រាជធានីភ្នំពេញ ៖ ស្ត្រីជាអ្នកជួញដូរ និងប្រើប្រាស់គ្រឿងញៀនម្នាក់ ត្រូវបានកម្លាំងនគរបាលប៉ុស្តិ៍ទឹកថ្លា សហការជាមួយនគរបាលផ្នែកគ្រឿងញៀន នៃអធិការដ្ឋានខណ្ឌសែនសុខ ឃាត់ខ្លួនដោយដកហូតបានថ្នាំញៀន ប្រភេទម៉ាទឹកកក ចំនួន៤១កញ្ចប់តូច…
រាជធានីភ្នំពេញ ៖ ស្ត្រីជាអ្នកជួញដូរ និងប្រើប្រាស់គ្រឿងញៀនម្នាក់ ត្រូវបានកម្លាំងនគរបាលប៉ុស្តិ៍ទឹកថ្លា សហការជាមួយនគរបាលផ្នែកគ្រឿងញៀន នៃអធិការដ្ឋានខណ្ឌសែនសុខ ឃាត់ខ្លួនដោយដកហូតបានថ្នាំញៀន ប្រភេទម៉ាទឹកកក ចំនួន៤១កញ្ចប់តូច ព្រមទាំងវត្ថុតាងមួយចំនួនទៀត ។
ការបង្ក្រាបគ្រឿងញៀននេះ ធ្វើឡើងកាលពីវេលាម៉ោង៥និង៣០នាទីល្ងាចថ្ងៃទី១ ខែកក្កដា ឆ្នាំ២០២៥ នៅចំណុចរោងទុកចោលមួយកន្លែងនៅតាមផ្លូវលំ ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ជនសង្ស័យ ដែលត្រូវឃាត់ខ្លួនមានឈ្មោះ ប៉ូ ហ្គេចម៉េង ភេទស្រី អាយុ៦១ឆ្នាំ មុខរបរមិនពិតប្រាកដ ស្នាក់នៅមិនពិតប្រាកដ ក្នុងរាជធានីភ្នំពេញ ។
តាមនគរបាលខណ្ឌសែនសុខ បានឲ្យដឹងថា ដោយមានការដឹកនាំបញ្ជាផ្ទាល់ពីលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ កម្លាំងប៉ុស្ដិ៍ននគបាលរដ្ឋបាលទឹកថ្លា បានសហការជាមួយកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌសែនសុខ បានធ្វើការបង្ក្រាបជាក់ស្ដែង នៅករណីជួញដូរដោយខុសច្បាប់ នូវសារធាតុញៀននៅចំណុចរោងទុកចោលតាមផ្លូវលំ ភូមិបូរីកម្មករ សង្កាត់ទឹកថ្លា ខណ្ឌសែនសុខ ដោយឃាត់ខ្លួនស្ត្រីម្នាក់ កំពុងតែឈរចែកចាយគ្រឿងញៀន។ បន្ទាប់ពីឃាត់ខ្លួន សមត្ថកិច្ចរហូតវត្ថុតាងរួមមានគ្រឿងញៀន ប្រភេទក្រាមពណ៌សថ្លា(ម៉ាទឹកក)ចំនួន៤១កញ្ចប់ថង់តូច, ទូរសព្ទចំនួន០១រឿង ម៉ាក Nokia (អ៊ិនចុចពិល) ពណ៌ខ្មៅ, កាបូបដៃចំនួន០១កាបូប, បំពងទុយ៉ោសម្រាប់ចូកគ្រឿងញៀនចំនួន០១ ។
ជនសង្ស័យត្រូវបានសមត្ថកិច្ចបញ្ជូនទៅកាន់អធិការដ្ឋាន ដើម្បីសាកសួរ និងចាត់ការតាមនីតិវិធី ៕
ចែករំលែកព័តមាននេះ