បីតែពេលដែលម្ចាស់អាជីវកម្មនៅដំណើរការប្រក្រតីឫផលិតផលកំពុងពេញនិយម ។ យើងត្រូវដឹងម្ចាស់អាជីវកម្មខ្លះ ព្រោះតែចង់បានចំណេញច្រើន ដំបូងសុំច្បាប់ សុំលេខបញ្ជីកា ឫលេខប្រវេទន៍ត្រឹមត្រូវ តែដល់អាជីវកម្មខ្លួនរីកចម្រើនមានលុយមានអំណាចមានបក្សពួក មានខ្នងតាំងល្មើសច្បាប់ដោយរកស៊ីស្របច្បាប់ខ្លះនិងមិនស្របច្បាប់ខ្លះ ។ ករណីនេះដូចជាករណីលោកស្រី ឆេង ស្រីរ័ត្ន ម្ចាស់គ្រឹះស្ថានអហរ័ណ នីហរ័ណ ផលិតផលគ្រឿងសម្អាង ឡាហ្វ រីយ៉ា ឯ.ក ជាដើម ។
លោកស្រីម្នាក់នេះបានធ្វើអាជីវកម្មអនឡាញរាប់ឆ្នាំ ដោយលក់ផលិតផលជាច្រើនមុខ នៅក្នុងនោះក្រោយពេលដែលស្ត្រីនោះមានពិរុទ្ធផ្នែកច្បាប់ គេចុះទៅត្រួតពិនិត្យទៅបានដឹងថា នៅក្នុងចំណោមសំណាកផលិតផលដែលគេយកទៅមជ្ឈមណ្ឌលជាតិពិសោធន៍សុខាភិបាលគេរកឃើញមានផលិតផលបំប៉នសុខភាពចំនូន ២មុខ និងផលិតផលគ្រឿងសំអាង៣មុខគឺគ្មាន លេខបញ្ជិកាឫលេខប្រវេទន៍។
ក្រសួងសុខាភិបាលបានបញ្ជាក់ថា ផលិតផលដែលគ្មាន លេខបញ្ជិកាឫលេខប្រវេទន៍ ទាំងនោះ គឺគេរកឃើញនៅក្នុងចំណោមផលិតផល១៤ មុខដែលកំពុងតែចរាចរណ៍នៅលើទីផ្សារ ។ អ្វីដែលសំខាន់ផលិតផលដែលមិនមានលេខបញ្ជិកាឫលេខប្រវេទន៍ទាំងនោះគេបានរកឃើញ សាធាតុមួយចំនួន ដែលគេប្រើប្រាស់ខុសបច្ចេកទេសមានទុក្ខទោសដល់សុខភាពមនុស្ស ។ សាធារធាតុទាំងនោះគឺមានដូចជា Salicylic Acid, បារត, សារធាតុ Tranexamic Acid ។ សាធាតុទាំងនេះ អាចឲ្យស្បែកស្ងួត រលាកស្បែក ប្រតិកម្មអាល់ឡែកស៊ីស្បែក ខ្សោយតម្រង់នោម មហារីកស្បែកនិង ប៉ះពាល់ប្រព័ន្ធប្រសាទ ជាដើម។ល។
ផ្អែកតាមទឡ្ហីករណ៍នេះ យើងខ្ញុំគិតថា ដើម្បីលើកកម្ពស់សុវត្ថិភាពដល់ប្រជាពលរដ្ឋដែលប្រើប្រាស់ផលិតផលនានាទាំងនាំចូលនិងផលិតនៅក្នុងស្រុក គួរតែមានយន្តការត្រួតពិនិត្យជាប្រចាំតាមកាលវិភាគនិងបែបបទការងារ ឲ្យច្បាស់លាស់ ។ ការងារត្រួតពិនិត្យលេខបញ្ជិកាឫលេខប្រវេទន៍ ក៏ដូចជាគុណភាពផលិតផលមិនមែនធ្វើតែម្តងចប់នោះទេ គឺគួរតែធ្វើជាប្រចាំ តាមនីតិវិធីនិងបែបបទ ក៏ដូចជាស្តង់ដាកំណត់ច្បាស់លាស់មានចែកនៅក្រោមច្បាប់ ឲ្យបានត្រឹមត្រូវ។ ស្ថាប័នពាក់ព័ន្ធគួរតែមានក្រុមការងារចល័តត្រួតពិនិត្យហើយចាត់វិធានការភ្លាមៗ មិនមែនធ្វើតែម្តងហើយ ចប់ឡើយ ។
មកដល់ពេលនេះ ផលិតផលគ្រឿងបំប៉នសុខភាព ឡេ ឱសថបុរាណ ឱសថ គឺមានច្រើនមុខច្រើនម៉ាក ហើយដំណើរការចែកចាយនោះក៏ទូលំទូលាយ ជាពិសេសនៅលើទីផ្សាអនឡាញ ។ ផលិតផលទាំងនេះ អាចមានផលិតផលដែល ទំនងជាអាចជាផលិតផលដែលគ្មានលេខបញ្ជិកាឫលេខប្រវេទន៍ ។ ក្រៅពីនោះក៏អាចមានផលិតផលអាហារកែច្នៃ និង គ្រឿងកំប៉ុងជាដើម ដែលចាំបាច់គួរតែលើកកម្ពស់យន្តការត្រួតពិនិត្យ ឲ្យបានហ្មតចត់ដើម្បីសុខភាពនិងសុវត្ថិភាពអ្នកហូបចុក ក៏ដូចជាអ្នកប្រើប្រាស់នៅក្នុងស្រុក ។
ចែករំលែកព័តមាននេះ