រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា ការកំណត់បង្គោលព្រំដែនរវាកម្ពុជា និងវៀតណាម នៅក្នុងទឹកមានភាពងាយស្រួលដោយគោរពតាមនិយាមអន្តរជាតិ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា ការកំណត់បង្គោលព្រំដែនរវាកម្ពុជា និងវៀតណាម នៅក្នុងទឹកមានភាពងាយស្រួលដោយគោរពតាមនិយាមអន្តរជាតិ ។
ថ្លែងក្នុងជួបសំណេះសំណាលជាមួយ សិស្ស និស្សិត លោកគ្រូ អ្នកគ្រូ នៅមជ្ឈមណ្ឌលអប់រំ និងបណ្ដុះបណ្ដាល ជា ស៊ីម កំចាយមារ ខេត្តព្រៃវែង នាព្រឹកថ្ងៃទី៣ ខែកក្កដា ឆ្នាំ២០២៥ សម្តេ ចតេជោ ហ៊ុន សែនបានបញ្ជាក់ថា កាលពីម្សិលមិញខ្ញុំបានទៅដល់ច្រកព្រំដែនម៉ឺនជ័យ បើទោះបីជាមិនទាន់បានសម្ភោធជាផ្លូវការ ដោយសារមានបញ្ហានេះ បញ្ហានោះ តែវាមិនមានបញ្ហា អ្វីទេ! តែត្រៀមសម្ភោធកូវីដកើត ហើយលូវនេះសង្ឃឹមថានាយករដ្ឋមន្ត្រីហ៊ុន ម៉ាណែត និងនាយករដ្ឋមន្ត្រីវៀតណាម នឹងសម្ពោធច្រកនេះជាផ្លូវការ។
សម្តេចតេជោបានគូសបញ្ជាក់ថា៖ «នៅពេលសម្តេចចុះទៅមើល ក៏ធ្វើបង្គោលព្រំដែនមួយបានបោះនៅក្នុងទឹក ប៉ុន្តែអ្វីដែលខ្ញុំគួរនិយាយឲ្យបានច្បាស់ថា ការចរចារវាងព្រំដែនជាមួយ វៀតណាម មានរឿងដែលល្អបំផុតមួយ គឺត្រង់ថា ភាគីទាំងពីរបានស្រុះស្រួលមួយបានទម្លាក់ខ្សែព្រំដែនដែលនៅជាប់មាត់ព្រែកទៅក្នុងតំបន់ទឹកជ្រៅដែលចំណុចនេះមិនមែនជាចំណុចសមញ្ញនោះទេ ។
សម្តេចតេជោបានបន្ថែមថា បារាំងបានគូសផែនទីនៅមាត់ព្រែកខាងវៀតណាមដូច្នេះ បើវៀតណាមចង់ចុះព្រែកទាល់តែសុំមកកម្ពុជា បើឆ្លងមកត្រូវរំលោភដែនដីកម្ពុជា ។ អីញ្ចឹងដំណោះស្រាយល្អបំផុត គឺធ្វើតាមនិយាមអន្តរជាតិដោយយកជ្រលងទឹកជ្រៅជាងគេធ្វើព្រំដែន ។
ជាមួយគ្នានោះដែរ សម្តេចតេជោ ហ៊ុន សែន ការកំណត់ព្រំដែនរវាងកម្ពុជា និងវៀតណាម ធ្វើឲ្យប្រទេសទាំងពីរទទួលបានអត្ថប្រយោជន៍ទាំងសងខាង ។ សម្តេចតេជោបានបញ្ជាក់បន្ថែមថា «អីញ្ចឹងទេ ដំណោះស្រាយបញ្ហាព្រំដែន អនុវត្តគោលការណ៍កំណត់ព្រំដែន ទៅក្នុងចំណុចទឹកជ្រៅ នេះជាដំណោះស្រាយឈ្នះ-ឈ្នះ ដែលយើងចង់ឃើញ ហើយយើងបានធ្វើជាមួយវៀតណាមហើយក៏បានធ្វើជាមួយឡាវដែរ។ ព្រោះថា ធ្វើយ៉ាងណាធានាថាប្រជាជនទាំងសងខាង មានទឹកប្រើប្រាស់អាចនេសាទ បានយកប្រើប្រាស់ នឹងហើយជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍន៍» ។
សម្តេចតេជោបានលើកឡើងទៀតថា ការបើកច្រកអន្តរជាតិម៉ឺនជ័យមានគោលដៅសំខាន់គឺជំរុញការតភ្ជាប់សេដ្ឋកិច្ច ការផ្លាស់ប្តូរទំនិញទៅវិញទៅមកជាមួយកម្ពុជា និងវៀតណាម៕
ចែករំលែកព័តមាននេះ